Ore i mexü̃ ga Matéu ümatüxü̃ 2:4 - Tupanaarü Ore

⁴ Rü yexguma ga ãẽ̱xgacü ga Eróde rü naxca̱x nangema ga guxü̃ma ga chacherdótegüarü ãẽ̱xgacügü rü yema ngúexẽẽruü̃gü ga Tupanaarü mugüwa ngu̱xẽẽtaegüxü̃. Rü nüxna naca, rü ñanagürü: —¿Ngexta tá nixĩ i nabuégaxü̃ ya Cristu? —ñanagürü.

Ore i mexü̃ ga Matéu ümatüxü̃ 2:4 Referans Kwoze

Ngechuchuarü ngúexü̃gü ga yamugüxü̃arü puracüchiga 23:9

Rü yemaca̱x guxü̃ma aita naxüe. Rü ñu̱xũchi ñuxre ga ngúexẽẽruü̃gü ga Moichéarü mugüwa ngu̱xẽẽtaegüxü̃ ga Parichéugütücumüwa ügüxü̃ rü inachigü, rü ñanagürügü: —Toxca̱x rü taxuxü̃ma i chixexü̃ naxü i ñaa yatü i Pauru. Bexmana wüxi i naãxẽ namaxã nidexa rü ẽ̱xna wüxi i orearü ngeruxü̃ i daxũcüã̱x —ñanagürügü.

Ngechuchuarü ngúexü̃gü ga yamugüxü̃arü puracüchiga 6:12

Rü yemaacü nananuexẽxẽ ga duü̃xü̃gü, rü Yudíugüarü ãẽ̱xgacügü, rü yema ngúexẽxẽruü̃gü ga mugüwa ngu̱xẽẽtaegüxü̃. Rü yemaca̱x ga nümagü rü Estébaü̃ca̱x ínayaxüãchi, rü nayayauxgü, rü Ãẽ̱xgacügüarü Ngutaque̱xewa nanagagü.

Ore i mexü̃ ga Matéu ümatüxü̃ 21:23

Rü yema ñaxguwena ga Ngechuchu rü Tupanapata ga taxü̃negu naxücu. Rü yexguma yéma ínangu̱ẽẽtaeyane rü naxca̱x naxĩ ga chacherdótegüarü ãẽ̱xgacügü rü Yudíugüarü ãẽ̱xgacügü. Rü Ngechuchuna nacagüe rü ñanagürügü: —¿Texégagu cunaxü i ngẽma nua cuxüxü̃? ¿Rü texé cuxna taxãga nax cunaxüxü̃ca̱x i ngẽma? —ñanagürügü.

Ore i mexü̃ ga Matéu ümatüxü̃ 7:29

Yerü nüma rü Tupanaarü poramaxã nanangúexẽxẽ, rü tama yema ngúexẽẽruü̃gü ga mugüwa ngu̱xẽẽtaegüxü̃rüxü̃ nixĩ.

Ngechuchuarü ngúexü̃gü ga yamugüxü̃arü puracüchiga 4:5

Rü moxü̃ãcü Yerucharéü̃wa nangutaque̱xegü ga Yudíugüarü ãẽ̱xgacügü namaxã ga chacherdótegü ga ãẽ̱xgacügü ixĩgüxü̃, rü ngúexẽẽruü̃gü ga mugüwa ngu̱xẽẽtaegüxü̃.

Ore i mexü̃ ga Cuáü̃ ümatüxü̃ 18:3

Rü yéma nangu ga Yúda namaxã ga ñuxre ga churaragü rü ñuxre ga Tupanapata ga taxü̃nearü purichíagü ga yéma namugüxü̃ ga chacherdótegüarü ãẽ̱xgacügü rü Parichéugü. Rü nixãxne, rü yéma nanangegü ga omügü.

Ore i mexü̃ ga Cuáü̃ ümatüxü̃ 8:3

Rü yema ngúexẽẽruü̃gü ga Moichéarü mugüwa ngu̱xẽẽtaegüxü̃ rü Parichéugü, rü Ngechuchuxü̃tawa ngĩxü̃ nagagü ga wüxi ga nge ga ãtecü ga ngĩxü̃ nadaugücü ga nai ga yatümaxã nax inapexü̃. Rü guxü̃ma ga yema duü̃xü̃gü ga yéma yexmagüxü̃pe̱xegu ngĩxü̃ nayachixẽẽgü.

Ore i mexü̃ ga Cuáü̃ ümatüxü̃ 7:32

Rü yema Parichéugü rü duü̃xü̃güxü̃ naxĩnüe nax Ngechuchuchiga yadexagüxü̃. Rü yemaca̱x ga yema Parichéugü rü yema chacherdótegüarü ãẽ̱xgacügü rü nanamugü ga ñuxre ga Tupanapata ga taxü̃nearü purichíagü nax Ngechuchuxü̃ yanayauxgüxü̃ca̱x.

