Ore i mexü̃ ga Matéu ümatüxü̃ 2:11 - Tupanaarü Ore

¹¹ Rü nagu nachocu ga gumá ĩ ga nawa nayexmane ga gumá bucü, rü yexma nüxü̃ nayangau ngĩmaxã ga naé ga María. Rü gumá bucüpe̱xegu nacaxã́pü̱xügü, rü nüxü̃ nicua̱xüü̃gü. Rü ñu̱xũchi nayawãxna ga norü ãmarechixü̃gü, rü gumá bucüna nanaxãmaregü ga úiru rü pumarate̱xe rü míra.

Ore i mexü̃ ga Matéu ümatüxü̃ 2:11 Referans Kwoze

Ichaía 60:6

Rü muxü̃tama i duü̃xü̃gü i togü i nachixü̃anegücüã̱x rü tá caméyugügu Yerucharéü̃wa naxĩ. Rü tá ínangugü i Madiáü̃cüã̱xgü rü Efácüã̱xgü. Rü guxü̃ma i Chabáanecüã̱xgü rü núma tá naxĩ namaxã i norü úirugü rü pumaragü. Rü tá choxü̃ nicua̱xüü̃gü naxca̱x i ngẽma mexü̃ i chorü poramaxã chaxüxü̃.

Wiyaegü 72:10

Rü ngẽma Tárchixanearü ãẽ̱xgacü, rü Capaxũgüarü ãẽ̱xgacü, rü Chabáanearü ãẽ̱xgacü, rü Chebáanearü ãẽ̱xgacü, rü name nixĩ i guxü̃ma i ngẽma ãẽ̱xgacügü rü torü ãẽ̱xgacüxü̃tawa nanana i norü ãmaregü.

Ore i mexü̃ ga Luca ümatüxü̃ 2:16

Rü paxa inaxĩãchi rü Beréü̃wa naxĩ. Rü yexma nüxü̃ inayangaugü ga Yúche rü María rü gumá bucü ga wocaarü chibüchicagu cacü.

Ore i mexü̃ ga Matéu ümatüxü̃ 2:2

Rü duü̃xü̃güna nacagüe, rü ñanagürügü: —¿Ngextá nixĩ i nangẽxmaxü̃ ya yimá Yudíugüarü ãẽ̱xgacü ya ngexwaca bucü? Toma rü yéama éstewa nüxü̃ tadau nax nangóxü̃ ya norü woramacuri rü ngẽmaca̱x núma taxĩ nax nüxü̃ tayarücua̱xüü̃güxü̃ca̱x —ñanagürügü.

Wiyaegü 95:6

¡Rü nua pexĩ rü ngĩxã nape̱xegu tacaxã́pü̱xügü rü nüxü̃ ticua̱xüxü̃gü ya Cori ya Tupana ya tüxü̃ ücü!

Wiyaegü 72:15

¡Namaxü̃ ya yimá ãẽ̱xgacü! ¡Rü nüxna penaxã i ngẽma Chabáanearü úiru! ¡Rü guxü̃guma naxca̱x peyumüxẽgü! Rü name nixĩ i guxü̃guma Tupana nüxü̃ narüngü̃xẽxẽ.

Nüxíraxü̃xü̃ ga popera ga ãẽ̱xgacügüchiga 10:2

Rü ngĩma rü meama nga̱xãẽxãcü Yerucharéü̃wa ingu namaxã ga muxü̃ma ga caméyugü ga pumaragümaxã rü úirumaxã rü nutagü ga meruü̃gümaxã ixãxwetaxü̃. Rü yexguma Charomóü̃xü̃tawa nanguxgu rü guxü̃ma ga yema nagu naxĩnüxü̃ãcüma nüxna ica.

Iraétanüxü̃arü muxchiga 7:14

Rü inanaxã ta ga wüxi ga tacü ga cuyera ga úirunaxca̱x ga 110 gramu yacü ga pumarate̱xemaxã ããcucü.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:10

Rü choma rü yema orearü ngeruü̃pe̱xegu chacaxã́pü̱xü nax nüxü̃ chicua̱xüü̃xü̃ca̱x. Natürü ga nüma rü ñanagürü choxü̃: “¡Taxṹ i ngẽma cuxüxü̃! Erü choma rü ta Tupanaarü duü̃xü̃ chixĩ, ngẽxgumarüxü̃ i cuma rü cuenexẽgü i mea Ngechuchuarü ore ixõgüxü̃rüxü̃ chixĩ. Rü ngẽma Ngechuchuarü ore rü yematama ore nixĩ ga Tupanaarü orearü uruü̃gü nüxü̃ ixugüexü̃ ga yexguma Tupanaãxẽ ya Üünecü nawa idexaxgu. Rü name nixĩ i Tupanaxü̃ quicua̱xüxü̃”, ñanagürü.

