Ore i mexü̃ ga Matéu ümatüxü̃ 21:1 - Tupanaarü Ore

¹ Rü yexguma marü yangaicagügu ga Yerucharéü̃wa nax nangugüxü̃, rü nawa nangugü ga guma ĩane ga Bexchagué ga Oribunecüarü Ma̱xpǘnewa yexmane. Rü Ngechuchu nanamu ga taxre ga norü ngúexü̃gü.

Ore i mexü̃ ga Matéu ümatüxü̃ 21:1 Referans Kwoze

Chacaría 14:4

Rü ngẽma ngunexü̃gu rü nüma ya Cori ya Tupana rü nagu tá nachi ya yima Oribuarü Ma̱xpǘne ya Yerucharéü̃arü to̱xma̱xtawa ngẽxmane i norü éstecüwawa. Rü tá narüngüte ya yima ma̱xpǘne. Rü wüxi i norü ngãxü̃ rü tá nórtewaama naxũgachi rü ngẽma to i norü ngãxü̃ rü tá súrwaama naxũgachi. Rü ngẽmaãcü tá nango̱x i wüxi i taxü̃ i ngate i éstewaama ne daxü̃ rü oéstewaama daxü̃.

Ore i mexü̃ ga Cuáü̃ ümatüxü̃ 8:1

Rü Ngechuchu rü Oribunecügu ãégane ga ma̱xpǘnewa naxũ.

Ore i mexü̃ ga Luca ümatüxü̃ 21:37

Rü nüma ga Ngechuchu rü guxü̃ ga ngunexü̃gügu Tupanapata ga taxü̃newa duü̃xü̃güxü̃ nangúexẽxẽ. Rü chütacü rü guma Ma̱xpǘne ga Oribunecügu ãéganegu nayapeexü̃.

Ore i mexü̃ ga Matéu ümatüxü̃ 26:30

Rü nawena nax nawiyaegüxü̃ ga wüxi ga Tupanaarü wiyae, rü gumá Ma̱xpǘne ga Oribunecügu ãéganewa naxĩ.

Ore i mexü̃ ga Matéu ümatüxü̃ 24:3

Rü ñu̱xũchi Oribunecüarü Ma̱xpǘnewa naxĩ. Rü yexguma guma ma̱xpǘnewa nato̱xgu ga Ngechuchu rü norü ngúexü̃gü naxü̃tawa naxĩ nax nüxicatama nüxna nacagüexü̃ca̱x. Rü ñanagürügü: —Tanaxwa̱xe i tomaxã nüxü̃ quixu nax ñuxgu tá nangupetüxü̃ i ngẽma nüxü̃ quixuxü̃. ¿Rü ta̱xacü tá nixĩ i norü cua̱xruxü̃ i nawa nüxü̃ tacuáxü̃ nax wena núma cuxũxü̃ rü nagúxü̃ i naane? —ñanagürügü.

Ngechuchuarü ngúexü̃gü ga yamugüxü̃arü puracüchiga 1:12

Rü yema ngúexü̃gü ga Ngechuchu imugüxü̃ nax Tupanaarü puracü naxügüxü̃ca̱x, rü nüxna ínixĩ ga guma ma̱xpǘne ga Oribunecügu ãégane. Rü Yerucharéü̃ca̱x nawoegu. Rü guma ĩanearü yáxü̃ nüxna ga guma ma̱xpǘne rü wüxi ga quirumétru nixĩ.

Ore i mexü̃ ga Luca ümatüxü̃ 22:39

Rü yexguma ga Ngechuchu rü ínaxũxũ ga guma ĩanewa. Rü Oribunecüarü Ma̱xpǘnewa naxũ, yerü woetama nacüma nixĩ ga yéma nax naxũũxü̃. Rü norü ngúexü̃gü rü nawe narüxĩ.

Ore i mexü̃ ga Márcu ümatüxü̃ 14:26

Rü ñu̱xũchi Tupanaarü wiyaegu nawiyaegü. Rü yemawena rü Oribunecüarü Ma̱xpǘnewa naxĩ.

Ore i mexü̃ ga Matéu ümatüxü̃ 20:34

Rü yexguma ga Ngechuchu rü nüxü̃́ nangechaü̃tümüxü̃gü, rü naxetügügu ningõgü. Rü yexgumatama nidauchigü, rü Ngechuchuwe narüxĩ.

Ore i mexü̃ ga Matéu ümatüxü̃ 21:2

Rü ñanagürü nüxü̃: —¡Gua tórü to̱xma̱xtawa ngẽxmane ya ĩanexacüwa pexĩ! Rü ngẽxma tá ngĩxü̃ pengau i wüxi i búru i ngẽxma ngãxü̃cü namaxã i wüxi i ngĩxacü i yatüxü̃ i ngĩxü̃tagu irüxã́ũxü̃. ¡Rü ngĩxü̃ piwẽxü̃, rü nua chauxü̃tawa ngĩxü̃ pega namaxã i ngĩxacü!

Ore i mexü̃ ga Márcu ümatüxü̃ 13:3

Rü yemawena rü Oribunecüarü Ma̱xpǘne ga Tupanapata ga taxü̃nearü to̱xma̱xtawa yexmanewa naxĩ. Rü yéma narüto ga Ngechuchu. Rü Pedru rü Chantiágu rü Cuáü̃ rü André rü naxü̃tawa naxĩ nax noxrüwama nüxna nacagüexü̃ca̱x. Rü ñanagürügü: —Tanaxwa̱xe i tomaxã nüxü̃ quixu nax ñuxgu tá nangupetüxü̃ i ngẽma nüxü̃ quixuxü̃. ¿Rü ta̱xacü tá nixĩ i norü cua̱xruxü̃ i nawa nüxü̃ tacuáxü̃ ega nawa tá nanguxgu i ngẽma? —ñanagürügü.