Ore i mexü̃ ga Matéu ümatüxü̃ 12:5 - Tupanaarü Ore

⁵ Rü pemax, Pa Parichéugüx ¿taguma ẽ̱xna nawa pengúe ga yema ore ga mugüpanegu Moiché ümatüxü̃ ga ñaxü̃: “Tama pecadu naxügü i chacherdótegü i ngẽxguma ngü̃xchigaarü ngunexü̃gu Tupanapata ya taxü̃newa napuracüegu?” ñaxü̃.

Ore i mexü̃ ga Matéu ümatüxü̃ 12:5 Referans Kwoze

Neemía 13:17

Rü yemaca̱x chayangagü ga yema Yudátanüxü̃arü ãẽ̱xgacügü, rü ñachagürü: —Chixexü̃ nixĩ i pexüxü̃, erü tama penaxaure i ngü̃chigaarü ngunexü̃.

Echequié 24:21

Rü choxü̃ namu nax pemaxã nüxü̃ chixuxü̃ca̱x i norü ore i ñaxü̃: “Pa Iraétanüxü̃x, pema rü namaxã pegü picua̱xüü̃gü ya yima chopata ya taxü̃ne ya namaxã pegü íperüporaene. Natürü woo nax nüxü̃ pingechaü̃xü̃chixü̃ rü perü meruxü̃ nax yixĩxü̃ rü choma rü tá nagu chapogü. Rü ngẽma Yerucharéü̃wa yaxǘgüxü̃ ga penegü rü pexacügü rü taramaxã tá nayue.

Lebítanüxü̃arü puracüchiga 24:8

Rü nüma i chacherdóte rü guxü̃ma i ngü̃chigaarü ngunexü̃gu chope̱xegu tá nayanu i ngẽma paũ. Erü nüma ya chacherdóte nixĩ i Iraétanüxü̃égagu choxna naxããxü̃ i ngẽma paũ. Rü ngẽma tá nixĩ i wüxi i uneta i guxü̃gutáma ixĩxü̃.

Ore i mexü̃ ga Matéu ümatüxü̃ 12:4

Rü Tupanapatagu naxücu rü nanangõ̱xgü ga yema paũ ga üünexü̃ ga Dabíca̱x rü namücügüca̱x chu̱xuxü̃. Yerü yema paũ rü chacherdótegüca̱xicatama nixĩ.

Ore i mexü̃ ga Matéu ümatüxü̃ 12:6

Natürü pemaxã nüxü̃ chixu rü nua petanüwa nangẽxma i wüxi i Tupanapata ya taxü̃nearü yexera ixĩxü̃ i Tupanape̱xewa.