Ore i mexü̃ ga Matéu ümatüxü̃ 17:3 - Tupanaarü Ore

³ Rü ñu̱xũchi yéma naxca̱x nangõ̱xgü ga Moiché rü Ería. Rü Ngechuchumaxã yéma nidexagü.

Ore i mexü̃ ga Matéu ümatüxü̃ 17:3 Referans Kwoze

Ore i mexü̃ ga Luca ümatüxü̃ 24:44

Rü ñu̱xũchi ñanagürü nüxü̃: —Rü yema choxü̃ ngupetüxü̃ rü yema nixĩ ga pemaxã nüxü̃ chixuxü̃ ga yexguma tauta chayu̱xgu rü petanüwa chayexmagu. Yerü yexguma rü pemaxã nüxü̃ chixu rü ñacharügü: “Aixcüma tá ningu i guxü̃ma i Tupanaarü ore i chauchiga ümatüxü̃ i wiyaegüarü poperawa, rü Moiché ümatüxü̃ i mugüwa, rü ore i nũxcümaü̃güxü̃ ga Tupanaarü orearü uruü̃gü ümatüxü̃wa” —ñacharügüchire̱x pexü̃.

Ore i mexü̃ ga Márcu ümatüxü̃ 9:4

Rü nüma ga yema ngúexü̃gü rü nüxü̃ nadaugü ga Ería rü Moiché ga yéma Ngechuchumaxã idexagüxü̃.

Maraquía 4:5

Rü dücax, nua tá pexca̱x chanamu ya chorü orearü uruxü̃ ya Ería naxü̃pa i ngẽma ngunexü̃ i ãũcümaxü̃ i nagu chapoxcuexü̃ i ngẽma chixexü̃ ügüxü̃.

Ore i mexü̃ ga Luca ümatüxü̃ 24:27

Rü yexguma inanaxügü ga namaxã nax nango̱xẽẽãxü̃ ga guxü̃ma ga Tupanaarü ore ga nachiga ümatüxü̃. Rü yema Tupanaarü ore ga Moiché ümatüxü̃maxã inanaxügü. Rü ñu̱xũchi namaxã nüxü̃ nixu ga guxü̃ma ga yema Tupanaarü ore ga nũxcümaü̃güxü̃ ga Tupanaarü orearü uruü̃gü ümatügüxü̃.

Ore i mexü̃ ga Luca ümatüxü̃ 16:16

Rü yexguma ga Ngechuchu rü ñanagürü: —Tupana duü̃xü̃güna nanaxã ga norü mugü ga Moiché namaxã ngúexẽxẽtaexü̃, rü ñu̱xũchi norü orearü uruü̃güarü mugü nax nagu naxĩxü̃ca̱x ga duü̃xü̃gü ñu̱xmata ínangu ga Cuáü̃ ga baiü̃ẽẽruxü̃. Rü yemawena nixĩ ga naxunagüxü̃ i ore i taãẽxẽẽruxü̃ nax nüma ya Tupana rü ãẽ̱xgacü yixĩxü̃. Rü ñu̱xma rü guxü̃ma i duü̃xü̃gü rü poraãcü nügü naporaexẽxẽ nax yachocuxü̃ca̱x i nüma ínangexmaxü̃wa.

Ore i mexü̃ ga Luca ümatüxü̃ 9:33

Rü yexguma yema taxre ga yatügü Ngechuchuna ixĩgachigu, rü Pedru rü ñanagürü Ngechuchuxü̃: “Pa Ngúexẽẽruxü̃x, namexẽchi nixĩ nax nua ingẽxmagüxü̃. Rü tá tanaxü ya tomaepü̱x ya düxenü, rü wüxi ya cuxca̱x, rü nai ya Moichéca̱x, rü nai ya Eríaca̱x”, ñanagürü. Natürü ga Pedru rü tama nüxü̃ nacua̱x nax ñuxũ ñaxü̃ yerü poraãcü nanaxĩ̱xãchiãxẽ.

