Ore i mexü̃ ga Matéu ümatüxü̃ 15:5 - Tupanaarü Ore

⁵ Natürü pema rü nüxü̃ pixu nax namexü̃ ega wüxi ya yatü nanatüxü̃ rüe̱xna naéü̃ ñaxgu: “Taxucürüwa cuxü̃ charüngü̃xẽẽxü̃ erü guxü̃ma i chorü ngẽmaxü̃gü rü marü Tupanana chanaxã”, ñaxgu.

Ore i mexü̃ ga Matéu ümatüxü̃ 15:5 Referans Kwoze

Ngechuchuarü ngúexü̃gü ga yamugüxü̃arü puracüchiga 5:29

Rü Pedru rü wüxigu namücügümaxã nanangãxü̃gü, rü ñanagürügü: —Narümemae nixĩ nax Tupanaga taxĩnüexü̃ rü tama i yatügüga taxĩnüexü̃.

Ngechuchuarü ngúexü̃gü ga yamugüxü̃arü puracüchiga 4:19

Natürü ga Pedru rü Cuáü̃ rü nanangãxü̃gü, rü ñanagürügü: —¡Nagu perüxĩnüe i pematama! ¿Rü namexü̃ i Tupanape̱xewa nax pega taxĩnüexü̃ rü ẽ̱xna Tupanaga taxĩnüexü̃?

Ucu̱xẽgüchiga 20:25

Wüxi i ãũcümaxü̃ nixĩ nax texé Tupanamaxã ixunetaxü̃, ega yixcaama tanaxüchicüügu i tümaarü uneta.

Ore i mexü̃ ga Matéu ümatüxü̃ 15:4

Erü Tupana rü norü orewa rü ñanagürü: “¡Tüxü̃ nangechaü̃ ya cunatü rü cué!” ñanagürü. Rü ngẽma orewa rü ñanagürü ta: “Rü texé ya tümanatümaxã rüe̱xna tümaémaxã guxchigaxe rü name i noxtacüma yu tümamaxã naxuegu”, ñanagürü.

Ore i mexü̃ ga Matéu ümatüxü̃ 15:6

Rü ngẽxguma texé ngẽma ñagügu rü pexca̱x rü marü namexü̃ nax tama tümanatüxü̃ rü tümaéxü̃ tarüngü̃xẽẽxü̃. Rü ngẽmaãcü ipeyanaxoxẽxẽ i Tupanaarü mu nax nagu pexĩxü̃ca̱x i pecümagütama.