Biblia Todo Logo
Bib sou entènèt

- Piblisite -




Ore i mexü̃ ga Matéu ümatüxü̃ 11:6 - Tupanaarü Ore

6 Rü tataãxẽ ya yíxema nüxü̃ dauxe i ngẽma chaxüxü̃ rü tama nüxü̃ rüxoxe nax choxü̃́ tayaxõxü̃ —ñanagürü ga Ngechuchu.

Gade chapit la Kopi




Ore i mexü̃ ga Matéu ümatüxü̃ 11:6
26 Referans Kwoze  

Rü texé ya tama Tupanaãxẽ ya Üünecü tümawa ngẽxmaxẽ, rü taxucürüwa tanayaxu i ngẽma Tupanaãxẽ ya Üünecü tüxü̃ ngu̱xẽẽxü̃, erü tümaca̱x ya yíxema duü̃xẽ rü natüca̱xmamare nixĩ. Rü tama nüxü̃ tacua̱xéga erü yíxema Tupanaãxẽ ya Üünecü tümawa ngẽxmaxẽxicatama tixĩ ya nüxü̃ cuáxe nax tanangugüxü̃ nax ta̱xacüchiga yixĩxü̃ i ngẽma Tupanaãxẽ ya Üünecü tüxü̃ ngu̱xẽẽxü̃.


Rü yexguma ga Ngechuchu rü ñanagürü nüxü̃ ga norü ngúexü̃gü: —Guxãma i pema rü tá choxü̃ ípeta̱xgü i ñoma i chütaxü̃gu. Erü Tupanaarü ore i ümatüxü̃wa rü ñanagürü: “Tá chayama̱x ya carnéruarü dauruxü̃, rü tá nanaxüanemare i carnérugü”, ñanagürü i ngẽma ore.


Rü yexgumacürüwa inanaxügüe ga nüxna nax yaxĩgachixü̃ ga muxü̃ma ga yema duü̃xü̃gü ga noxri nawe rüxĩchiréxü̃. Rü marü tama nawe ínaxĩĩxü̃.


Rü ngẽxguma rü muxũchixü̃ i chorü duü̃xü̃gü rü tá nüxü̃ narüxoe nax choxü̃́ yaxõgüãxü̃, rü nügütanüwa rü tá nügüchi naxaie. Rü nügüechita tá ãẽ̱xgacüxü̃tawa nügü ínayaxuaxü̃gü.


Rü Tupanaarü ore rü ñanagürü ta: “Ngẽma tama yaxõgüxü̃ rü yimá nutagu tá nayarüpucutügü”, ñanagürü. Rü ngẽmaãcü i ngẽma tama yaxõgüxü̃ rü tá napoxcue, erü tama nanayauxgü i ngẽma ore ya Ngechuchu ya Cristuchiga ixĩxü̃.


Wüxi i taxü̃ i ngechaü̃ nixĩ nax ñoma i naanewa nangẽxmaxü̃ i muxü̃ma i chixexü̃gü i duü̃xü̃güxü̃ chixexẽẽxü̃. Rü guxü̃gutáma nangẽxma i ngẽma chixexü̃gü, natürü wüxi i ngechaü̃xü̃chi nixĩ naxca̱x i ngẽma yatü i toguegüxü̃ pecadugu yixẽẽxü̃.


Rü dücax, Pa Chauenexẽgüx, rü ngẽxguma chi pexü̃ changúexẽẽgu nax pegü ípewíü̃cha̱xmüü̃pe̱xechiraü̃xü̃, rü ngẽma Yudíugü rü taxũchima chauxchi naxaie rü taxũchima chowe ingẽxü̃tanü, erü taxũchima naãxẽwa nangu̱x i ngẽma ore i nüxü̃ chixuxü̃ nachiga ya Cristu ga curuchagu taxca̱x yucü.


Rü tataãẽgü ya yíxema aixcüma nagu maxẽxe i Tupanaarü mugü rü tama nüxü̃ rüngü̃maexe.


Rü yexguma ga Chimeóü̃ rü Tupanana naca nax nüxü̃ nangü̃xẽẽxü̃ca̱x ga Yúche rü María rü gumá bucü. Rü ñanagürü ngĩxü̃ ga María ga Ngechuchu naé: “Dücax, daa bucü rü tá nanamaxẽxẽxẽ i muxü̃ma i Iraétanüxü̃, natürü ngẽma nüxü̃ oexü̃ rü tá inayarütauxe. Rü nüma rü wüxi i cua̱xruxü̃ tá nixĩ, rü muxü̃ma i duü̃xü̃gü rü tá nüxü̃ naxoe.


Rü ngẽxguma chi yima curü tügünexetü pecadu cuxü̃ üxẽẽgu rü ¡noxtacüma nayaxu rü yáxü̃gu naña! Erü narümemae nixĩ nax yimá cuxetüxicatama iyarütaxuxü̃ rü tama guxü̃ i cuxune nawa ita̱xcuchixü̃ca̱x ya yimá üxü ya taguma ixoxü̃ne.


Natürü ngẽma nax tama aixcüma nagu naxĩnüexü̃ i ngẽma ore, rü paxaãchitama nayaxõgü, rü yixcüra ngẽxguma ngẽma oregagu guxchaxü̃gü nüxü̃ üpetügu rüe̱xna duü̃xü̃gü naxchi aiegu, rü ínanata̱xgü i ngẽma ore.


¿Taux ẽ̱xna ñaa yixĩxü̃ i corapina i Ngechuchu i María ngĩne, i Chantiágu rü Yúche rü Chimóü̃ rü Yúdaenexẽ ixĩxü̃? ¿Rü taux ẽ̱xna i naeya̱xgü i nuxma tatanügu naxãchiü̃güxü̃? —ñanagürügü. Rü yemaca̱x ga yema duü̃xü̃gü rü tama nüxü̃́ nayaxõgü.


Rü tataãxẽ ya yíxema choxü̃́ yaxṍxe rü tama choxü̃ ítáxe —ñanagürü ga Ngechuchu.


Ngechuchu rü ñanagürü nüxü̃: —Pemaxã nüxü̃ chixu i ñaa ore nax tama nüxü̃ perüxoexü̃ca̱x nax choxü̃́ peyaxõgüxü̃.


Swiv nou:

Piblisite


Piblisite