Ore i mexü̃ ga Matéu ümatüxü̃ 14:2 - Tupanaarü Ore

² Rü Eróde rü norü duü̃xü̃gümaxã ñanagürü: —Yimá nixĩ ya Cuáü̃ ga báiü̃xẽẽruxü̃ rü marü wena namaxü̃. Rü ngẽmaca̱x nüxü̃́ nangẽxma i pora nax naxüaxü̃ i ngẽma mexü̃gü i Tupanaarü poramaxã naxüxü̃ —ñanagürü.

Ore i mexü̃ ga Matéu ümatüxü̃ 14:2 Referans Kwoze

Ore i mexü̃ ga Matéu ümatüxü̃ 16:14

Rü nüma ga norü ngúexü̃gü rü nanangãxü̃ rü ñanagürügü: —Nangexma i duü̃xü̃gü rü: “Cuáü̃ ya báiü̃xẽẽruxü̃ quixĩ”, ñagüxü̃. Rü togü rü: “Ería quixĩ”, ñagüxü̃. Rü togü rü: “Yeremía quixĩ”, ñagüxü̃. Rü togü rü: “Wüxi ga nũxcümaü̃cü ga Tupanaarü orearü uruxü̃ quixĩ”, ñagüxü̃ —ñanagürügü.

Ore i mexü̃ ga Cuáü̃ ümatüxü̃ 10:41

Rü muxü̃ma ga duü̃xü̃gü rü Ngechuchuxü̃ ínayadaugü, rü ñanagürügü: —Cuáü̃ rü taxuxü̃ma ga mexü̃ ga cua̱xruxü̃ naxü ga Tupanaarü poramaxã. Natürü guxü̃ma ga ore ga Cuáü̃ tamaxã nüxü̃ ixuxü̃ ga ñaa yatüchiga rü aixcüma nixĩ —ñanagürügü.

Ore i mexü̃ ga Márcu ümatüxü̃ 8:28

Rü norü ngúexü̃gü nanangãxü̃gü rü ñanagürügü: —Nangexma i duü̃xü̃gü rü: “Cuáü̃ ya báiü̃xẽẽruxü̃ quixĩ”, ñagüxü̃, rü togü i: “Ería quixĩ”, ñagüxü̃, rü togü rü: “Wüxi ga nũxcümaü̃cü ga Tupanaarü orearü uruxü̃ quixĩ”, ñagüxü̃ —ñanagürügü.

Ore i mexü̃ ga Matéu ümatüxü̃ 11:11

Rü aixcüma pemaxã nüxü̃ chixu rü guxü̃ i duü̃xü̃gütanüwa rü nataxuma i Tupanaarü orearü uruxü̃ i Cuáü̃arü yexera ixĩxü̃. Natürü yíxema wixwe üxe ya Tupana ãẽ̱xgacü ixĩxü̃wa rü Cuáü̃arü yexera tixĩ.

Ore i mexü̃ ga Matéu ümatüxü̃ 3:1

Rü yexgumaü̃cüü, rü Cuáü̃ ga báiü̃xẽẽruxü̃ inanaxügü ga Tupanaarü orexü̃ nax yaxuxü̃ ga Yudéaanearü chianexü̃wa ga taxúema íxãpataxü̃wa.

Ore i mexü̃ ga Márcu ümatüxü̃ 6:14

Rü Ngechuchuchigaxü̃ naxĩnü ga ãẽ̱xgacü ga Eróde, yerü guxü̃wama duü̃xü̃gü poraãcü nachiga nidexagü. Rü yexguma ga Eróde rü ñanagürü: —Rü ngẽma Ngechuchu nixĩ i Cuáü̃ i báiü̃xẽẽruxü̃ ixĩxü̃ rü wena namaxü̃, rü ngẽmaca̱x nixĩ i nüxü̃́ nangẽxmaxü̃ i pora nax naxüaxü̃ca̱x i ngẽma taxü̃ i mexü̃gü i Tupanaarü poramaxã naxüxü̃ —ñanagürü.

Ore i mexü̃ ga Luca ümatüxü̃ 9:7

Rü Gariréaanearü ãẽ̱xgacü ga Eróde, rü nüxü̃ nacuáchiga ga guxü̃ma ga yema Ngechuchu üxü̃. Rü poraãcü naxoegaãẽ ga Eróde, yerü nümaxü̃ ga duü̃xü̃gü rü ñanagürügü: —Cuáü̃ ya báiü̃xẽẽruxü̃ nixĩ ya yimá rü marü wena namaxü̃ —ñanagürügü.