Ore i mexü̃ ga Matéu ümatüxü̃ 12:10 - Tupanaarü Ore

¹⁰ Rü yéma nayexma ga wüxi ga yatü ga wüxichacüüwa yumécü. Rü nümagü ga Parichéugü rü naxca̱x nadaugü ga ñuxãcü norü ãẽ̱xgacügüxü̃tawa Ngechuchuxü̃ nax ínaxuaxü̃güxü̃. Rü yemaca̱x Ngechuchuna nacagüe, rü ñanagürügü: —¿Namexü̃ yixĩxü̃ nax texé naxca̱x yataanexẽẽxü̃ i wüxi i da̱xawexü̃ i ngü̃xchigaarü ngunexü̃gu? —ñanagürügü.

Ore i mexü̃ ga Matéu ümatüxü̃ 12:10 Referans Kwoze

Ore i mexü̃ ga Luca ümatüxü̃ 13:14

Natürü yema ngutaque̱xepataü̃arü ãẽ̱xgacü rü nanu, yerü Ngechuchu rü ngü̃xchigaarü ngunexü̃gu ngĩxü̃ narümexẽxẽ ga yema nge. Rü yemaca̱x ga yema ãẽ̱xgacü rü ñanagürü duü̃xü̃güxü̃: —Nangexma i 6 i ngunexü̃ i nagu namexü̃ nax ipuracüexü̃. Rü ngẽma ngunexü̃gügu nixĩ i namexü̃ nax nua pexĩxü̃ nax pegü peyarümexẽẽgüxü̃ca̱x rü tama i ngü̃xchigaarü ngunexü̃gu —ñanagürü.

Ore i mexü̃ ga Cuáü̃ ümatüxü̃ 9:16

Rü yexguma ga ñuxre ga Parichéugü rü ñanagürügü: —Yema yatü ga cuxü̃ rümexẽẽxü̃ rü tama Tupanaarü duü̃xü̃ nixĩ, erü tama nanaxaure i ngü̃xchigaarü ngunexü̃ —ñanagürügü. Natürü togü ga Parichéugü rü ñanagürügü: —¿Ñuxãcü nanaxü i ngẽma cua̱xruxü̃ i mexü̃ ega wüxi i pecaduã́xü̃ yixĩxgux? —ñanagürügü. Rü yemaacü nügü nitoye ga nagu naxĩnüexü̃wa ga yema Parichéugü.

Ore i mexü̃ ga Cuáü̃ ümatüxü̃ 8:6

Rü yema ñanagürügü ga nümagü, yerü Ngechuchuxü̃ guxchaxü̃gu nangu̱xẽẽgüchaü̃ nax nüxü̃́ nayexmaxü̃ca̱x ga ta̱xacüca̱x nax ínaxuaxü̃güãxü̃. Natürü ga Ngechuchu rü inayarümaxãchi rü inanaxügü ga naxme̱xmaxã waixü̃müwa nax naxümatüaxü̃.

Ore i mexü̃ ga Matéu ümatüxü̃ 12:2

Rü yexguma yemaxü̃ nadaugügu ga Parichéugü rü ñanagürügü Ngechuchuxü̃: —Dücax i curü ngúexü̃gü rü chixexü̃ naxügü. Erü ngü̃xchigaarü ngunexü̃gu nanaxügü i ngẽma ngü̃chigaarü ngunexü̃gu chu̱xuxü̃ —ñanagürügü.

Chacaría 11:17

¡Rü nügümaxã nangechaü̃ i ngẽma carnéruarü dauruxü̃ i tama mea norü carnérugüna dauxü̃ rü tüxü̃ ngéma wogümarexü̃! Rü norü poxcu tá nixĩ nax tara i taxrewa ãmaguxü̃maxã nacachacüüxü̃ rü nacaxetüxü̃ i norü tügünexetüwa! Rü tá ninachacüxü rü norü tügünexetüwa rü tá nangexetü. ¡Rü ngẽmaãcü ya nachacüxü rü tá nipamare rü tá nangexetü i norü tügünexetüwa! —ñanagürü.

Ichaía 32:6

Erü ngẽma duü̃xü̃ i chixexü̃gu maxü̃xü̃ rü chixexü̃maxã nidexa rü ñu̱xũchi naãẽwa rü chixexü̃ i ĩnügu narüxĩnü. Rü naxca̱x nadau nax namáetaxü̃ rü Cori ya Tupanachiga doraxü̃ nixu. Rü tama ta̱xacü tümamaxã nangau ya yíxema taiyaxe, rü tama tüxü̃ naxaxẽxẽ ya yíxema ita̱xawaxe.