Ore i mexü̃ ga Matéu ümatüxü̃ 14:33

Rü guxü̃ma ga norü ngúexü̃gü ga nguewa yexmagüxü̃ rü Ngechuchupe̱xegu nacaxã́pü̱xügü rü nüxü̃ nicua̱xüü̃gü, rü ñanagürügü nüxü̃: —Aixcümaxü̃chi cuma nixĩ ya Tupana Nane quixĩxü̃ —ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:8

Rü yexguma nayauxãgu ga yema popera, rü yema ãgümücü ga daxũcüã̱x ga maxẽxü̃ rü yema 24 ga ãẽ̱xgacügü rü nacaxã́pü̱xügü nape̱xegu ga yema Carnéruxacü. Rü wüxichigü ga yema daxũcüã̱x ga maxẽxü̃ rü yema ãẽ̱xgacügü rü nüxü̃́ nayexma ga wüxi ga norü paxetaruxü̃ ga árpa. Rü yexgumarüxü̃ ta nüxü̃́ nayexma ga copu ga úirunaxca̱x ga pumarate̱xemaxã napagüxü̃. Rü yema pumarate̱xe rü nayixichi ga yexguma yaxaxgu. Rü yema pumaragü rü ngẽma nixĩ i Tupanaarü duü̃xü̃güarü yumüxẽgü.

Ore i mexü̃ ga Luca ümatüxü̃ 2:38

Rü yexguma Chimeóü̃ idexayane, rü yéma ingu ga Ána, rü Tupanana moxẽ ixã. Rü iinaxügü ga bucü ga Ngechuchuchiga nax yadexaxü̃ nape̱xewa ga guxü̃ma ga yema duü̃xü̃gü ga ínangu̱xuxẽẽgüxü̃ nax norü uanüme̱xẽwa ínanguxuchixü̃ ga Yerucharéü̃.

1 Chamué 10:27

Natürü nayexmagü ta ga duü̃xü̃gü ga Chaúmaxã chixexü̃gu rüxĩnüexü̃ rü ñagüxü̃: —¿Ñuxãcü tá i ñaa yatü i tamaxã inacuáxü̃? —ñagüxü̃. Rü yemaacü nüxü̃ naxõõ̱xgü rü tama namaxã nataãẽgü. Natürü nüma ga Chaú rü tama yemagu narüxĩnü.

Iraétanüxü̃arü muxchiga 7:86

Rü guma cuyeragü ga úirunaxca̱x ga pumarate̱xemaxã ixããcucü rü wüxichigü rü 110 gramu nixĩ ga nayaxü̃ ga yexguma Tupanapataarü yáruxü̃wa inayaxgu. Rü yemaacü guxü̃wama rü 1,320 gramu nixĩ ga norü ya.

Lebítanüxü̃arü puracüchiga 6:15

Rü wüxi i ngẽma chacherdóte rü tá nanayaxu i wüxi i naxme̱xãcu i trigute̱xe. Rü ngẽxgumarüxü̃ ta nanayaxu i chíxü̃ rü guxü̃ma i ngẽma pumarate̱xe. Rü ñu̱xũchi wüxigu trigute̱xemaxã tá ínanagu i ãmarearü guruü̃wa. Rü ngẽma tá nixĩ i ãmare i nawa nüxna pecua̱xãchixü̃ nax choma chixĩxü̃ i pexna chanaxãxü̃ i guxü̃ma i ta̱xacü i pexü̃́ ngẽxmaxü̃. Rü choma i Cori ya Tupana rü namaxã tá chataãxẽ i ngẽma naema i ngẽma ãmare.

Ínachoxü̃xü̃chiga 30:34

Rü nüma ga Cori ya Tupana rü Moichéxü̃ ñanagürü: —¡Nayaxu i míra, rü uña i paacaxü̃, rü gábanu i paacaxü̃, rü pumarate̱xexüchi! Rü wüxichigü i ngẽma rü tá nawüxigumare i norü yawa.

