Ore i mexü̃ ga Matéu ümatüxü̃ 19:9 - Tupanaarü Ore

⁹ Rü choma pemaxã nüxü̃ chixu rü tama name nax texé tümama̱xü̃ ítáxü̃ ega ngĩma rü tama nai ya yatümaxã namaxü̃xü̃gagu yixĩxgu. Rü yimá yatü rü ngẽxguma nai i ngexü̃maxã naxãxma̱xgu, rü pecadu naxü. Rü texé ya ngĩmaxã ãmaxe i ngẽma nge i ngĩte ngĩxü̃ íta̱xcü, rü pecadu taxü —ñanagürü ga Ngechuchu.

Ore i mexü̃ ga Matéu ümatüxü̃ 19:9 Referans Kwoze

Ore i mexü̃ ga Matéu ümatüxü̃ 5:32

Natürü choma rü pemaxã nüxü̃ chixu, rü ngẽxguma wüxi ya yatü naxma̱xü̃ íta̱xgu, rü chi tama nai ya yatümaxã namaxü̃gagu yixĩxgu, rü ãũcümaxü̃wa ngĩxü̃ tangẽxmaxẽxẽ erü ngẽmaãcü ngürüãchi pecadu ixü. Rü yíxema ngĩmaxã ãmaxe i wüxi i nge i marü ngĩte ngĩxü̃ íta̱xcü, rü tüma rü ta pecadu taxü.

Ore i mexü̃ ga Luca ümatüxü̃ 16:18

Ngẽxguma wüxi ya yatü ítáma̱xgu rü nai i ngexü̃maxã naxãxma̱xgu rü Tupanape̱xewa pecadu naxü. Rü texé ya yíxema ngĩmaxã ãmaxe i wüxi i nge i ngĩte ngĩxü̃ íta̱xcü, rü Tupanape̱xewa pecadu taxü.

1 Corintios 7:39

Rü wüxi i nge i ãtecü rü ngĩteme̱xẽwa ingẽxma i ngẽxguma namaxü̃xgu ya ngĩte. Natürü ngẽxguma nayu̱xgu ya ngĩte, rü marü name ega to i yatü i ngĩma ngĩxü̃́ ngúchaü̃xü̃maxã naxãtegu. Natürü inaxwa̱xe nax wüxi ya yatü ya yaxõcümaxã naxãtexü̃.

1 Corintios 5:1

Rü duü̃xü̃gü nüxü̃ nixugügü rü wüxi i yatü i petanüwa rü naérücümaxãtama naxãxma̱x. Rü ngẽma nixĩ i pecadu i poraãcü chixexü̃chixü̃, rü woo ngẽma duü̃xü̃gü i tama yaxõgüxü̃tanüwa rü tama ngẽmaãcü namaxẽ.

Yeremía 3:8

Natürü woo nüxü̃ nadaugügu nax choma rü nüxü̃ chaxoxü̃ rü íchanawogüxü̃ ga yema Iraéanecüã̱xgü nagagu ga yema chixexü̃ ga naxügüxü̃, natürü nümagü ga yema Yudáanecüã̱xgü rü yema Iraéanecüã̱xgürüxü̃ chixexü̃ naxügü rü tama choxü̃ namuü̃e. Rü nümagü rü ta rü nagu namaxẽ ga yematama chixexü̃.

Naanearü ügüchiga 20:3

Natürü yema chütaxü̃gu rü nanegüwa Abimeréxmaxã nayarüdexa ga Tupana rü ñanagürü nüxü̃: —Cuyu tá erü ngẽma nge i cugüxü̃tawa ngĩxü̃ cugacü rü ixãte —ñanagürü.

Echequié 16:29

Rü yexgumarüxü̃ ta namaxã cungeãxẽ ga yema Babiróniacüã̱x ga tupananetachicüna̱xãgümaxã taxegüxü̃. Rü woo ga yexguma rü ta rü tama cutaãxẽ.

Echequié 16:15

Natürü ga cumax, Pa Yerucharéü̃x, rü yema nax cumexẽchixü̃ rü cutachigaxü̃gagu nixĩ ga cuyoxniexü̃ nax wüxi ga ngexü̃ ga naxü̃nearü ngúchaü̃gu maxü̃xü̃ cugü quixĩxẽẽxü̃ rü guxü̃ma ga duü̃xü̃gü ga yéma chopetüxü̃na cugü cuxãxü̃.

Yeremía 3:1

Cori ya Tupana rü ñanagürü: —Rü ngẽxguma wüxi i yatü rü naxma̱xü̃ ínata̱xgu, rü ngẽxguma marü nüxna tixũgachigu i tüma rü to i yatümaxã taxãtegu, rü nüma i ngẽma tüxü̃ ítáxü̃ rü marü taxũtáma wena tümamaxã naxãxma̱x. Rü ngẽma rü wüxi i taxü̃ i chixexü̃ tá nixĩ naxca̱x i ngẽma nachixü̃ane. Natürü i pemax, Pa Yudátanüxü̃x, rü mucü ga tupananetachicüna̱xãgüwe perüxĩ. ¿Rü ñuxãcü nagu perüxĩnüe nax cha̱u̱xca̱x pewoeguxü̃? Rü choma ya Cori ya Tupana nixĩ i pemaxã nüxü̃ chixuxü̃ i ngẽma.

1 Corintios 7:4

Erü ngẽma nge i ãtecü rü tama ngĩgüxü̃nearü yoratama iyixĩ, erü ngĩte nixĩ ya ngĩxĩnearü yora ixĩcü. Rü ngẽxgumarüxü̃ ta ya ngĩte rü tama nügüxü̃nearü yora nixĩ, erü naxma̱x iyixĩ i naxü̃nearü yora ixĩcü.

Echequié 16:8

Rü wena cuxü̃tawa chaxüpetü rü cuxü̃ chadau ga marü nax cuyaxü̃ rü ãmücügu nax curüxĩnüxü̃. Rü ñu̱xũchi wüxi ga mámüxü̃ ga naxchirumaxã cuxü̃ chidüxü yerü cungexchiru. Rü ñu̱xũchi cumaxã chaxüga rü cumaxã nüxü̃ chixu nax choxrü quixĩxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma.

Norü taxre ga to ga popera ga ãẽ̱xgacügüchiga ümatüxü̃ 21:11

Rü ñu̱xũchi nüma ga Yoráü̃ rü Yudáanearü ma̱xpǘnegügu nayaxüchica ga tupananetachicüna̱xãgü nax yéma nüxü̃ yacua̱xüü̃güxü̃ca̱x. Rü nagagu nixĩ ga yema Yerucharéü̃cüã̱xgü ga tama Cori ya Tupanaca̱x nadaugüxü̃ rü chixexü̃gu nayixü̃ ga Yudáanecüã̱xgü.

Ore i mexü̃ ga Matéu ümatüxü̃ 19:8

Rü Ngechuchu nanangãxü̃, rü ñanagürü nüxü̃: —Pema rü duü̃xü̃gü i tama ixĩnüechaü̃xü̃ pixĩgü. Rü yemaca̱x ga Moiché rü pexü̃́ nanatauxchaxẽxẽ nax pexma̱xü̃ ípetáxü̃. Natürü noxriarü ügügu rü tama yemaacü nixĩ.

Ore i mexü̃ ga Matéu ümatüxü̃ 19:10

Rü ñu̱xũchi ga norü ngúexü̃gü rü ñanagürügü nüxü̃: —Ega ngẽmaãcü yixĩxgu rü name i noxtacüma tama naxãxma̱x ya yatü rü tama ixãte i nge —ñanagürügü.