Ore i mexü̃ ga Cuáü̃ ümatüxü̃ 3:10

Rü Ngechuchu nanangãxü̃, rü ñanagürü nüxü̃: —Cuma rü Iraétanüxü̃arü ngúexẽẽruxü̃ quixĩ. ¿Rü ñuxãcü i cuma i tama nüxü̃ cucuáxü̃ i ngẽma cumaxã nüxü̃ chixuxü̃?

Ore i mexü̃ ga Luca ümatüxü̃ 23:10

Rü yéma nayexmagü ta ga chacherdótegüarü ãẽ̱xgacügü rü yema ngúexẽẽruü̃gü ga Moichéarü mugüwa ngu̱xẽẽtaegüxü̃. Rü nümagü rü poraãcü Ngechuchuxü̃ ínaxuaxü̃gü.

Ore i mexü̃ ga Luca ümatüxü̃ 20:19

Rü nüma ga yema chacherdótegüarü ãẽ̱xgacügü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü yexgumatama Ngechuchuxü̃ niyauxgüchaü̃. Yerü nüxü̃ nacua̱xgü ga nachiga nax yixĩxü̃ ga yema ore ga cua̱xruxü̃ ga nüxü̃ yaxuxü̃. Natürü tama nayayauxgü, yerü duü̃xü̃güxü̃ namuü̃e.

Yeremía 8:8

¿Rü ñuxãcü i pema rü nüxü̃ pixugüxü̃ nax nüxü̃ picuáxü̃, rü pexü̃́ nangẽxmaxü̃ i chorü mugü? Erü ngẽma chorü mugü ümatügüxü̃ rü chixri nanaxümatügü rü ínayatõxẽẽgü.

Ore i mexü̃ ga Márcu ümatüxü̃ 8:31

Rü yemawena rü Ngechuchu inanaxügü ga norü ngúexü̃gümaxã nüxü̃ nax yaxuxü̃ ga ta̱xacü tá nüxü̃ nax üpetüxü̃. Rü ñanagürü nüxü̃: —Yimá Tupana Nane nax duü̃xü̃xü̃ ixĩcü, rü poraãcü ngúxü̃ tá ninge. Rü tá nüxü̃ naxoe i Yudíugüarü ãẽ̱xgacügü, rü chacherdótegüarü ãẽ̱xgacügü, rü ngẽma ngúexẽẽruü̃gü i Moichéarü mugüwa ngu̱xẽẽtaegüxü̃. Rü tá nayama̱xgü, natürü tomaepü̱x i ngunexü̃gu rü wena táxarü namaxü̃ —ñanagürü.

Ore i mexü̃ ga Matéu ümatüxü̃ 27:1

Rü yexguma yangunegu rü guxü̃ma ga chacherdótegüarü ãẽ̱xgacügü rü Yudíugüarü ãẽ̱xgacügü, rü nügümaxã nanamexẽẽgü nax ñuxãcü Ngechuchuxü̃ yama̱xgüxü̃.

Ore i mexü̃ ga Matéu ümatüxü̃ 26:47

Rü yexguma íyadexayane ga Ngechuchu, rü ínangu ga Yúda ga norü ngúexü̃chire̱x ixĩxü̃. Rü nawe narüxĩ ga muxü̃ma ga duü̃xü̃gü ga taramaxã rü naimaxã ixãxnexü̃. Rü yema nixĩ ga duü̃xü̃gü ga chacherdótegüarü ãẽ̱xgacügü rü Yudíugüarü ãẽ̱xgacügü yéma mugüxü̃.

Ore i mexü̃ ga Matéu ümatüxü̃ 26:3

Rü yema ngunexü̃gügu rü chacherdótegüarü ãẽ̱xgacü ga Caipápatawa nangutaque̱xegü ga norü ngü̃xẽẽruü̃gü ga chacherdótegü, rü yema ngúexẽẽruü̃gü ga mugüwa ngu̱xẽẽtaegüxü̃, rü Yudíugüarü ãẽ̱xgacügü.

Ore i mexü̃ ga Matéu ümatüxü̃ 21:15

Natürü ga chacherdótegüarü ãẽ̱xgacügü rü ngúexẽẽruü̃gü ga mugüwa ngu̱xẽẽtaegüxü̃, rü nüxü̃ nadaugü ga yema mexü̃gü ga Tupanaarü poramaxã naxüxü̃ ga Ngechuchu. Rü buxü̃güxü̃ naxĩnüe nax Tupanapata ga taxü̃newa ñagüxü̃: —¡Namaxü̃ ya daa Ngechuchu ya Dabítaxa! —ñagüxü̃. Rü yemaca̱x ga yema chacherdótegüarü ãẽ̱xgacügü rü ngúexẽẽruü̃gü rü nanue.

