Ore i mexü̃ ga Matéu ümatüxü̃ 10:3 - Tupanaarü Ore

³ Rü togü nixĩ ga Ferípe, rü Barturumé, rü Tumáchi, rü Matéu ga Rómaarü ãẽ̱xgacüca̱x diẽruarü yauxwa puracüchirécü. Rü togü nixĩ ga Chantiágu ga Arupéu nane, rü Tadéu.

Ore i mexü̃ ga Matéu ümatüxü̃ 10:3 Referans Kwoze

Ngechuchuarü ngúexü̃gü ga yamugüxü̃arü puracüchiga 1:13

Rü yexguma Yerucharéü̃arü ĩanewa nangugügu, rü nagu nachocu ga gumá ĩ ga nagu napegüne. Rü dauxna naxĩgü naxca̱x ga yema ucapu ga taxü̃ ga nagu napegüxü̃. Rü nümagü nixĩ ga Pedru, rü Cuáü̃, rü Chantiágu, rü André, rü Ferípe, rü Tumáchi, rü Barturumé, rü Matéu, rü Chantiágu ga Arupéu nane, rü Chimóü̃ ga Iporaãẽcüücü, rü Yúda ga Chantiágu naenexẽ.

Ore i mexü̃ ga Márcu ümatüxü̃ 3:18

Rü togü nixĩ ga André, rü Ferípe, rü Barturumé, rü Matéu, rü Tumáchi, rü Chantiágu ga Arupéu nane, rü Tadéu, rü Chimóü̃ ga Poraãẽxü̃.

Ore i mexü̃ ga Márcu ümatüxü̃ 2:14

Rü yexguma yéma naxüpetügu ga Ngechuchu, rü yéma nüxü̃ nadau ga Lebí ga Arupéu nane. Rü nüma ga Lebí rü yéma narüto nawa ga yema nachica ga duü̃xü̃güna diẽru ngĩxü̃ ínayaxuxü̃wa naxca̱x ga Rómacüã̱xarü ãẽ̱xgacü, yerü woetama yema nixĩ ga norü puracü. Rü Ngechuchu rü ñanagürü nüxü̃: —¡Chowe rüxũ! —ñanagürü. Rü inachi ga Lebí, rü nawe narüxũ.

Ore i mexü̃ ga Matéu ümatüxü̃ 9:9

Rü yéma inaxũãchi ga Ngechuchu. Rü nüxü̃ nadau ga wüxi ga yatü ga Matéugu ãégaxü̃ ga yéma rütoxü̃ ga Rómaarü ãẽ̱xgacüca̱x diẽru ngĩxü̃ ínayauxgüxü̃wa, yerü woetama yemawa napuracü. Rü Ngechuchu rü ñanagürü nüxü̃: —¡Chowe rüxũ! —ñanagürü. Rü yexguma ga Matéu rü inachi, rü nawe narüxũ.

Ore i mexü̃ ga Cuáü̃ ümatüxü̃ 21:2

Rü wüxiwa nayexmagü ga Chimóü̃ ga Pedru, rü Tumáchi ga Wüxigu Buexü̃maxã naxugüxü̃, rü Natanaé ga Gariréaanegune ga ĩane ga Canácüã̱x, rü Chebedéu nanegü rü taxre ga to ga Ngechuchuarü ngúexü̃gü.

Ore i mexü̃ ga Cuáü̃ ümatüxü̃ 11:16

Rü yéma nayexma ga Tumáchi ga Wüxigu Buexü̃ ga Taxree̱xpüxü̃maxã naxugüxü̃. Rü nüma ga Tumáchi rü yema namücügüxü̃ ñanagürü: —¡Ngĩxã i yixema rü ta ngéma taxĩ nax wüxigu Ngechuchumaxã iyuexü̃ca̱x! —ñanagürü.

Popera ga Yúda ümatüxü̃ 1:1

Choma i Yúda i Chantiáguenexẽ ya Ngechuchu ya Cristuarü puracütanüxü̃ chixĩ i pexü̃ charümoxẽxü̃ i pema nax Tanatü ya Tupana pexü̃ dexü̃ rü pexü̃ ngechaü̃xü̃ rü Ngechuchu ya Cristu pexna dauxü̃.

