Ore i mexü̃ ga Matéu ümatüxü̃ 15:2 - Tupanaarü Ore

² —¿Tü̱xcüü̃ i curü ngúexü̃gü rü tama nagu naxĩ i nũxcümaü̃güxü̃ i tórü o̱xigücüma? ¿Rü tü̱xcüü̃ tama nayanguxẽẽgü i ngẽma nacüma nax Tupanaca̱x naya̱u̱xme̱xgüxü̃ naxü̃pa nax nachibüexü̃? —ñanagürügü.

Ore i mexü̃ ga Matéu ümatüxü̃ 15:2 Referans Kwoze

Ore i mexü̃ ga Luca ümatüxü̃ 11:38

Rü yema Parichéu rü naba̱i̱xãchiãxẽ ga yexguma Ngechuchuxü̃ nada̱u̱xgu nax tama yangu̱xẽẽãxü̃ ga yema nacümagü nax naya̱u̱xméxü̃ naxü̃pa nax nachibüexü̃.

Ore i mexü̃ ga Márcu ümatüxü̃ 7:2

Rü yexguma nüxü̃ nadaugügu nax ñuxre ga Ngechuchuarü ngúexü̃gü tama naya̱u̱xme̱xgüãcüma nachibüexü̃ rü chixri nachiga nidexagü, yerü yema ngúexü̃gü rü tama nagu naxĩ ga yema Yudíugücüma nax naya̱u̱xme̱xgüxü̃ nax Tupanape̱xewa yamexü̃ca̱x naxü̃pa nax nachibüexü̃.

Colosenses 2:8

¡Rü naxca̱x pexuãẽgü i ngẽma duü̃xü̃gü i pexü̃ womüxẽẽgüchaü̃xü̃ namaxã i norü ore i tama aixcüma ixĩxü̃ rü taxuwama mexü̃! Rü nümagü rü tama Cristuchigaxü̃ nixugü, natürü pexü̃ nangúexẽẽchaü̃ i ngẽma nũxcümaü̃güxü̃ i nacümagü ga duü̃xü̃gü nagu ĩxü̃ rü ngẽma ngu̱xẽẽtaegü i ñoma i naanearü ixĩxü̃. Natürü nüma ya Cristu rü Tupanaxü̃chi nixĩ rü guxü̃ma i Tupanaarü pora rü Cristuwa nangẽxma.

Nüxíraxü̃xü̃ ga popera ga Pedru ümatüxü̃ 1:18

Rü Tupana rü marü pexü̃ ínanguxü̃xẽxẽ nawa ga yema nũxcümaü̃xü̃ ga perü maxü̃ ga taxuwama mexü̃ ga perü o̱xigüwa peyaxuxü̃. Rü yema nax nawa pexü̃ ínanguxü̃xẽẽxü̃ca̱x rü pexna naxããxü̃ca̱x i maxü̃ i ngexwaca̱xü̃xü̃, rü poraãcü nüxü̃́ natatanü. Yerü tama úiru rü ẽ̱xna diẽru i ngauxwa̱xexü̃maxã nanaxütanü, natürü nagü ya Cristu ya mexẽchicümaxã nixĩ ga naxütanüãxü̃. Rü nüma ga Cristu rü ñoma wüxi i carnéru i taxuwama nañuxraü̃xü̃ i Tupanaca̱x imáxü̃rüxü̃ pexca̱x nayu nax pexü̃ naxütanüxü̃ca̱x.

Ore i mexü̃ ga Márcu ümatüxü̃ 7:5

Rü yema Parichéugü rü yema ngúexẽẽruü̃gü ga mugüwa ngu̱xẽẽtaegüxü̃ rü yemaca̱x nixĩ ga Ngechuchuna nacagüexü̃, rü ñanagürügü: —¿Tü̱xcüü̃ i curü ngúexü̃gü i tama nagu naxĩxü̃ i ngẽma tórü o̱xigücüma rü tama torüxü̃ naya̱u̱xme̱xgüxü̃ naxü̃pa nax nachibüexü̃? —ñanagürügü.

Naanearü ügüchiga 1:14

Rü yexguma ga Tupana rü ñanagürü: —¡Nangexma̱x i nangóonexẽẽruü̃gü i daxũwa nax naanexü̃ nangóonexẽẽxü̃ca̱x, rü nax nangemaxü̃ca̱x i ngunexü̃ rü chütaxü̃, rü ngẽmaãcü nüxü̃ icuáxü̃ca̱x i wüxichigü i ngunexü̃ rü taunecü rü mucü! —ñanagürü. Rü yemaacü nixĩ.

Ore i mexü̃ ga Matéu ümatüxü̃ 15:3

Natürü ga Ngechuchu rü nüxna naca ga yema Parichéugü rü ngúexẽẽruü̃gü, rü ñanagürü nüxü̃: —¿Rü tü̱xcüü̃ i pema rü nüxü̃ pexo i Tupanaarü mu nax nagu pexĩxü̃ca̱x i pecümagütama?

Gálatas 1:14

Rü muxü̃ma ga chautanüxü̃ ga Yudíugü ga chorü nayaã̱xgüraü̃xü̃arü yexera nagu chixũ ga yema Yudíugücüma. Yerü norü yexera meama chayanguxẽxẽ ga nacümagü ga nũxcümaü̃güxü̃ ga chorü o̱xigü nagu ĩxü̃.

Ester 3:3

Rü yexguma yemaxü̃ nadaugügu ga ãẽ̱xgacüarü ngü̃xẽẽruü̃gü, rü Maduquéuna nacagüe rü ñanagürügü: —¿Tü̱xcüü̃ tama naga cuxĩnü i ngẽma ãẽ̱xgacü unagüxü̃? —ñanagürügü.