Ore i mexü̃ ga Matéu ümatüxü̃ 13:52

Rü yexguma ga Ngechuchu rü ñanagürü nüxü̃: —Rü guxü̃ma i ngúexẽẽruxü̃ i Tupanaarü mugüwa ngu̱xẽẽtaexü̃ rü nanaxwa̱xe nax mea nüxü̃ nacuáxü̃ i ngẽma nũxcümaü̃xü̃ i Tupanaarü ore rü ñaa ngexwaca̱xü̃xü̃ i chorü ore, ngẽxgumarüxü̃ i wüxi i yatü i norü taxepatawa duü̃xü̃güca̱x inawéxü̃ i norü ngẽmaxü̃gü i ngexwacaxü̃güxü̃ rü norü ngẽmaxü̃gü i nũxcümaü̃güxü̃ —ñanagürü ga Ngechuchu.

Maraquía 2:7

Rü wüxi i chacherdótearü puracü nixĩ nax duü̃xẽgü tüxü̃ nangúexẽẽxü̃ nax choxü̃ tacua̱xgüxü̃ca̱x. Rü ngẽmaca̱x name nax guxü̃ma i duü̃xü̃gü naxü̃tawa ĩxü̃ nax tüxü̃ nangúexẽẽxü̃ca̱x, erü choma nax guxãétüwa changexmaxü̃ rü nüxü̃ chaxuneta nax chorü orearü uruü̃gü yixĩgüxü̃ca̱x.

Wiyaegü 2:2

Rü ñoma i naanecüã̱x i nachixü̃anegüarü ãẽ̱xgacügü rü Tupanamaxã rü yimá ãẽ̱xgacü ya nüma yangucuchixẽẽcümaxã nanue, rü wüxigu nagu narüxĩnüe nax ñuxãcü yimáxü̃ ínata̱xüchigüxü̃.

Neemía 12:7

rü Charú rü Amóx rü Irichía rü Yedaía. Rü yemagü nixĩ ga yema chacherdótegümaxã icua̱xgüxü̃ rü ñu̱xũchi yema natanüxü̃maxã icua̱xgüxü̃ ga yexguma Yochué maxü̱̃xgu.

Édra 10:5

Rü yexguma nüma ga Édra rü inachi rü naxca̱x nangema ga guxü̃ma ga Iraétanüxü̃, rü yema chacherdótegüarü ãẽ̱xgacügü rü norü ngü̃xẽẽruü̃gü ga Lebítanüxü̃. Rü nüxna naca rü tá aixcüma yanguxẽẽgüã ga yema norü unetagü. Rü nümagü rü nanaxuegugü nax yanguxẽẽgüãxü̃ tá.

Édra 7:6

Rü nüma ga Édra rü wüxi ga ngu̱xẽẽtaeruxü̃ nixĩ, rü meama nüxü̃ nacua̱x ga Tupanaarü mugü ga Moiché ümatüxü̃. Rü wüxi ga ngunexü̃gu rü ãẽ̱xgacü ga Artayérena naca nax Yerucharéü̃ca̱x namueguaxü̃ca̱x. Rü nüma ga ãẽ̱xgacü rü naga naxĩnü, yerü Tupana rü poraãcü Édraxü̃ narüngü̃xẽxẽ. Rü yemaacü ga Édra rü Babiróniaanewa inaxũãchi rü Yerucharéü̃ca̱x nataegu.

Norü taxre ga to ga popera ga ãẽ̱xgacügüchiga ümatüxü̃ 36:14

Rü yexgumarüxü̃ ta ga guxü̃ma ga Yudáanecüã̱xarü ãẽ̱xgacügü rü norü duü̃xü̃gü rü chacherdótegü rü ta, rü poraãcü chixri namaxẽ. Rü yema togü ga nachixü̃anegü ga tama Tupanaxü̃ cua̱xgüxü̃arü tupananetachicüna̱xãxü̃ nicua̱xüxü̃gü. Rü yemaacü chixexü̃ nawa naxügü ga guma Tupanapata ga taxü̃ne ga nüma ga Tupana nüxü̃ unetane nax napata yixĩxü̃ca̱x ga Yerucharéü̃wa.

Norü taxre ga to ga popera ga ãẽ̱xgacügüchiga ümatüxü̃ 34:15

Rü yexgumatama ga nüma ga Irichía rü gumá ãẽ̱xgacüarü poperaarü ümatüruxü̃ ga Chapáü̃maxã nüxü̃ nixu nax Cori ya Tupanapata ga taxü̃negu nüxü̃ yangauxü̃ ga yema iyarütaxuxü̃ ga Tupanaarü mugüpane. Rü Chapáü̃na nanaxã.

Ore i mexü̃ ga Matéu ümatüxü̃ 2:3

Rü yexguma yemachigaxü̃ nacua̱xgu ga ãẽ̱xgacü ga Eróde rü poraãcü naxoegaãxẽ. Rü guxü̃ma ga duü̃xü̃gü ga Yerucharéü̃cüã̱xgü rü ta naxoegaãẽgü.

Ore i mexü̃ ga Matéu ümatüxü̃ 2:5

Rü nümagü nanangãxü̃gü, rü ñanagürügü: —Nua Yudéaanewa ngẽxmane ya ĩane ya Beréü̃gu tá nixĩ i nabuxü̃. Yerü yemaacü nanaxümatü ga Tupanaarü orearü uruxü̃.