Ore i mexü̃ ga Cuáü̃ ümatüxü̃ 5:3

Rü yema ücuchicagügu nacagü ga muxü̃ma ga duü̃xü̃gü ga ida̱xaweexü̃. Rü nümaxü̃ rü nangexetügü, rü togü rü nachixeparagü, rü togü rü nanawãĩxãchigü. Rü yema ida̱xaweexü̃ rü yéma nananguxẽẽgü ga gumá puchu rü nax naxĩã̱xãchichíüxü̃.

Ore i mexü̃ ga Luca ümatüxü̃ 23:2

Rü yéma Pirátupe̱xewa inanaxügüe nax Ngechuchuxü̃ yaxugüexü̃. Rü ñanagürügü: —Ñaa yatü rü nüxü̃ itayangaugü nax nanuexẽẽãxü̃ i torü duü̃xü̃gü. Rü nüxü̃ nixu nax tama namexü̃ nax ãẽ̱xgacü ya Rómawa ngẽxmacüaxü̃́ tanaxütanüxü̃ i diẽru. Rü nügü nixu nax nüma yixĩxü̃ i torü ãẽ̱xgacü i Cristu —ñanagürügü.

Ore i mexü̃ ga Luca ümatüxü̃ 23:14

Rü Pirátu ñanagürü nüxü̃: —Pema nua cha̱u̱xca̱x penaga i ñaa yatü, rü nüxü̃ pixu nax nanuexẽẽãxü̃ i duü̃xü̃gü. Natürü pepe̱xewa nüxna chaca i ngẽmachiga rü taxuxü̃ma nawa ichayangau i ngẽma chixexü̃ i naxca̱x ípenaxuaxü̃xü̃.

Ore i mexü̃ ga Luca ümatüxü̃ 20:22

Rü dücax, ngẽma diẽru i ãẽ̱xgacü ya Rómacüã̱x naxwa̱xexü̃ nax tanaxütanüxü̃, ¿rü namexü̃ yixĩxü̃ nax nüxü̃́ tanaxütanüxü̃ rü ẽ̱xna tama? —ñanagürügü.

Ore i mexü̃ ga Matéu ümatüxü̃ 19:3

Rü ñuxre ga Parichéugü rü Ngechuchuca̱x naxĩ nax pecadugu nanguxẽẽgüãxü̃ca̱x. Rü nüxna nacagüe rü ñanagürügü: —¿Cuxca̱x namexü̃ i wüxi i yatü nax ínatáxma̱xmarexü̃ ega naxma̱x rü ngexü̃rüüxü̃ i guxchaxü̃ taxü̱xgu? —ñanagürügü.

Ichaía 59:13

Rü tama Tupanaga taxĩnüe rü tama namaxã tixaixcümagü. Rü nüxna tixĩgachi. Rü máetachiga tidexagü rü tanaechitaegü. Rü duü̃xü̃güxü̃ tawomüxẽxẽ.

Ichaía 59:4

Rü taxúema i pema mexü̃ i ĩnümaxã ãẽ̱xgacü ya guxchaxü̃arü mexẽẽruü̃pe̱xewa pexĩ. Rü ngẽma guxchaxü̃ ínamexẽẽgüpe̱xewa rü taxúema nüxü̃ tixu i ngẽma ore i aixcüma ixĩxü̃. Rü nüxü̃ tixu i ngẽma dora ixĩxü̃ rü taxúema aixcümaxü̃ tixu. Erü chixexü̃maxã penapagü rü tama aixcüma penango̱xẽxẽ i ngẽma perü chixexü̃gü.

Ore i mexü̃ ga Márcu ümatüxü̃ 3:2

Rü Parichéugü, rü Ngechuchuxü̃ nangugügü rü tá namexẽxẽã ga ngü̃xchigaarü ngunexü̃gu, nax yemaacü nüxü̃́ nayexmaxü̃ca̱x ga ta̱xacüca̱x nax ínaxuaxü̃güãxü̃.

Ore i mexü̃ ga Cuáü̃ ümatüxü̃ 7:23

Rü ngẽmaãcü i pemax rü ngü̃xchigaarü ngunexü̃gu buxexü̃ ípewiecha̱xmüü̃pe̱xechiraü̃ erü naga pexĩnüechaü̃ i Moichéarü mugü. ¿Rü ñu̱xma rü tü̱xcüü̃ yixĩxü̃ i chomaxã penuexü̃ naxca̱x nax ngü̃xchigaarü ngunexü̃gu chanamexẽẽxü̃ i wüxi ya yatü ya ida̱xawecü?