Ore i mexü̃ ga Matéu ümatüxü̃ 11:8 - Tupanaarü Ore

⁸ Rü yexguma tama gumá ípeyadaugügu, ¿rü ta̱xacü nixĩ ga ípeyadaugüxü̃? ¿Ẽ̱xna wüxi ga yatü ga mea nügü nga̱xãẽxü̃ nixĩ ga ípeyadaugüxü̃? Pema nüxü̃ pecua̱x i ngẽma mea nügü nga̱xãẽgüxü̃ rü ãẽ̱xgacügüpatagüwa nangẽxmagü.

Ore i mexü̃ ga Matéu ümatüxü̃ 11:8 Referans Kwoze

Ore i mexü̃ ga Matéu ümatüxü̃ 3:4

Rü naxchiru ga Cuáü̃ rü caméyuta̱xanaxca̱x nixĩ, rü norü goyexü̃ rü naxcha̱xmünaxca̱x nixĩ. Rü munümaxã rü beruremaxã naxãwemü.

Chacaría 13:4

Rü ngẽma ngunexü̃gu rü ngẽma orearü uruü̃günetagü rü tá naxãnee nax nüxü̃ yaxugüxü̃ i ngẽma nanegüwa nüxü̃ nadaugüxü̃ erü doramare nixĩ. Rü taxũtáma Tupanaarü orearü uruü̃güchiru i carnérucha̱xmüü̃naxca̱xgu nicu̱x nax ngẽmaãcü doramare ixĩxü̃ i orexü̃ yaxuxü̃ca̱x.

Ichaía 20:2

Rü yexgumaü̃cüü ga Cori ya Tupana rü orearü uruxü̃ ga Ichaía ga Amú nanemaxã nidexa rü ñanagürü: —¡Ínacuxuchi i ngẽma cuxchiru i témüxü̃ i nagu quicúxü̃ rü ñu̱xũchi ngẽma curü chapatu i nagu quicuaxixü̃! —ñanagürü. Rü nüma ga Ichaía rü nayanguxẽxẽ ga yema Tupana namaxã nüxü̃ ixuxü̃ rü wixgutaa̱x nangexchiru rü nangearü chapatuã̱x rü yemaacü nixũ.

Norü taxre ga popera ga ãẽ̱xgacügüchiga 1:8

Rü nümagü nanangãxü̃gü rü ñanagürügü: —Wüxi i yatü i ngu̱xuxpümüxü̃maxã ãxchiruxü̃ nixĩ, rü ñu̱xũchi wüxi i goyexü̃ i naxcha̱xmünaxca̱xmaxã nigoye —ñanagürügü. Rü nüma ga ãẽ̱xgacü rü ñanagürü: —Ngẽma rü Ería i Tibécüã̱x nixĩ —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:3

Rü choma rü tá chanamu i taxre i chorü orearü uruü̃gü i témüxü̃maxã ixãxchiruxü̃ nax 1,260 i ngunexü̃ duü̃xü̃gümaxã nüxü̃ yaxugüxü̃ca̱x i chorü ore”, ñanagürü choxü̃.

2 Corintios 11:27

Rü poraãcü chataarü puracüã̱x, rü muxũchixü̃ ga guxchaxü̃gü choxü̃ nangupetü. Rü mue̱xpü̱xcüna rü tama chape, rü chataiya, rü chita̱xawa. Rü mue̱xpü̱xcüna rü tama chachibü, rü choxü̃ nanadeyu, rü choxü̃́ nataxu ga chauxchiru.

1 Corintios 4:11

Rü ñu̱xma rü ta tama inayacua̱x nax ngúxü̃ tingegüxü̃, rü taiya toxü̃́ nangu̱x, rü tita̱xawae, rü tangexchiru. Rü duü̃xü̃gü rü chixri tomaxã nachopetü, rü tangepata.

Wenaxarü naxümatü ga Tupanaarü mugü 28:54

Rü ngẽmaca̱x woo ngẽma yatü i mecümaxüchixü̃ rü taxúetama nüxü̃́ tangechaü̃tümüxü̃ ya naenexẽ rü woo naxma̱x i ngĩxü̃ nangechaü̃xü̃chicü, rü woo naxacügü ya nüxü̃́ íyaxügüe.

Ore i mexü̃ ga Matéu ümatüxü̃ 11:7

Rü yexguma nawoegu̱xgu ga yema Cuáü̃arü duü̃xü̃gü, rü Ngechuchu inanaxügü ga gumá Cuáü̃chiga nax yadexaxü̃. Rü ñanagürü nüxü̃ ga duü̃xü̃gü: “¿Ta̱xacü nixĩ ga pema ípeyadaugüxü̃ ga naxnücüanewa ga taxúema íxãpataxü̃wa? ¿Ẽ̱xna wüxi ga yatü i ñoma dexne i buanecümaxã núxwa̱xüchixü̃rüxü̃ ixĩxü̃?

Ore i mexü̃ ga Matéu ümatüxü̃ 11:9

¿Ta̱xacü nixĩ ga ípeyadaugüxü̃? ¿Ẽ̱xna wüxi ga Tupanaarü orearü uruxü̃? Rü aixcüma pemaxã nüxü̃ chixu rü yema nixĩ ga ípeyadaugüxü̃. Rü nüma ya Cuáü̃ rü to i Tupanaarü orearü uruxü̃arü yexera nixĩ.

Ore i mexü̃ ga Luca ümatüxü̃ 7:25

Rü yexguma tama gumá ípeyadaugügu, ¿rü ta̱xacü nixĩ ga ípeyadaugüxü̃? ¿Ẽ̱xna wüxi ga yatü ga nügü nga̱xãẽcü ípeyadaugü? Pema nüxü̃ pecua̱x i ngẽma nügü nga̱xãẽgüxü̃ rü nachixü̃anegüarü ãẽ̱xgacügüpatawa nangẽxmagü, rü taxuca̱xma chianexü̃wa nangẽxmagü.