Popera ga Chantiágu ümatüxü̃ 1:1

Pa Chautanüxü̃ i 12 i Iraétücumügü i Ngechuchuaxü̃́ Yaxõgüxü̃ i Guxü̃ i Naanewa Nawogüxü̃x, choma i Chantiágu pexü̃ charümoxẽ. Rü choma nixĩ i Tanatü ya Tupanaaxü̃́ rü tórü Cori ya Ngechuchu ya Cristuaxü̃́ chapuracüxü̃.

Gálatas 2:9

Rü yemaca̱x ga Chantiágu rü Pedru rü Cuáü̃ ga yaxõgüxü̃arü ãẽ̱xgacügü, rü nüxü̃ nicua̱xãchigü nax choxü̃ naxunetaxü̃ ga Tupana nax chanaxüxü̃ca̱x i norü puracü. Rü yemaca̱x ga yema ãẽ̱xgacügü, rü toxme̱x niyauxãchigü ga choma rü Bernabé nax toxü̃ nüxü̃ nadauxẽẽgüxü̃ca̱x nax aixcüma namücügü tixĩgüxü̃ i Tupanaarü puracüwa. Rü nümagü rü ta norü me nixĩ nax ngẽma duü̃xü̃gü i tama Yudíugü ixĩgüxü̃tanüwa nax tanaxüxü̃ i Tupanaarü puracü rü nümagü i Yudíugütanüwa.

Gálatas 1:19

Rü yéma nüxü̃ chadau ta ga Chantiágu ga tórü Cori naenexẽ. Natürü taxuxü̃ma ga togü ga ngúexü̃gü ga tórü Cori imugüxü̃xü̃ chadau.

Ngechuchuarü ngúexü̃gü ga yamugüxü̃arü puracüchiga 21:18

Rü moxü̃ãcü ga Pauru rü tomaxã Chantiáguxü̃tagu nanaxũane. Rü yéma nayexmagü ga guxü̃ma ga yema yaxõgüxü̃arü ãẽ̱xgacügü.

Ngechuchuarü ngúexü̃gü ga yamugüxü̃arü puracüchiga 12:17

Natürü nüma naxunagüme̱xẽ, rü naxme̱xmaxã nayanachianexẽẽgü. Rü namaxã nüxü̃ nixu nax ñuxãcü Cori ínanguxuchixẽẽxü̃ ga poxcupataü̃wa. Rü ñanagürü ta: —¡Chantiágumaxã rü ngẽma togü i yaxõgüxü̃maxã nüxü̃ pixu i ngẽma ore! —ñanagürü. Rü yexguma inaxũãchi, rü tóxnamana naxũ.

Ore i mexü̃ ga Luca ümatüxü̃ 5:27

Rü yemawena ga Ngechuchu rü ínaxũxũ ga gumá ĩwa. Rü wüxi ga yatü ga Rómaarü ãẽ̱xgacüca̱x diẽru ngĩxü̃ ideexü̃xü̃tawa naxüpetü. Rü gumá yatü rü Lebí nixĩ ga naéga. Rü yéma diẽru ngĩxü̃ ínadexü̃wa narüto. Rü Ngechuchu rü ñanagürü nüxü̃: —¡Chowe rüxũ! —ñanagürü.

Ngechuchuarü ngúexü̃gü ga yamugüxü̃arü puracüchiga 15:13

Rü yexguma Bernabé rü Pauru igúegagügu, rü nüxí nidexa ga Chantiágu, rü ñanagürü: —Pa Chauenexẽgüx, ¡choxü̃́ iperüxĩnüe!

Ore i mexü̃ ga Cuáü̃ ümatüxü̃ 14:22

Rü yema to ga Ngechuchuarü ngúexü̃ ga Yúdagu ãégaxü̃ (tama Yúda ga Icharióte), rü Ngechuchuna naca rü ñanagürü: —Pa Corix, ¿tü̱xcüü̃ toxü̃ cugü cuwe̱x, rü tama ñoma i naanecüã̱x i duü̃xü̃güxü̃ cugü cuwe̱x? —ñanagürü.

Ore i mexü̃ ga Cuáü̃ ümatüxü̃ 14:9

Rü Ngechuchu nanangãxü̃, rü ñanagürü: —Pa Ferípex, ¿ñuxre ya taunecü marü petanüwa changexma rü ñu̱xma rü ta tama choxü̃ cucuáxü̃? Yíxema choxü̃ dauxe rü Chaunatüxü̃ rü ta tadau. ¿Rü tü̱xcüü̃ i ngẽxguma rü ta cunaxwa̱xexü̃ i pexü̃ nüxü̃ nax chadauxẽẽxü̃ ya Chaunatü?

