Ore i mexü̃ ga Matéu ümatüxü̃ 12:12 - Tupanaarü Ore

¹² Natürü Tupanape̱xewa rü wüxi i duü̃xü̃ rü poraãcüxüchima wüxi i carnéruarü yexera nixĩ. Rü ngẽmaca̱x name nixĩ i mexü̃ taxü i woo ngü̃xchigaarü ngunexü̃ yixĩxgu —ñanagürü.

Ore i mexü̃ ga Matéu ümatüxü̃ 12:12 Referans Kwoze

Ore i mexü̃ ga Matéu ümatüxü̃ 6:26

¡Dücax penangugü i werigü i tama toegüchiréxü̃, rü tama nanetüarü o ibuxgüxü̃, rü ngepatagüxü̃ nax namaxã nanguxü̃güxü̃ca̱x i norü õna! Natürü Penatü ya Daxũgucü rü nanaxüwemü i ngẽma werigü. Rü pema rü Tupanape̱xewa rü guxü̃ma i werigüarü yexera pixĩgü.

Ore i mexü̃ ga Luca ümatüxü̃ 6:9

Rü yexguma ga Ngechuchu rü nüxna naca ga yema Parichéugü rü yema mugüwa ngu̱xẽẽtaegüxü̃, rü ñanagürü nüxü̃: —¿Ta̱xacü nixĩ i mexü̃ nax naxüxü̃ i ngü̃xchigaarü ngunexü̃gu? ¿Mexü̃ rü ẽ̱xna chixexü̃? ¿Rü pexca̱x namexü̃ nax namaxẽxẽxü̃ rü ẽ̱xna yamáxü̃? —ñanagürü.

Ore i mexü̃ ga Márcu ümatüxü̃ 3:4

Rü yexguma ga Ngechuchu rü yema togü ga yéma yexmagüxü̃na naca, rü ñanagürü nüxü̃: —¿Ta̱xacü nixĩ i mexü̃ nax naxüxü̃ i ngü̃xchigaarü ngunexü̃gu? ¿Namexü̃ nax naxüxü̃ i mexü̃ rü ẽ̱xna chixexü̃? ¿Rü namexü̃ nax namaxẽxẽxü̃ rü ẽ̱xna yamáxü̃? —ñanagürü. Natürü ga nümagü rü yexma nayarüngea̱xgümare.

Ore i mexü̃ ga Matéu ümatüxü̃ 10:31

Rü ngẽmaca̱x ¡taxṹ i pemuü̃exü̃! Erü pema rü muxü̃ma i weriacügüarü yexeraxüchi peme i Tupanape̱xewa.

Ore i mexü̃ ga Luca ümatüxü̃ 12:24

¡Dücax penangugü i ngurucugü i tama toegüchiréxü̃, rü tama nanetüarü o ibuxgüxü̃ rü ngepatagüxü̃ nax ngexta namaxã nanguxü̃güxü̃ca̱x i norü õna! Natürü Tupana rü nanaxüwemü. Rü pema rü Tupanaca̱x rü poraãcü guxü̃ma i ngurucugüarü yexera pixĩgü.

Ore i mexü̃ ga Luca ümatüxü̃ 14:1

Rü wüxi ga ngü̃xchigaarü ngunexü̃gu rü Ngechuchu rü wüxi ga Parichéugüarü ãẽ̱xgacüpatawa nayachibü. Rü yéma nayexmagü ga togü ga Parichéugü ga yéma bexma Ngechuchuxü̃ ngugüexü̃.