Ore i mexü̃ ga Matéu ümatüxü̃ 18:2 - Tupanaarü Ore

² Rü yexguma ga Ngechuchu rü wüxi ga buxü̃ca̱x naca, rü norü ngúexü̃güarü ngãxü̃tanügu nanachixẽxẽ.

Ore i mexü̃ ga Matéu ümatüxü̃ 18:2 Referans Kwoze

Nüxíraxü̃xü̃ ga popera ga ãẽ̱xgacügüchiga 3:7

Rü cumax, Pa Corix, Pa Chorü Tupanax, rü choxü̃ cuxuneta nax chaunatü ya Dabíchicüxü ãẽ̱xgacü nax chixĩxü̃ca̱x woo i choma rü wüxi i ngextü̱xüxü̃ i tauxta cua̱xwa nguxe chixĩxü̃.

Yeremía 1:7

Natürü nüma ga Cori ya Tupana rü choxü̃ ñanagürü: —¡Taxṹ i nüxü̃ quixuxü̃ nax cungextü̱xüxü̃! Rü chanaxwa̱xe i cuxü̃ íchamuxü̃wa nax cuxũxü̃. Rü tá nüxü̃ quixu i ngẽma choma cuxü̃ chamuxü̃ nax nüxü̃ quixuxü̃.

Ore i mexü̃ ga Matéu ümatüxü̃ 18:1

Rü yexguma ga norü ngúexü̃gü rü Ngechuchuca̱x naxĩ rü nüxna nacagüe, rü ñanagürügü: —¿Pa Corix, texé tá tixĩ ya guxü̃arü yexera ixĩxẽ i ngẽma Tupana ãẽ̱xgacü ixĩxü̃wa? —ñanagürügü.

Ore i mexü̃ ga Matéu ümatüxü̃ 18:3

Rü ñu̱xũchi ñanagürü nüxü̃: —Dücax, aixcüma pemaxã nüxü̃ chixu, rü ngẽxguma tama nüxü̃ perüxoegu i ngẽma nax togüarü yexera pegü pixĩgüxẽẽchaü̃xü̃ rü ñu̱xũchi tama ñaa buxü̃rüxü̃ pegü íperüxíragu, rü taxucürüwa pichocu ya Tupana ãẽ̱xgacü ixĩxü̃wa.