Ore i mexü̃ ga Matéu ümatüxü̃ 27:56

Rü yema ngecügütanüwa iyexma ga María ga Madarénacüã̱x, rü María ga Chantiágu rü Yúche naé, rü Chebedéu nama̱x ga Chantiágu rü Cuáü̃ naé.

Ore i mexü̃ ga Matéu ümatüxü̃ 18:17

Rü ngẽxguma tama nüxü̃́ inaxĩnügu i ngẽma to i taxre i duü̃xü̃gü, rü name nixĩ i guxü̃ i yaxõgüxü̃maxã nüxü̃ quixu nax ngẽma cuenexẽmaxã yadexagüxü̃ca̱x. Rü ngẽxguma tama nüxü̃́ inaxĩnügu i ngẽma yaxõgüxü̃arü ucu̱xẽ, rü name nixĩ i wüxi i duü̃xü̃ i tama yaxõxü̃gu rüe̱xna wüxi i duü̃xü̃ i Rómaarü ãẽ̱xgacüca̱x diẽru ngĩxü̃ yaxuxü̃gu namaxã curüxĩnü.

Ore i mexü̃ ga Márcu ümatüxü̃ 15:40

Rü iyexmagü ta ga ñuxre ga ngecügü ga yéma yáxü̃wa nüxü̃ rüdaunücü. Rü yematanüwa iyexmagü ga María ga Madarénacüã̱x, rü Charumé, rü María ga Yúche rü Chantiágu ga rübumaecü naé.

Ore i mexü̃ ga Luca ümatüxü̃ 18:10

Rü ñanagürü: —Taxre ga yatü rü Tupanapata ga taxü̃newa nayayumüxẽgü. Rü wüxi rü Parichéu nixĩ, rü yema to rü wüxi ga yatü ga Rómaarü ãẽ̱xgacüca̱x diẽru ngĩxü̃ dexü̃ nixĩ.

Ore i mexü̃ ga Luca ümatüxü̃ 18:11

Rü yema Parichéu rü yexma nachi, rü ñaaãcü nayumüxẽ: “Pa Tupanax, moxẽ cuxna chaxã erü tama togürüxü̃ chixexü̃ chaxü, rü tama ngẽmagürüxü̃ changĩ́ta̱a̱x, rü tama chixri chamaxü̃, rü tama nai i ngexü̃maxã ichape. Rü bai i ñaa yatü i Rómaarü ãẽ̱xgacüca̱x diẽru ngĩxü̃ dexü̃rüxü̃ chixĩ.

Ore i mexü̃ ga Luca ümatüxü̃ 18:13

Natürü ga gumá yatü ga Rómaarü ãẽ̱xgacüca̱x diẽru ngĩxü̃ decü, rü yáxü̃gu narüxã̱ũ̱x. Rü namuü̃ ga daxũ nax nadawenüxü̃, rü yema norü ngechaü̃maxã nügü napaxremü, rü ñanagürü: “Pa Tupanax, ¡Cuxü̃́ changechaü̃tümüxü̃! Erü wüxi i pecaduã́xü̃ chixĩ”, ñanagürü ga gumá yatü.

Ore i mexü̃ ga Luca ümatüxü̃ 19:2

Rü yexma naxãchiü̃ ga wüxi ga yatü ga diẽruã̱xü̃chixü̃ ga Chaquéugu ãégaxü̃. Rü nüma nixĩ ga naeru ga yema yatügü ga Rómaarü ãẽ̱xgacüca̱x diẽru ngĩxü̃ ideetanüxü̃.

Ore i mexü̃ ga Cuáü̃ ümatüxü̃ 1:48

Rü yexguma ga Natanaé rü Ngechuchuna naca, rü ñanagürü nüxü̃: —¿Ñuxãcü i choxü̃ cucuáxü̃? —ñanagürü. Rü Ngechuchu nanangãxü̃ rü ñanagürü nüxü̃: —Naxü̃pa nax Ferípe cuxca̱x ca̱xaxü̃, rü choma rü cuxü̃ chadau ga yexguma ori̱x ga igutüü̃gu curüxã̱ũ̱xgux —ñanagürü.

Ore i mexü̃ ga Cuáü̃ ümatüxü̃ 14:5

Rü Tumáchi rü ñanagürü: —Pa Corix, tama nüxü̃ tacua̱x nax ngextá cuxũxü̃. ¿Rü ñuxãcü tá i nüxü̃ tacuáxü̃ i ngẽma nama? —ñanagürü.