Ore i mexü̃ ga Matéu ümatüxü̃ 2:2 - Tupanaarü Ore

² Rü duü̃xü̃güna nacagüe, rü ñanagürügü: —¿Ngextá nixĩ i nangẽxmaxü̃ ya yimá Yudíugüarü ãẽ̱xgacü ya ngexwaca bucü? Toma rü yéama éstewa nüxü̃ tadau nax nangóxü̃ ya norü woramacuri rü ngẽmaca̱x núma taxĩ nax nüxü̃ tayarücua̱xüü̃güxü̃ca̱x —ñanagürügü.

Ore i mexü̃ ga Matéu ümatüxü̃ 2:2 Referans Kwoze

Iraétanüxü̃arü muxchiga 24:17

Rü nüxü̃ chadau i ta̱xacü i yixcüra tá ngupetüxü̃, natürü taxũtáma paxa ínangu. Rü Iraétanüxü̃tanüwa tá nango̱x i wüxi i ãẽ̱xgacü i ñoma woramacuri ngóxü̃rüxü̃. Rü ngẽma ãẽ̱xgacü rü Moátanüxü̃xü̃ tá nadai rü tá inayanaxoxẽxẽ i guxü̃ma i Chéxtanüxü̃.

Yeremía 23:5

Rü nüma ya Cori ya Tupana rü ñanagürü: —Wüxi i ngunexü̃ rü wüxi ya Dabítaxaxüchi tá Iraétanüxü̃arü ãẽ̱xgacü nixĩ. Rü nüma rü tá mea chorü duü̃xü̃gümaxã inacua̱x, erü aixcüma tá cua̱x nüxü̃́ nangẽxma. Rü nüma rü aixcüma tá nüxü̃ narüngü̃xẽxẽ i chorü duü̃xü̃gü nax ngẽmaãcü yanawe̱xãchixẽẽãxü̃ca̱x i norü guxchaxü̃gü i ñoma i naanewa.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:16

Rü choma ya Ngechuchu, rü chanamu i chorü orearü ngeruxü̃ nax guxü̃ma i ngẽma yaxõgüxü̃tücumümaxã nüxü̃ yaxuxü̃ca̱x i ngẽma chorü ore. Rü choma nixĩ i ãẽ̱xgacü ga Dabítaxa chixĩxü̃. Rü choma nixĩ ya yimá woramacuri ya pa̱xmama poraãcü nangóonexẽẽcürüxü̃ chixĩxü̃”, ñanagürü.

Chacaría 9:9

¡Rü poraãcü petaãẽgü, Pa Chióü̃cüã̱xgü! ¡Rü perü taãẽmaxã pewiyaegü, Pa Yerucharéü̃cüã̱xgüx! Erü pexca̱x tá ínangu ya perü ãẽ̱xgacü ya poracü ya mea pemaxã icuácü. Natürü i nüma rü tama nügü yacua̱xüxü̃ãcüma ínangu. Rü wüxi i búruxacüétügumare ínangu.

Ichaía 60:3

Rü guxü̃ma i nachixü̃anegü rü tá naxca̱x naxĩ i ngẽma ngóonexü̃ i pewa ngẽxmaxü̃. Rü ngẽma nachixü̃anegüarü ãẽ̱xgacügü rü pexü̃tawa tá naxĩ nax pexü̃ íyadaugüxü̃ca̱x nax wena nachixü̃ane i poraxü̃ pixĩgüxü̃.

Ore i mexü̃ ga Cuáü̃ ümatüxü̃ 18:37

Rü yexguma ga Pirátu rü ñanagürü nüxü̃: —¿Ẽ̱xna wüxi i nachixü̃anearü ãẽ̱xgacü quixĩ i cumax? —ñanagürü. Rü Ngechuchu nanangãxü̃ rü ñanagürü: —Cumatama marü nüxü̃ quixu nax ãẽ̱xgacü chixĩxü̃. Rü choma rü chabu rü ñoma ga naanewa chaxũ nax duü̃xü̃gümaxã nüxü̃ chayarüxuxü̃ca̱x i ore i aixcüma ixĩxü̃. Rü guxãma ya yíxema ya yaxõgüxe i ngẽma ore i aixcüma ixĩxü̃, rü choxü̃́ itarüxĩnüe —ñanagürü.

Popera ga Yudíugü ga yaxõgüxü̃ca̱x ümatüxü̃ 1:6

Natürü yexguma ñoma ga naanewa namuãgu ga Nane ya nüxíraü̃cü, rü ñanagürü ga Tupana: “Chanaxwa̱xe i guxü̃ma i chorü orearü ngeruü̃gü i daxũcüã̱x rü nüxü̃ nicua̱xüü̃gü ya Chaune”, ñanagürü.

Ore i mexü̃ ga Luca ümatüxü̃ 23:38

Rü norü curuchatape̱xewa nipota ga wüxi ga mürapewaxacü ga ãégatachinüxü̃ ga Griégugügawa rü Rómacüã̱xgügawa rü Yudíugügawa ümatüxü̃ ga ñaxü̃: “Daa nixĩ ya Yudíugüarü Ãẽ̱xgacü”, ñaxü̃.

