Ore i mexü̃ ga Matéu ümatüxü̃ 21:8 - Tupanaarü Ore

⁸ Rü yema muxü̃ma ga duü̃xü̃gü ga nawe rüxĩxü̃ rü naxchirumaxã nayachama ga nama. Rü togü rü naixtanü nadaü̃gü rü yemamaxã nayachama ga nama.

Ore i mexü̃ ga Matéu ümatüxü̃ 21:8 Referans Kwoze

Ore i mexü̃ ga Cuáü̃ ümatüxü̃ 12:13

Rü yexguma moruátüta nadaü̃gü rü yemamaxã Ngechuchuxü̃ nayatüxgütanüãchi. Rü tagaãcü ñanagürügü: —¡Namaxü̃! ¡Namecümaxüchi ya daa Tupanaégagu núma ũcü! ¡Namecümaxüchi ya daa Iraétanüxü̃arü Ãẽ̱xgacü! —ñanagürügü.

Norü taxre ga popera ga ãẽ̱xgacügüchiga 9:13

Rü yexgumatama ga wüxichigü rü ínacuxuchi ga norü capa ga naxchiruarü düxétüwa üxü̃ rü Yeúxü̃ namaxã nacha̱xape̱xegü ga toxṍõnewa. Rü ñu̱xũchi nagu nicuegü ga carnéruchatacu̱xre rü aita naxüe rü ñanagürügü: —¡Namaxü̃x ya ãẽ̱xgacü i Yeú! —ñanagürügü.

Lebítanüxü̃arü puracüchiga 23:40

Rü ngẽma petaarü nüxíraxü̃ i ngunexü̃gu rü ngẽma rümemaexü̃ i penetüarü o tá pebuxu. Rü tá penayaxu i palmeraátügü rü nai i metanüxü̃átügü rü nai i natüanacüwa rüxüxü̃átügü, rü 7 i ngunexü̃ tá Cori ya Tupanape̱xewa petaãẽgü.

Ore i mexü̃ ga Matéu ümatüxü̃ 21:7

Rü Ngechuchuxü̃tawa ngĩxü̃ nagagü ga yema búru ngĩxacümaxã. Rü yema norü ngúexü̃gü rü naxchirumaxã nanacha̱xatagü ga yema ngĩxacü, rü ñu̱xũchi ga Ngechuchu rü natagu naxaunagü.

Ore i mexü̃ ga Márcu ümatüxü̃ 11:8

Rü muxü̃ma ga duü̃xü̃gü rü naxchirumaxãtama nayacha̱xamagü. Rü togü rü naixatügü ga naanewa nadaü̃xü̃maxã nayacha̱xamagü.

Ore i mexü̃ ga Luca ümatüxü̃ 19:36

Rü duü̃xü̃gü rü Ngechuchupe̱xewa norü gáuxü̃chirumaxã nayachamagü ga nama.