Ore i mexü̃ ga Matéu ümatüxü̃ 21:3 - Tupanaarü Ore

³ Rü ngẽxguma texé pexna caxgux nax ta̱xacüca̱x ngĩxü̃ piwẽxü̃xü̃, ¡rü tümamaxã nüxü̃ pixu rü ñapegügü: “Torü Cori nangĩxwa̱xe namaxã i ngĩxacü, natürü paxa tá ngĩxü̃ natáeguxẽxẽ namaxã i ngĩxacü”, ñapegügü tüxü̃! —ñanagürü.

Ore i mexü̃ ga Matéu ümatüxü̃ 21:3 Referans Kwoze

Ngechuchuarü ngúexü̃gü ga yamugüxü̃arü puracüchiga 17:25

Rü nüma ya Tupana rü taxuca̱xma nanaxwa̱xe i texéarü ngü̃xẽxẽ erü taxuxü̃ma nüxü̃́ nataxu. Rü nüma nixĩ i guxãna naxããxü̃ i maxü̃, rü buanecü ya namaxã ingü̃ãtanücüücü rü guxü̃ma i ta̱xacü i togü ñu̱xma ngẽxmagüxü̃.

2 Corintios 8:9

Erü pema rü marü nüxü̃ pecua̱x nax ñuxãcü tamaxã namecümaxü̃ ga tórü Cori ya Ngechuchu ya Cristu. Rü woo nüxü̃́ nayexma ga guxü̃ma, natürü ñoma wüxi ga ngearü diẽruã́xü̃rüxü̃ pexca̱x nügü nixĩxẽxẽ nax ngẽmaãcü pexü̃́ nangẽxmaxü̃ca̱x i taxü̃ i Tupanaarü ngü̃xẽxẽ.

Ore i mexü̃ ga Cuáü̃ ümatüxü̃ 3:35

Rü Tanatü ya Tupana rü Nanexü̃ nangechaü̃, rü marü naxme̱xwa nanangẽxmaxẽxẽ i guxü̃ma.

Ore i mexü̃ ga Cuáü̃ ümatüxü̃ 17:2

Erü marü choxna cuxãga nax guxü̃ma i duü̃xü̃gümaxã ichacuáxü̃ca̱x rü nax chanamaxẽxẽẽxü̃ca̱x i guxü̃ma i duü̃xü̃gü i choxna cumugüxü̃.

Wiyaegü 24:1

Cori ya Tupanaarü nixĩ i guxü̃ma i ñaa naane rü guxü̃ma i nawa ngẽxmagüxü̃ rü guxü̃ma i nawa maxẽxü̃.

Édra 7:27

Rü yexguma ga Édra rü nayumüxẽ rü ñanagürü: —Pa Torü O̱xigüarü Tupanax, rü cuma rü cumecümaxü̃chi. Rü ngẽmaca̱x ãẽ̱xgacüãẽwa ícunanguxẽxẽ nax yima cupata ya taxü̃ne ya Yerucharéü̃wa ngẽxmane wena namexẽẽgüãxü̃ca̱x i curü duü̃xü̃gü.

Édra 1:5

Rü nüma ga Tupana rü yema Yudátanüxü̃arü ãẽ̱xgacügüãẽwa rü Bẽyamíü̃tanüxü̃arü ãẽ̱xgacügüãẽwa rü chacherdótegüãẽwa nananguxẽxẽ ga wüxi ga ngúchaü̃ nax Yerucharéü̃ca̱x nawoeguxü̃ca̱x nax wena naxügüã̱xü̃ca̱x ga Tupanapata ga taxü̃ne.

2 Corintios 8:16

Natürü Tupanana moxẽ chaxã, erü nüma rü Títoxü̃ nagu narüxĩnüxẽxẽ i ngẽmatama oegaãxẽ i choma pexca̱x choxü̃́ ngẽxmaxü̃.

Édra 1:1

Rü gumá taunecü ga nagu yangucuchicü ga Chíru nax Pérchiaanearü ãẽ̱xgacü yixĩxü̃ca̱x, rü Cori ya Tupana nayanguxẽxẽ ga norü ore ga Yeremíaa̱xwa nüxü̃ yaxuxü̃. Rü yemaca̱x ga nüma ga Tupana rü ãẽ̱xgacü ga Chíruãẽwa ínanangu̱xẽxẽ nax guxü̃ ga nachixü̃anegü ga nüma namaxã inacuáxü̃maxã naxunagüãxü̃ca̱x ga wüxi ga mu ga ümatüxü̃ ga ñaxü̃:

Nüxíraxü̃xü̃ ga popera ga ãẽ̱xgacügüchiga 17:9

—¡Ĩane ya Charéta ya Chidóü̃anewa ngẽxmanewa naxũ, rü ngẽxma yarüxã̱ũ̱x rü ngẽxma nape! Rü marü ngĩxü̃ chamu i wüxi i yutecü i ngẽxma ãchiü̃cü nax cuxü̃ nachibüxẽẽxü̃ca̱x —ñanagürü.

1 Chamué 10:26

Rü yexguma ga nüma ga Chaú rü nachiü̃ca̱x nataegu ga Guibeáwa. Rü nawe narüxĩ ga ñuxre ga yatü ga daiwa imexü̃ ga Cori ya Tupana norü maxü̃gu ingógügüxü̃ nax íyaxümücügüãxü̃ca̱x.

Popera ga Chantiágu ümatüxü̃ 1:17

Erü guxü̃ma i ngẽma aixcüma mexü̃ i tüxna naxãxü̃, rü naxü̃tawa ne naxũ ya Tupana ya daxũgucü ga naxücü ga üa̱xcü rü tauemacü rü woramacurigü rü ẽxtagü. Rü nüma rü guxü̃guma nanaxa̱i̱xrügumaraxü̃ rü taguma naxüchicüü.

Ore i mexü̃ ga Matéu ümatüxü̃ 21:2

Rü ñanagürü nüxü̃: —¡Gua tórü to̱xma̱xtawa ngẽxmane ya ĩanexacüwa pexĩ! Rü ngẽxma tá ngĩxü̃ pengau i wüxi i búru i ngẽxma ngãxü̃cü namaxã i wüxi i ngĩxacü i yatüxü̃ i ngĩxü̃tagu irüxã́ũxü̃. ¡Rü ngĩxü̃ piwẽxü̃, rü nua chauxü̃tawa ngĩxü̃ pega namaxã i ngĩxacü!

Ore i mexü̃ ga Matéu ümatüxü̃ 21:4

Rü yema nangupetü nax yanguxü̃ca̱x ga yema ore ga nũxcüma Tupanaarü orearü uruxü̃ ümatüxü̃ ga ñaxü̃: