Ore i mexü̃ ga Matéu ümatüxü̃ 17:4 - Tupanaarü Ore

⁴ Rü yexguma ga Pedru rü ñanagürü Ngechuchuxü̃: —Pa Corix, name nixĩ nua tangexmagü. Rü ngẽxguma cunaxwa̱xegu rü tá tanaxü ya tomaepü̱x ya düxenü, rü wüxi ya cuxca̱x, rü nai ya Moichéca̱x, rü nai ya Eríaca̱x —ñanagürü.

Ore i mexü̃ ga Matéu ümatüxü̃ 17:4 Referans Kwoze

Ore i mexü̃ ga Luca ümatüxü̃ 9:33

Rü yexguma yema taxre ga yatügü Ngechuchuna ixĩgachigu, rü Pedru rü ñanagürü Ngechuchuxü̃: “Pa Ngúexẽẽruxü̃x, namexẽchi nixĩ nax nua ingẽxmagüxü̃. Rü tá tanaxü ya tomaepü̱x ya düxenü, rü wüxi ya cuxca̱x, rü nai ya Moichéca̱x, rü nai ya Eríaca̱x”, ñanagürü. Natürü ga Pedru rü tama nüxü̃ nacua̱x nax ñuxũ ñaxü̃ yerü poraãcü nanaxĩ̱xãchiãxẽ.

Ore i mexü̃ ga Cuáü̃ ümatüxü̃ 17:24

Pa Chaunatüx, cuma choxna cunamugü i ñaa ngúexü̃gü. Rü chanaxwa̱xe i chauxü̃tawa nangẽxmagü i ngéma tá íchangexmaxü̃wa, nax nüxü̃ nadaugüxü̃ca̱x i chorü pora ga choxna cuxãxü̃. Yerü choxü̃ cungechaü̃ ga yexguma tauta naane ixügügumama.

Ichaía 33:17

Rü wenaxarü tá nüxü̃ pedau ya ãẽ̱xgacü ya norü ãẽ̱xgacüchirugu icúcü. Rü ngẽma norü üyeanegü i tachixü̃ane rü yáxü̃wa nangu.

Wiyaegü 16:11

Rü cuma rü choxü̃ cunawe̱x i ngẽma nama i maxü̃wa nadaxü̃. Rü cuxü̃tawa nangẽxma i taxüchixü̃ i taãxẽ. Rü ngẽma curü tügünecüwawa nangẽxma i taãxẽ i taguma iyacuáxü̃.

Wiyaegü 4:6

Rü muxü̃ma i duü̃xü̃gü rü ñanagürügü: —¿Texé tá tüxü̃ tarüngü̃xẽxẽ? —ñanagürügü. Pa Corix ¡cuxü̃́ tangechaxü̃tümüxü̃gü rü toxü̃ rüngü̃xẽxẽ!

Yema Cuáü̃ nüxü̃ dauxü̃ i yixcüra tá ngupetüxü̃chiga 21:23

Rü yima ĩane rü taxuca̱xma üa̱xcü rü tauemacü nüxü̃ nabáxi, erü Tupanaarü ngóonexü̃tama nixĩ i nangóonexẽẽxü̃. Rü yimá Carnéruxacü nixĩ ya norü omü ixĩcü.

Nüxíraxü̃xü̃ ga popera ga Cuáü̃ ümatüxü̃ 3:2

Pa Chauenexẽgü ya Pexü̃ Changechaü̃güxe, ñu̱xma rü marü Tupanaxacügü tixĩgü. Rü woo tama tüxü̃ nüxü̃ nacua̱xẽxẽ nax ñuxãcü tá ixĩgüxü̃ i yixcüra, natürü nüxü̃ tacua̱x nax Ngechuchurüxü̃ tá ixĩgüxü̃ i ngẽxguma nüma nango̱xgu, erü tá nüxü̃ tadau nax nañuxraü̃xü̃ i nüma.

Filipenses 1:23

Rü ngẽmaca̱x tama nüxü̃ chacua̱x nax ta̱xacü yixĩxü̃ i cha̱u̱xca̱x rümemaexü̃ i ngẽma taxrewa. Erü ñuxguacü rü chanaxwa̱xe nax chayuxü̃ nax Cristuxü̃tawa changexmaxü̃ca̱x. Rü ngẽma nixĩ i aixcüma yexera rümemaexü̃ i cha̱u̱xca̱x.

Chacaría 9:17

Rü ngẽma nachixü̃ane rü tá namexẽchi. Rü ngẽma nax namuarü triguã̱xgü rü bínuã̱xgü rü ngẽma ngextü̱xücügü rü pacügü rü tá mea nayae.

Ore i mexü̃ ga Matéu ümatüxü̃ 17:3

Rü ñu̱xũchi yéma naxca̱x nangõ̱xgü ga Moiché rü Ería. Rü Ngechuchumaxã yéma nidexagü.

Ore i mexü̃ ga Cuáü̃ ümatüxü̃ 7:2

Natürü marü ningaica ga yema Yudíugüarü peta ga Düxenügüarü Petagu naxãégaxü̃ ga nagu norü düxenügü yaxǘgüxü̃.