Ore i mexü̃ ga Matéu ümatüxü̃ 12:2 - Tupanaarü Ore

² Rü yexguma yemaxü̃ nadaugügu ga Parichéugü rü ñanagürügü Ngechuchuxü̃: —Dücax i curü ngúexü̃gü rü chixexü̃ naxügü. Erü ngü̃xchigaarü ngunexü̃gu nanaxügü i ngẽma ngü̃chigaarü ngunexü̃gu chu̱xuxü̃ —ñanagürügü.

Ore i mexü̃ ga Matéu ümatüxü̃ 12:2 Referans Kwoze

Ore i mexü̃ ga Matéu ümatüxü̃ 12:10

Rü yéma nayexma ga wüxi ga yatü ga wüxichacüüwa yumécü. Rü nümagü ga Parichéugü rü naxca̱x nadaugü ga ñuxãcü norü ãẽ̱xgacügüxü̃tawa Ngechuchuxü̃ nax ínaxuaxü̃güxü̃. Rü yemaca̱x Ngechuchuna nacagüe, rü ñanagürügü: —¿Namexü̃ yixĩxü̃ nax texé naxca̱x yataanexẽẽxü̃ i wüxi i da̱xawexü̃ i ngü̃xchigaarü ngunexü̃gu? —ñanagürügü.

Ore i mexü̃ ga Luca ümatüxü̃ 14:3

Rü yexguma ga Ngechuchu rü yema ngúexẽẽruü̃gü ga Moichéarü mugüwa ngu̱xẽẽtaegüxü̃na rü Parichéugüna naca, rü ñanagürü: —¿Pexca̱x namexü̃ ega ngü̃xchigaarü ngunexü̃gu naxca̱x chayataanexẽxẽgu i wüxi i ida̱xawexü̃? —ñanagürü.

Ore i mexü̃ ga Luca ümatüxü̃ 23:56

Rü yexguma ngĩpatawa nangugügu, rü ínamexẽẽgü ga pumara rü chíxü̃. Rü irüngü̃gü ga ngü̃xchigaarü ngunexü̃gu, yerü yema nixĩ ga Tupanaarü mu.

Ichaía 58:13

Rü tama name i pepuracüe rü petaxegü i ngü̃xchigaarü ngunexü̃gu. Rü ngẽma chanaxwa̱xexü̃ nixĩ nax pexca̱x rü wüxi i ngunexü̃ i üünexü̃ nax yixĩxü̃ rü wüxi i ngunexü̃ i nagu petaãẽxü̃ nax yixĩxü̃. Rü ngẽma ngunexü̃ rü cha̱u̱xca̱xica tá ípenaxüxüchi. Rü ngẽxguma ngẽmaãcü penaxü̱xgu, rü tama ngẽma ngunexü̃gu pepuracüegu rü tama petaxegügu rü tama dexagü i taxuwama mexü̃maxã pidexagügu, rü ngẽxguma i choma i perü Tupana rü tá pexü̃ chataãẽxẽxẽ. Rü tá pexna chanaxã i ñaa naane ga perü o̱xi ga Acóbumaxã nüxü̃ chixuxü̃ rü tá pexü̃ charüngü̃xẽẽxü̃ nax ñaa nachixü̃anemaxã ipecu̱axgüxü̃ —ñanagürü ga Tupana. Rü Cori ya Tupanatama nixĩ i ngẽma ñaxü̃.

Ínachoxü̃xü̃chiga 23:12

Rü 6 i ngunexü̃ tá nixĩ i cunaxüxü̃ i curü puracü i cuxüxchaü̃xü̃. Natürü ngẽxguma norü 7 i ngunexü̃wa nanguxgu rü tá curüngü̃ nax ngẽmaãcü nangü̃ẽxü̃ca̱x i curü wocagü rü búrugü rü ngẽmaãcü naporaexü̃ca̱x i curü puracütanüxü̃ rü ngẽma to i nachixü̃anecüã̱x i duü̃xü̃ i cuxü̃tawa ngẽxmaxü̃.

Ore i mexü̃ ga Matéu ümatüxü̃ 12:3

Rü Ngechuchu nanangãxü̃, rü ñanagürü: —¿Taguma ẽ̱xna poperawa nüxü̃ pedau ga yema naxüxü̃ ga ãẽ̱xgacü ga Dabí ga yexguma nataiya̱xgu ga nüma rü namücügü?

Ore i mexü̃ ga Márcu ümatüxü̃ 2:24

Rü yema Parichéugü rü Ngechuchuna nacagü rü ñanagürügü: —Dücax ¿tü̱xcüü̃ i curü ngúexü̃gü rü nanaxügü i ngẽma ngü̃xchigaarü ngunexü̃gu chu̱xuxü̃ nax naxüxü̃? —ñanagürügü.

Ore i mexü̃ ga Luca ümatüxü̃ 6:2

Rü ñuxre ga Parichéugü rü yema ngúexü̃güna nacagü, rü ñanagürügü: —¿Tü̱xcüü̃ ngü̃xchigaarü ngunexü̃gu penabuxu i trigu? Erü ngü̃xchigaarü ngunexü̃gu rü nachu̱xu nax texé puracüxü̃ —ñanagürügü.