Ore i mexü̃ ga Matéu ümatüxü̃ 10:5 - Tupanaarü Ore

⁵ Rü Ngechuchu nayamugü ga yema 12 ga norü ngúexü̃gü. Rü nüxna naxãga, rü ñanagürü: “¡Taxũtáma natanüwa pexĩ i ngẽma duü̃xü̃gü i tama Yudíugü ixĩgüxü̃! ¡Rü taxũtáma Chamáriacüã̱x i duü̃xü̃güarü ĩanegüwa pexĩ!

Ore i mexü̃ ga Matéu ümatüxü̃ 10:5 Referans Kwoze

Ore i mexü̃ ga Cuáü̃ ümatüxü̃ 4:9

Natürü ga Yudíugü rü tama Chamáriaanecüã̱xmaxã nataãẽgü rü yemaca̱x ga yema nge rü inangãxü̃ rü ngĩgürügü nüxü̃: —¿Ñuxãcü i cuma nax Yudíu quixĩxü̃ i dexáca̱x choxna cucaxü̃ i choma nax Chamáriaanecüã̱x chixĩxü̃? —ngĩgürügü.

1 Tesalonicenses 2:16

Rü ngẽxguma ngẽma duü̃xü̃gü i tama Yudíugü ixĩgüxü̃maxã nüxü̃ tixuxchaü̃gu i Tupanaarü ore nax nümagü rü ta nüxü̃́ nangẽxmagüxü̃ca̱x i maxü̃, rü ngẽma Yudíugü rü toxna nanachu̱xu. Rü ngẽmaãcü i ngẽma Yudíugü rü poraãcüxüchima chixexü̃ naxügü. Rü ngẽmaca̱x i ñu̱xma rü düxwa marü nüxna nangu i ngẽma Tupanaarü poxcu i ãũcümaxü̃chixü̃.

Ore i mexü̃ ga Luca ümatüxü̃ 17:16

Rü Ngechuchupe̱xegu nanangücuchi rü moxẽ nüxna naxã. Rü yema yatü rü Chamáriaanecüã̱x nixĩ.

Ngechuchuarü ngúexü̃gü ga yamugüxü̃arü puracüchiga 10:45

Rü yema yaxõgüxü̃ ga Yudíugü ga Pedrumaxã yéma ĩxü̃, rü poraãcü naba̱i̱xãchiãẽgü, yerü Tupanaãxẽ ya Üünecü rü nüxna nangu ga yema tama Yudíugü ixĩgüxü̃.

Ore i mexü̃ ga Luca ümatüxü̃ 9:2

Rü nayamugü nax duü̃xü̃gümaxã nüxü̃ yaxugüexü̃ca̱x ga ore ga mexü̃ nax ñuxãcü ãẽ̱xgacü yixĩxü̃ ya Tupana, rü nax nameexẽẽãxü̃ca̱x ga duü̃xü̃gü ga ida̱xaweexü̃.

Ngechuchuarü ngúexü̃gü ga yamugüxü̃arü puracüchiga 1:8

Natürü ngẽxguma pexna nanguxgu i Tupanaãxẽ ya Üünecü, rü tá pexü̃ naporaexẽxẽ. Rü tá ípechoxü̃ nax nüxü̃ peyarüxugüexü̃ca̱x i chauchiga i Yerucharéü̃wa, rü guxü̃ma i Yudéaanewa, rü Chamáriaanewa, rü ñu̱xmatáta guxü̃ i naanewa nangu —ñanagürü.

Ore i mexü̃ ga Cuáü̃ ümatüxü̃ 20:21

Rü yexguma rü wenaxarü ñanagürü nüxü̃: —¡Petaãẽgü! Rü yema Chaunatü núma choxü̃ nax muxü̃rüxü̃ tátama nixĩ i pexü̃ chamuxü̃ i chomax —ñanagürü.

Ore i mexü̃ ga Cuáü̃ ümatüxü̃ 7:35

Rü yexguma ga yema Yudíugüarü ãẽ̱xgacügü rü nügüna nacagüe, rü ñanagürügü: —¿Ngextá tá naxũ ega taxuacütáma nüxü̃ iyarüngaugügu? ¿Ẽ̱xna ngẽma Yudíugü i to i nachixü̃anewa ngẽxmagüxü̃tanüwa tá naxũ nax ngẽma tama Yudíugü ixĩgüxü̃xü̃ yangúexẽẽxü̃ca̱x?

Ore i mexü̃ ga Cuáü̃ ümatüxü̃ 4:5

Rü yemaca̱x nawa nangu ga wüxi ga Chamáriaanearü ĩane ga Chicáx. Rü guma ĩanearü ngaicamana nayexma ga yema naane ga Acóbu nane ga Yúchena ãxü̃.

Ore i mexü̃ ga Luca ümatüxü̃ 10:33

Natürü yixcüra rü wüxi ga Chamáriaanecüã̱x ga yatü rü yematama namawa naxüpetü. Rü yexguma gumá yatüxü̃ nada̱u̱xgu rü nüxü̃́ nangechaü̃tümüxü̃.