Ore i mexü̃ ga Luca ümatüxü̃ 23:3

Rü yexguma ga Pirátu rü Ngechuchuna naca rü ñanagürü: —¿Cuma quixĩxü̃ i Yudíugüarü ãẽ̱xgacü? —ñanagürü. Rü Ngechuchu nanangãxü̃ rü ñanagürü: —Ngẽma nüxü̃ quixuxü̃ chixĩ i chomax —ñanagürü.

Wiyaegü 2:6

—Choma rü marü nüxü̃ chaxuneta ya yimá ãẽ̱xgacü ya choma chanaxwa̱xecü nax yima ma̱xpǘne ya üünene ya Chióü̃wa ãẽ̱xgacü yixĩxü̃ca̱x —ñanagürü.

Ore i mexü̃ ga Cuáü̃ ümatüxü̃ 1:49

Rü Natanaé nanangãxü̃ rü ñanagürü nüxü̃: —Pa Ngúexẽxẽruxü̃, cuma rü Tupana Nane quixĩ. Rü cuma nixĩ i guxü̃ma i Iraétanüxü̃arü Ãẽ̱xgacü quixĩxü̃ —ñanagürü.

Ore i mexü̃ ga Luca ümatüxü̃ 19:38

Rü ñanagürügü: —¡Namecümaxüchi ya daa ãẽ̱xgacü ya Tupanaégagu núma ũcü! ¡Rü pema rü ta, Pa Dauxü̃cüã̱x, rü petaãxẽgü rü nüxü̃ picua̱xüü̃gü ya Tupana! —ñanagürügü.

Ore i mexü̃ ga Luca ümatüxü̃ 2:11

Erü ñu̱xma rü Dabíarü ĩane ya Beréü̃gu nabu ya wüxi ya maxẽxẽẽruxü̃. Rü nüma rü Cori ya Cristu nixĩ.

Yeremía 30:9

Rü nümagü i chorü duü̃xü̃gü rü chorü ngúchaü̃ tá nixĩ i naxügüxü̃ i choma ya Cori nax norü Tupana chixĩxü̃. Rü yimá Dabítaxa i choma nüxü̃ chaxunetacü tá nixĩ i norü ãẽ̱xgacü” —ñanagürü.

Wiyaegü 45:11

Erü nüma ya yimá ãẽ̱xgacü rü nüxü̃́ cungúchaü̃. Rü nüma nixĩ i curü cori yixĩxü̃ rü name nixĩ i naga cuxĩnü.

Ore i mexü̃ ga Cuáü̃ ümatüxü̃ 9:38

Rü yexguma ga gumá yatü ga ngexetüchire̱xcü rü Ngechuchupe̱xegu nacaxã́pü̱xü, rü nüxü̃ nicua̱xüxü̃, rü ñanagürü nüxü̃: —Ngẽmáacü cuxü̃́ chayaxõ, Pa Corix —ñanagürü.

Ore i mexü̃ ga Cuáü̃ ümatüxü̃ 19:19

Rü Pirátu rü churaragüxü̃ namu nax Ngechuchuarü curuchatape̱xewa yapocuchigüãxü̃ca̱x ga wüxi ga mürapewaxacü ga ãégatachinüxü̃ ga ñaxü̃: “Ngechuchu ya Nacharétucüã̱x ya Yudíugüarü Ãẽ̱xgacü”, ñaxü̃.

Ore i mexü̃ ga Cuáü̃ ümatüxü̃ 12:13

Rü yexguma moruátüta nadaü̃gü rü yemamaxã Ngechuchuxü̃ nayatüxgütanüãchi. Rü tagaãcü ñanagürügü: —¡Namaxü̃! ¡Namecümaxüchi ya daa Tupanaégagu núma ũcü! ¡Namecümaxüchi ya daa Iraétanüxü̃arü Ãẽ̱xgacü! —ñanagürügü.

Ore i mexü̃ ga Matéu ümatüxü̃ 27:11

Rü ãẽ̱xgacü ga Pirátuxü̃tawa Ngechuchuxü̃ nagagü. Rü nüma ga Pirátu rü Ngechuchuna naca, rü ñanagürü: —¿Cuma quixĩxü̃ i Yudíugüarü Ãẽ̱xgacü? —ñanagürü. Rü Ngechuchu nanangãxü̃, rü ñanagürü: —Ngẽma nüxü̃ quixuxü̃ chixĩ i chomax —ñanagürü.

Ore i mexü̃ ga Cuáü̃ ümatüxü̃ 20:28

Rü yexguma ga Tumáchi rü Ngechuchuxü̃ nangãxü̃, rü ñanagürü: —Pa Chorü Corix, cuma nixĩ i chorü Tupana quixĩxü̃ —ñanagürü.

Ore i mexü̃ ga Matéu ümatüxü̃ 21:5

“¡Chióü̃cüã̱xgümaxã nüxü̃ pixu rü ñapegü! ‘¡Dücax ya perü ãẽ̱xgacü ya nua pexü̃tawa ũcü! Rü nüma rü tama nügü yacua̱xüü̃ãcü ínangu, rü wüxi i búruxacüétügumare naxaunagüãcü ínangu’ ”, ñanagürü ga yema ore.

Ore i mexü̃ ga Matéu ümatüxü̃ 2:3

Rü yexguma yemachigaxü̃ nacua̱xgu ga ãẽ̱xgacü ga Eróde rü poraãcü naxoegaãxẽ. Rü guxü̃ma ga duü̃xü̃gü ga Yerucharéü̃cüã̱xgü rü ta naxoegaãẽgü.