Ore i mexü̃ ga Matéu ümatüxü̃ 20:2 - Tupanaarü Ore

² Rü yema puracütanüxü̃maxã nanamexẽxẽ nax wüxitachinü ga diẽru tá nüxü̃́ nax naxütanüãxü̃ ga wüxichigü ga ngunexü̃. Rü ñu̱xũchi norü úbanecüwa nanamugü nax yéma yapuracüexü̃ca̱x.

Ore i mexü̃ ga Matéu ümatüxü̃ 20:2 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 6:6

Rü nüxü̃ chaxĩnü ga wüxi ga naga ga yema daxũcüã̱x ga maxẽxü̃arü ngãxü̃tanüwa inaxũxü̃ ga ñaxü̃: “Wüxi i ngunexü̃arü puracütanü rü naxãtanü i wüxi i quíru i trigu Rü wüxi i ngunexü̃arü puracütanü naxãtanü i tomaepü̱x i quíru i chebáda. ¡Natürü taxṹ i cunatatanümaexü̃ i ngẽma chíxü̃ rü yimá bínu!” ñanagürü.

Norü taxre ga popera ga Timutéuca̱x naxümatüxü̃ ga Pauru 3:15

¡Rü nüxna nacua̱xãchi rü cubuxgumamatama nüxü̃ cucua̱x i Tupanaarü ore i üünexü̃! Rü ngẽma orewa nüxü̃ cucua̱x rü ngẽxguma Ngechuchu ya Cristuaxü̃́ yaxõgügu nixĩ i tüxü̃́ nangẽxmaxü̃ i maxü̃ i taguma gúxü̃.

Ore i mexü̃ ga Luca ümatüxü̃ 10:35

Rü moxü̃ãcü ga yexguma inaxũãchigu ga yema Chamáriaanecüã̱x, rü ngĩxü̃ nayaxu ga taxretachinü ga norü diẽru, rü yema pegüchicaarü yorana ngĩxü̃ naxã. Rü ñanagürü nüxü̃: “¡Nüxna nadau i ñaa yatü! Rü ngẽxguma yexeragu naxãtanügu nax nua nangẽxmaxü̃, rü choma tá cuxü̃́ chanaxütanü i ngẽxguma chataeguxgu” —ñanagürü.

Ore i mexü̃ ga Luca ümatüxü̃ 1:15

Erü yimá cune rü Tupanape̱xewa rü tá wüxi ya tachigacü nixĩ. Rü taxũtáma bínu nayaxaxü, rü taxuxü̃ma i to i ta̱xacürü ngúchi̱xáxü̃ tá nixaxü. Rü naxü̃pa nax nabuxü̃ rü Tupanaãxẽ ya Üünecü rü tá nawa nangẽxma.

Ore i mexü̃ ga Matéu ümatüxü̃ 22:19

¡Choxü̃ ngĩxü̃ pewé i wüxi i diẽru i ngĩmaxã ãẽ̱xgacüaxü̃́ penaxütanücü! —ñanagürü. Rü yéma naxü̃tawa ngĩxü̃ nangegü ga wüxitachinü ga diẽru.

Ore i mexü̃ ga Matéu ümatüxü̃ 20:13

Natürü ga yema úbanecüarü yora rü wüxi ga yema puracütanüxü̃xü̃ nangãxü̃, rü ñanagürü nüxü̃: “Pa Chomücüx, tama cuxü̃́ changĩ̱x. ¿Tama ẽ̱xna i wüxitachinügu yixĩxü̃ ga chomaxã cunamexẽẽxü̃ nax cuxü̃́ chanaxütanüxü̃ i ngẽma puracü?

Ore i mexü̃ ga Matéu ümatüxü̃ 18:28

Natürü yexgumatama yéma ãẽ̱xgacüxü̃tawa ínaxũũxgu ga yema yatü, rü nüxü̃ inayangau ga wüxi ga namücü ga írarüwatama nüxü̃́ nangetanüxü̃. Rü yema yatü rü nüxna natüxüe, rü nananu̱xnaxã, rü ñanagürü nüxü̃: “¡Choxü̃́ ngĩxü̃ naxütanü i ngẽma diẽru i choxü̃́ ngĩxü̃ cungetanücü!” ñanagürü.

Ngu̱xẽẽtaeruü̃arü ore 12:1

Rü ñu̱xma nax cungextü̱xüxü̃, rü ¡nüxna nacua̱xãchi ya yimá Tupana ya cuxü̃ ngo̱xẽẽcü ñoma rü ta taxũta ínangugü i ngunexü̃gü i guxchaxü̃gü namaxã napaxü̃! Erü tá cuxca̱x ínangugü i ngunexü̃gü i nagu ñacuxü̃: —Rü taxuwama choxü̃́ name nax chamaxü̃xü̃ —ñacuxü̃.

Norü taxre ga to ga popera ga ãẽ̱xgacügüchiga ümatüxü̃ 34:3

Rü yexguma marü 8 ga taunecü ãẽ̱xgacü yixĩxgu rü woo nax nangextü̱xüxü̃ ga Yochía, rü inanaxügü nax nũxcümaü̃cü ga norü o̱xi ga Dabíarü Tupanaca̱x nadauxü̃. Rü yexguma marü 12 ga taunecü ãẽ̱xgacü yixĩxgu rü Yudáanewa rü Yerucharéü̃wa inanaxügü nax nagu napogüxü̃ ga yema nachicagü ga ma̱xpǘnegüwa yexmagüxü̃ ga nawa tupananetagüxü̃ yacua̱xüü̃güxü̃. Rü ínanawogü ga Acheráchicüna̱xãgü, rü yema togü ga naxchicüna̱xãgü rü yema naxchicüna̱xãgü ga bróũchewa naxügüxü̃.

