Ore i mexü̃ ga Matéu ümatüxü̃ 10:4 - Tupanaarü Ore

⁴ Rü to nixĩ ga Chimóü̃ ga Poraãẽxü̃. Rü to nixĩ ga Yúda ga Icharióte ga bexma Ngechuchuxü̃ íxuaxü̃xü̃.

Ore i mexü̃ ga Matéu ümatüxü̃ 10:4 Referans Kwoze

Ore i mexü̃ ga Matéu ümatüxü̃ 26:14

Rü ñu̱xũchi wüxi ga Ngechuchuarü ngúexü̃ ga Yúda ga Ichariótegu ãégaxü̃ rü chacherdótegüarü ãẽ̱xgacügüxü̃tawa naxũ.

Ore i mexü̃ ga Cuáü̃ ümatüxü̃ 13:2

Natürü ga Chataná rü marü Yúda ga Chimóü̃ ga Icharióte nanena nangu nax bexma Ngechuchuxü̃ ínaxuaxü̃xü̃ca̱x. Rü Ngechuchu rü marü nüxü̃ nacua̱x ga Nanatüxü̃tawa nax ne naxũxü̃ rü wena táxarü Nanatüca̱x nax nataeguxü̃. Rü nüxü̃ nacua̱x ga Nanatü rü naxme̱xgu nax naxüaxü̃ ga guxü̃ma ga pora. Rü yemaca̱x ga yema chütaxü̃gu ga yexguma mechawa ínachibüeyane, rü inachi ga Ngechuchu. Rü ínacuxuchi ga norü gáuxü̃chiru, rü wüxi ga tuayamaxã nügü nigoye.

Ore i mexü̃ ga Cuáü̃ ümatüxü̃ 6:71

Rü Yúda ga Icharióte ga Chimóü̃ nanechiga nixĩ ga yadexaxü̃ ga Ngechuchu. Yerü Yúda tá cúãcü ínanaxuaxü̃ woo ga nüma rü wüxi ga yema 12 ga Ngechuchuarü ngúexü̃tanüxü̃ nixĩ.

Ore i mexü̃ ga Márcu ümatüxü̃ 14:43

Rü yexguma íyadexayane ga Ngechuchu, rü ínangu ga Yúda ga norü ngúexü̃chire̱x ixĩxü̃. Rü nawe narüxĩ ga muxü̃ma ga duü̃xü̃gü ga taramaxã rü naimaxã ixãxnexü̃. Rü yema nixĩ ga duü̃xü̃gü ga yéma namugüxü̃ ga chacherdótegüarü ãẽ̱xgacügü rü ngúexẽẽruü̃gü ga mugüwa ngu̱xẽẽtaegüxü̃arü ãẽ̱xgacügü rü Yudíugüarü ãẽ̱xgacügü.

Ore i mexü̃ ga Matéu ümatüxü̃ 26:47

Rü yexguma íyadexayane ga Ngechuchu, rü ínangu ga Yúda ga norü ngúexü̃chire̱x ixĩxü̃. Rü nawe narüxĩ ga muxü̃ma ga duü̃xü̃gü ga taramaxã rü naimaxã ixãxnexü̃. Rü yema nixĩ ga duü̃xü̃gü ga chacherdótegüarü ãẽ̱xgacügü rü Yudíugüarü ãẽ̱xgacügü yéma mugüxü̃.

Ore i mexü̃ ga Luca ümatüxü̃ 22:47

Rü yexguma íyadexayane ga Ngechuchu, rü yéma nangugü ga muxü̃ma ga duü̃xü̃gü. Rü Yúda ga Ngechuchuarü ngúexü̃chire̱x ixĩxü̃ nixĩ ga naxũpe̱xexü̃. Rü Ngechuchuca̱x nixũ nax nüxü̃ nachúxãcüma nüxü̃ namoxẽxü̃ca̱x.

Ore i mexü̃ ga Luca ümatüxü̃ 22:3

Rü yexguma ga Chataná rü Yúda ga Ichariótegu nangaxi. Rü nüma ga Yúda rü yema 12 ga Ngechuchuarü ngúexü̃tanüxü̃chire̱x nixĩ.

Ore i mexü̃ ga Márcu ümatüxü̃ 14:10

Rü Yúda ga Icharióte ga wüxi ga yema 12 ga ngúexü̃tanüxü̃ ixĩxü̃, rü Yudíugüarü chacherdótegüarü ãẽ̱xgacügütanüwa naxũ nax namaxã yamexẽẽãxü̃ca̱x nax ñuxãcü tá Ngechuchuxü̃ yayauxgüxü̃ca̱x.

Ore i mexü̃ ga Matéu ümatüxü̃ 27:3

Rü nüma ga Yúda ga Ngechuchuxü̃ íyaxuaxü̃xü̃ rü yexguma nüxü̃ nada̱u̱xgu nax Ngechuchumaxã yu naxuegugüxü̃ rü poraãcü nüxü̃́ nangu̱x ga yema chixexü̃ ga nümatama naxüxü̃. Rü yéma naxũ naxü̃tawa ga yema chacherdótegüarü ãẽ̱xgacügü rü yema Yudíugüarü ãẽ̱xgacügü. Rü ngĩxü̃ nayatáeguxẽxẽ ga yema 30 tachinü ga diẽru ga nüxna ngĩxü̃ naxãgücü.

Ngechuchuarü ngúexü̃gü ga yamugüxü̃arü puracüchiga 1:13

Rü yexguma Yerucharéü̃arü ĩanewa nangugügu, rü nagu nachocu ga gumá ĩ ga nagu napegüne. Rü dauxna naxĩgü naxca̱x ga yema ucapu ga taxü̃ ga nagu napegüxü̃. Rü nümagü nixĩ ga Pedru, rü Cuáü̃, rü Chantiágu, rü André, rü Ferípe, rü Tumáchi, rü Barturumé, rü Matéu, rü Chantiágu ga Arupéu nane, rü Chimóü̃ ga Iporaãẽcüücü, rü Yúda ga Chantiágu naenexẽ.

Ore i mexü̃ ga Matéu ümatüxü̃ 26:2

—Pema nüxü̃ pecua̱x rü taxre i ngunexü̃ nataxu nax nawa nanguxü̃ i Üpetüchigaarü peta. Rü ngẽxguma tá nixĩ iyayauxgüãxü̃ ya Tupana Nane ya duü̃xü̃xü̃ ixĩcü nax curuchawa yapotagüãxü̃ca̱x —ñanagürü.

Ore i mexü̃ ga Matéu ümatüxü̃ 26:15

Rü Yúda rü ñanagürü nüxü̃: —¿Ñuxre tá choxü̃́ penaxütanüxü̃ i ngẽxguma pexü̃́ chanatauxchaxẽxẽgu nax Ngechuchuxü̃ piyauxgüxü̃ca̱x? —ñanagürü. Rü yexguma ga yema chacherdótegüarü ãẽ̱xgacügü rü 30 tachinü ga diẽru nüxü̃́ nanaxütanügü.

Ore i mexü̃ ga Cuáü̃ ümatüxü̃ 6:64

Natürü tangexma i petanüwa ya ñuxre ya tama yaxõgüxe —ñanagürü. Rü yema ñanagürü ga Ngechuchu yerü noxriarü ügügumama marü nüxü̃ nacua̱x ga texé tá nüxü̃́ nax yaxõgüxü̃, rü texé tá cúãcü ínaxuaxü̃xü̃.