Ore i mexü̃ ga Matéu ümatüxü̃ 18:4 - Tupanaarü Ore

⁴ Rü aixcüma yíxema tama tügü icua̱xüxü̃xẽ rü ñaa buxü̃rüxü̃ ixĩxẽ, rü yíxema tá tixĩ ya guxü̃arü yexera ixĩxẽ ya Tupana ãẽ̱xgacü ixĩxü̃wa.

Ore i mexü̃ ga Matéu ümatüxü̃ 18:4 Referans Kwoze

Popera ga Chantiágu ümatüxü̃ 4:10

Rü name nixĩ i Cori ya Tupanape̱xegu pegü íperüxíragü. Rü nüma rü tá pexü̃ nicua̱xüxü̃ rü pexü̃ nataxẽxẽ.

Ore i mexü̃ ga Luca ümatüxü̃ 14:11

Erü texé ya tügü írütaxe rü Tupana tá tüxü̃ naxãnexẽxẽ. Natürü texé ya tügü írüxíraxe rü Tupana tá tüxü̃ nicua̱xüxü̃ —ñanagürü ga Ngechuchu.

Ore i mexü̃ ga Márcu ümatüxü̃ 10:43

Natürü taxũtáma ngẽmaãcü nixĩ i petanüwa. Erü ngẽxguma petanüwa texé naxwa̱xegu nax togüétüwa tangexmaxü̃, rü name nixĩ i tümamücügüarü mugüruxü̃ tixĩxü̃.

Ore i mexü̃ ga Luca ümatüxü̃ 9:48

Rü ñanagürü nüxü̃ ga norü ngúexü̃gü: —Texé ya chauégagu ñaa buxü̃xü̃ yaxúxe, rü choxü̃ nixĩ i tayaxuxü̃. Rü yíxema choxü̃ yaxúxe, rü Chaunatü ya núma choxü̃ mucüxü̃ rü ta tayaxu. Rü yíxema guxãarü yexera tügü írüxíraxe, rü yíxema tixĩ ya guxãarü yexera ixĩxẽ —ñanagürü.

Nüxíraxü̃xü̃ ga popera ga Pedru ümatüxü̃ 5:5

Rü ngẽxgumarüxü̃ ta i pemax, Pa Ngextü̱xücügüx, rü name nixĩ i naga pexĩnüe i ngẽma perü ãẽ̱xgacügü i Tupanaarü puracümaxã icua̱xgüxü̃. Rü guxãma i pema i yaxõgüxü̃, rü name nixĩ i wüxichigü mea pegüga pexĩnüe rü tama pegügu perüxĩnüe nax pemücügüarü yexera pixĩgüxü̃. Erü Tupanaarü ore i ümatüxü̃wa rü ñanagürü: “Tupana rü tama norü me nixĩ i ngẽma duü̃xü̃gü i nügü icua̱xüxü̃güxü̃. Natürü nüxü̃ narüngü̃xẽxẽ rü namaxã namecüma i ngẽma duü̃xü̃gü i tama nügü icua̱xüxü̃güxü̃”, ñanagürü i ngẽma ore.

Ore i mexü̃ ga Matéu ümatüxü̃ 18:1

Rü yexguma ga norü ngúexü̃gü rü Ngechuchuca̱x naxĩ rü nüxna nacagüe, rü ñanagürügü: —¿Pa Corix, texé tá tixĩ ya guxü̃arü yexera ixĩxẽ i ngẽma Tupana ãẽ̱xgacü ixĩxü̃wa? —ñanagürügü.

Ichaía 57:15

Erü choma ya Tupana ya Guxü̃étüwa Ngẽxmacü rü guxü̃guma chamaxü̃ rü chauéga rü Üünecü nixĩ. Rü ñachagürü: “Choma rü daxũwa chamaxü̃ i ngextá ínaxüünexü̃wa. Natürü tüxü̃ charüngü̃xẽẽxü̃ rü tüxü̃ chaporaxẽxẽ ya yíxema ngearü diẽruã̱xgüxe rü yíxema naxĩ̱xãchiãẽgüxe”.

Ore i mexü̃ ga Matéu ümatüxü̃ 18:3

Rü ñu̱xũchi ñanagürü nüxü̃: —Dücax, aixcüma pemaxã nüxü̃ chixu, rü ngẽxguma tama nüxü̃ perüxoegu i ngẽma nax togüarü yexera pegü pixĩgüxẽẽchaü̃xü̃ rü ñu̱xũchi tama ñaa buxü̃rüxü̃ pegü íperüxíragu, rü taxucürüwa pichocu ya Tupana ãẽ̱xgacü ixĩxü̃wa.

Ore i mexü̃ ga Matéu ümatüxü̃ 18:5

Rü texé ya chauégagu mea nayaxúxe i wüxi i buxü̃ i ñaarüxü̃ ixĩxü̃ rü choxü̃ nixĩ i tayaxuxü̃.

Ore i mexü̃ ga Márcu ümatüxü̃ 9:34

Natürü ga nümagü rü nangea̱xgümare, yerü ga namawa rü nachigagu nügümaxã niporagaetanü rü texé tixĩxü̃ ya natanüwa rüyexeramaexe.