Nüxíraxü̃xü̃ ga popera ga ãẽ̱xgacügüchiga 18:12

Rü ngẽma tá ngupetüxü̃ nixĩ i ngẽxguma tá cuxna chixũgachigu i chomax, rü ngẽma Tupanaãxẽ i Üünexü̃ rü tá ngẽma nachica i choma tama nüxü̃ chacuáxü̃wa tá cuxü̃ naga. Rü ngẽxguma Acáxmaxã nüxü̃ chayarüxuxgu i ngẽma ngupetüxü̃, rü ngẽxguma nua naxũxgux rü tama nuxã cuxü̃ iyangauxgux rü tá choxü̃ nima̱x. Rü choma i curü duü̃xü̃ nax chixĩxü̃ rü changextü̱xügucürüwatama Cori ya Tupanaxü̃ changechaü̃.

1 Chamué 3:21

Rü nüma ga Cori ya Tupana rü wenaxarü Chamuéca̱x nügü nango̱xẽxẽ nawa ga guma Tupanapata ga Chilówa yexmane, yerü yéma nixĩ ga Tupana Chamuémaxã nüxü̃ yaxuxü̃ ga norü ore.

1 Chamué 3:1

Rü nüma ga ngextü̱xücü ga Chamué rü Cori ya Tupanaaxü̃́ napuracü yema Erí namuxü̃ãcüma. Rü yexguma ga Tupana rü ñuxguacürica texémaxã nidexa. Rü ñuxguacürica texéca̱x nanango̱xẽxẽ ga ẽxü̃guxü̃.

1 Chamué 2:26

Rü yoxni ga nüma ga gumá ngextü̱xücü ga Chamué rü niyachigü. Rü Cori ya Tupana rü poraãcü namaxã nataãxẽ, rü duü̃xü̃gü rü ta namaxã nataãẽgü.

1 Chamué 2:18

Rü nüma ga gumá bucü ga Chamué rü niyachigü rü Cori ya Tupanaaxü̃́ napuracü. Rü naxchiru rü chacherdótegüchirurüxü̃ nixĩ nax línuchinaxca̱x yixĩxü̃.

Ore i mexü̃ ga Matéu ümatüxü̃ 9:37

Rü yexguma ga Ngechuchu rü ñanagürü nüxü̃ ga norü ngúexü̃gü: —Aixcüma pemaxã nüxü̃ chixu rü nangẽxma i muxũchixü̃ i duü̃xü̃gü i ímemaregüxü̃ nax yaxõgüãxü̃ i Tupanaarü ore. Natürü nanoxree̱xpü̱x i puracütanüxü̃ nax namaxã nüxü̃ yaxugüxü̃ca̱x i ngẽma mexü̃ i ore.

Ore i mexü̃ ga Matéu ümatüxü̃ 20:1

Rü ngẽma Tupana ãẽ̱xgacü ixĩxü̃wa rü nanangẽxgumaraxü̃ ga wüxi ga úbanecüarü yora ga pa̱xmama puracütanüxü̃ca̱x yadaucü nax norü úbanecüwa napuracüexü̃ca̱x.

Ore i mexü̃ ga Matéu ümatüxü̃ 20:3

Rü yixcama ga 9 arü oragu rü wenaxarü plazawa ínayadau. Rü yexma nüxü̃ nayangau ga ñuxre ga yatügü ga ngearü puracüxã́xü̃.

Ore i mexü̃ ga Márcu ümatüxü̃ 12:15

Natürü ga Ngechuchu rü nüxü̃ nacua̱xama nax chixexü̃gu namaxã naxĩnüexü̃ ga yema duü̃xü̃gü woo mea namaxã nax yanadexagüxü̃. Rü yemaca̱x ñanagürü nüxü̃: —¿Tü̱xcüü̃ chixexü̃gu choxü̃ pengu̱xẽẽchaü̃xü̃? ¡Nua ngĩxü̃ pinge i wüxitachinü i diẽru nax ngĩxü̃ chadauxü̃ca̱x! —ñanagürü.

Ore i mexü̃ ga Luca ümatüxü̃ 20:24

¡Choxü̃ ngĩxü̃ pewé i wüxi i diẽru nax ngĩxü̃ chadauxü̃ca̱x! ¿Rü texéchicüna̱xã rü texééga ngĩgu üxü̃? —ñanagürü. Rü nanangãxü̃gü rü ñanagürügü: —Rómacüã̱x ya ãẽ̱xgacü ya tacüchicüna̱xã nixĩ —ñanagürügü.

Ore i mexü̃ ga Matéu ümatüxü̃ 20:9

Rü yéma naxĩ ga yema puracütanüxü̃ ga 5 arü oragu ga yáuanecü inaxügüexü̃ nax napuracüexü̃. Rü wüxichigü ngĩxü̃ nayauxgü ga wüxitachinü ga diẽru.