Ore i mexü̃ ga Matéu ümatüxü̃ 4:15

“Yema duü̃xü̃gü ga noxri ẽanexü̃wa yexmagüxü̃, rü nüxü̃ nadaugü ga wüxi ga omü ga poraãcü nangóonexẽẽxü̃. Rü Chaburóü̃arü naanewa rü Netaríarü naanewa, rü Yudáü̃arü tocutüwa rü ngẽma nama i márcutüwa nadaxü̃wa, rü Gariréaanewa i ngextá duü̃xü̃gü i tama Yudíugü ixĩgüxü̃ ixãchiü̃güxü̃wa rü duü̃xü̃gü ga noxri ẽanexü̃wa yexmagüxü̃ nüxü̃ nadaugü ga wüxi ga omü ga poraãcü nangóonexẽẽxü̃. Rü yema duü̃xü̃güxü̃ nabáxi ga yema omü”, ñanagürü ga yema Ichaíaarü ore.

Ngechuchuarü ngúexü̃gü ga yamugüxü̃arü puracüchiga 8:1

Rü Chauru rü yéma nayexma rü norü me nixĩ ga Estébaü̃xü̃ nax yama̱xgüxü̃. Rü yematama ngunexü̃gu rü inanaxügü nax poraãcü nawe yangexü̃tanüxü̃ ga yema yaxõgüxü̃ ga Yerucharéü̃wa yexmagüxü̃. Rü düxwa ga guxü̃ma rü Yudéaanegu rü Chamáriaanegu nügü nawoone. Rü yema ngúexü̃gü ga Ngechuchu imugüxü̃xicatama ínayaxügü ga Yerucharéü̃wa.

Ore i mexü̃ ga Cuáü̃ ümatüxü̃ 8:48

Rü yexguma ga yema Yudíugü rü ñanagürügü nüxü̃: —Aixcüma nixĩ ga yema torü ore ga yexguma ñatagügügu: “Cuma rü wüxi i Chamáriaanecüã̱x quixĩ, rü ngo̱xo cuwa nangẽxma”, ñatagügügu —ñanagürügü.

Ore i mexü̃ ga Cuáü̃ ümatüxü̃ 4:20

Nũxcümaü̃güxü̃ ga torü o̱xigü ga Chamáriaanecüã̱xgü rü daa ma̱xpǘne ga Guerichíü̃wa Tupanaxü̃ nicua̱xüü̃gü. Natürü i pemax i Yudíugü rü ñaperügügü: “Yerucharéü̃ nixĩ i nachica i mexü̃ i ngextá Tupanaxü̃ ticua̱xüü̃gü” —ñaperügügü.

Ore i mexü̃ ga Luca ümatüxü̃ 10:1

Rü yemawena ga Cori ya Ngechuchu rü nayadexechi ga 72 ga to ga norü ngúexü̃gü. Rü taxrechigü yoxni nügüpe̱xegu nayamugü nax nawa naxĩxü̃ca̱x ga guxü̃nema ga gumá ĩanegü rü nachicagü ga Ngechuchu nawa ũxchaü̃güne.

Ore i mexü̃ ga Matéu ümatüxü̃ 22:3

Rü norü duü̃xü̃güxü̃ namu nax naxca̱x yaca̱xaxü̃ca̱x ga yema duü̃xü̃gü ga marü ü̃paacü nüxna naxuxü̃. Natürü yema duü̃xü̃gü ga marü nüxna naxuchiréxü̃ rü tama yéma naxĩxchaü̃.

Ore i mexü̃ ga Márcu ümatüxü̃ 6:7

Rü namaxã nangutaque̱xe ga yema 12 ga norü ngúexü̃gü, rü inanaxügü nax taxrechigü inamuãchitanüãxü̃. Rü nüxna nanaxã ga pora nax ínawoxü̃ãxü̃ca̱x ga ngo̱xogü.

Ore i mexü̃ ga Luca ümatüxü̃ 9:1

Rü Ngechuchu rü nanangutaque̱xexẽxẽ ga yema 12 ga norü ngúexü̃gü. Rü pora nüxna naxã rü nüxna naxãga nax ínawoxü̃ãxü̃ca̱x ga naguxü̃raü̃xü̃ ga ngo̱xogü, rü nax nameexẽẽãxü̃ca̱x ga duü̃xü̃gü ga ida̱xaweexü̃.

Ore i mexü̃ ga Cuáü̃ ümatüxü̃ 17:18

Rü yexgumarüxü̃ ga ñoma ga naanecüã̱x ga duü̃xü̃gütanüwa choxü̃ nax cumuxü̃, rü ngẽxgumarüxü̃ ta i choma rü ñoma i naanecüã̱x i duü̃xü̃gütanüwa chanamugü i ngẽma choxna cumugüxü̃.