Ore i mexü̃ ga Luca ümatüxü̃ 1:17

Rü nüma ya Cuáü̃ rü tá Cori ya Cristupe̱xegu nixũ. Rü Tupanaarü orearü uruxü̃ ga Eríarüxü̃ tá nüxü̃́ nangẽxma i Tupanaãxẽ i poraxü̃, rü tá nüxü̃ narüngü̃xẽxẽ i papagü nax naxacügümaxã nangüxmüexü̃ca̱x. Rü tá nüxü̃ narüngü̃xẽxẽ i ngẽma tama Tupanaga ĩnüechaü̃xü̃ nax Tupanaga naxĩnüexü̃ca̱x. Rü ngẽmaãcü tá duü̃xü̃güxü̃ nimexẽẽgü nax Cori ya Cristuxü̃ nayauxgüxü̃ca̱x —ñanagürü ga yema daxũcüã̱x.

Nüxíraxü̃xü̃ ga popera ga ãẽ̱xgacügüchiga 17:1

Rü nüma ga Tupanaarü orearü uruxü̃ ga Ería, ga Garaáxanewa yexmane ga ĩane ga Tibécüã̱x, rü Acáxü̃ ñanagürü: —Yimá nüxü̃́ chapuracücü ya Cori ya Iraéanecüã̱xgüarü Tupanaégagu cumaxã nüxü̃ chixu, rü doma taunecügu rü tagutáma napu rü bai tá i cherena nax rünguxü̃ ñu̱xmatáta choma wena nüxü̃ chixu —ñanagürü.

Wenaxarü naxümatü ga Tupanaarü mugü 34:10

Rü Moichéwena rü Iraétanüxü̃tanüwa taguma nayexma ga to ga orearü uruxü̃ ga Moichérüxü̃ ixĩcü ga Cori ya Tupana namaxãxü̃chi idexacü.

Wenaxarü naxümatü ga Tupanaarü mugü 18:18

Rü choma rü tá ngẽma Iraétanüxü̃tanüwa chanango̱xẽxẽ ya wüxi ya curüxü̃ orearü uruxü̃. Rü nüma rü wüxi ya natanüxü̃ ixĩxcü tá nixĩ. Rü nüma rü tá mea duü̃xü̃gümaxã nüxü̃ nixu i ngẽma choma namaxã nüxü̃ chixuxü̃, rü tá namaxã nüxü̃ nixu i ngẽma choma chanamuxü̃.

Ore i mexü̃ ga Cuáü̃ ümatüxü̃ 1:17

Rü Moichéxü̃ nixĩ ga namuxü̃ ga Tupana nax tüxü̃ nangúexẽẽxü̃ca̱x ga norü mugü. Natürü Ngechuchu ya Cristuxü̃ nixĩ ga namuxü̃ nax tüxü̃ nangúexẽẽxü̃ca̱x nax yigü ingechaü̃güxü̃ rü nagu imaxẽxü̃ca̱x i norü ore i aixcüma ixĩxü̃.

Ore i mexü̃ ga Matéu ümatüxü̃ 17:2

Rü yéma yema ngúexü̃güpe̱xewa rü toraxü̃ãcü nango̱x ga Ngechuchu. Rü üa̱xcürüxü̃ niyauracüxü ga nachiwe. Rü naxchiru rü nacómüxü̃chi, rü ñoma ngóonexü̃rüxü̃ nixĩ.

Ore i mexü̃ ga Matéu ümatüxü̃ 17:4

Rü yexguma ga Pedru rü ñanagürü Ngechuchuxü̃: —Pa Corix, name nixĩ nua tangexmagü. Rü ngẽxguma cunaxwa̱xegu rü tá tanaxü ya tomaepü̱x ya düxenü, rü wüxi ya cuxca̱x, rü nai ya Moichéca̱x, rü nai ya Eríaca̱x —ñanagürü.