Naanearü ügüchiga 43:11

Rü yexguma ga nüma ga nanatü, rü nanangãxü̃ rü ñanagürü: —Ngẽxguma nataxuxgu nax ta̱xacümaxã penangüxmüxẽẽxü̃ ya yimá ãẽ̱xgacü ega Bẽyamíü̃ tama pewe rüxũxgu, rü ñaãcü tá penaxü: ¡Rü perü chacugügu norü ãmare ngéma penge! ¡Rü ngéma penana i ngẽma ngẽmaxü̃gü i mexü̃gü i tórü naanewa ixüxü̃, ngẽxgumarüxü̃ i tuxuneruxü̃, rü pumara, rü míra, rü ira, rü castaña rü arméü̃draarü o!

Maraquía 1:11

Rü guxü̃ma i nachixü̃anegü i ñoma i naanecüã̱x rü duü̃xü̃gü choxü̃ nicua̱xüü̃gü, rü pumarate̱xe cha̱u̱xca̱x nigugü rü ãmare choxna naxãgü.

Wiyaegü 45:8

Rü guxü̃ma i cuxchirugü rü pumara i paacaxü̃ i míra rü aroé rü canelamaxã napaacaematanü. Rü paxetaruü̃gü i ãtü̱xüxü̃maxã cuxü̃ nataãẽxẽẽgü nawa ya cupata ya marfíxmaxã nga̱xãẽne.

Nüxíraxü̃xü̃ ga popera ga ãẽ̱xgacügüchiga 10:10

Rü yemawena ga ngĩma ga yema ãẽ̱xgacü rü nüxna inana ga 3,960 quíru naguxü̃ ga úiru, rü muxũchixü̃ma ga pumara rü nutaacügü ga ngã̱xãẽruü̃gü. Rü ü̃paacü rü taguma Iraéanewa nangu ga yexgumaepü̱x ga pumaragü ga yema Chabáanearü ãẽ̱xgacü Charomóü̃na ãxü̃e̱xpü̱x.

Ínachoxü̃xü̃chiga 30:23

—¡Yadexechi i ngẽma rüpaacamaegüxü̃ i nanetügü! ¡Rü nanetü i mirawa nayaxu i 6 quíru i nagü, rü nanetü i canelawa nayaxu i 3 quíru i naxcha̱xmü, rü nanetü i dexne i paacaxü̃wa nayaxu i 3 quíru i natüxü̃, rü nanetü i cáchiawa nayaxu i 6 quíru i naxcha̱xmü! Rü chopataarü yáruxü̃maxã tá icunayá i guxü̃ma i ngẽma. ¡Rü nayaxu i 3 litruarü ngãxü̃ i oribuarü chíxü̃!

Charumóü̃arü wiyae 3:6

¿Rü texé tixĩ ya yíxema ngéma ínachianexü̃wa duü̃xü̃gü tüxü̃ ne ngetaxü̃güxe naemagu i naguxü̃raü̃xü̃ i pumaragü?

Ore i mexü̃ ga Matéu ümatüxü̃ 1:18

Rü ñaãcü nixĩ ga yexguma nabuxgu ga Ngechuchu ya Cristu. Rü naé ga María rü marü Yúchemaxã ixãtechaü̃. Natürü naxü̃pa ga nügüna nax nangugüxü̃ rü marü Tupanaãxẽ i Üünexü̃arü pora ngĩxü̃ nabáxi rü yemaca̱x ixãxacü.

Ore i mexü̃ ga Matéu ümatüxü̃ 2:10

Rü yexguma gumá woramacurixü̃ nadaugügu ga yema yatügü, rü poraãcü nataãẽgü.

Ore i mexü̃ ga Matéu ümatüxü̃ 12:46

Rü yexguma duü̃xü̃gümaxã íyadexayane ga Ngechuchu, rü yéma tangu ga naé rü naenexẽgü, erü Ngechuchumaxã tidexagüchaü̃. Rü ĩpataarü düxétügu tarücho.

Ore i mexü̃ ga Cuáü̃ ümatüxü̃ 19:39

Rü yexgumarüxü̃ ta yéma nangu ga Nicodému ga ü̃paacü chütacü Ngechuchuxü̃tagu naxũanecü. Rü yéma nanange ga 30 quíru naguxü̃ ga pumara ga yixichixü̃ nax Ngechuchuxü̃ namaxã nachaxü̃negüxü̃ca̱x.