Ore i mexü̃ ga Matéu ümatüxü̃ 10:2 - Tupanaarü Ore

² Rü ñaa nixĩ ga naégagü ga yema 12 ga Ngechuchuarü ngúexü̃gü ga imugüxü̃. Rü yema nüxíra naxca̱x naca̱xaxü̃ nixĩ ga Chimóü̃ ga Pedrugu ãégaxü̃. Rü to nixĩ ga Pedruenexẽ ga André. Rü to nixĩ ga Chantiágu, rü to nixĩ ga Chantiáguenexẽ ga Cuáü̃. Rü yema taxre rü Chebedéu nanegü nixĩgü.

Ore i mexü̃ ga Matéu ümatüxü̃ 10:2 Referans Kwoze

Ngechuchuarü ngúexü̃gü ga yamugüxü̃arü puracüchiga 1:13

Rü yexguma Yerucharéü̃arü ĩanewa nangugügu, rü nagu nachocu ga gumá ĩ ga nagu napegüne. Rü dauxna naxĩgü naxca̱x ga yema ucapu ga taxü̃ ga nagu napegüxü̃. Rü nümagü nixĩ ga Pedru, rü Cuáü̃, rü Chantiágu, rü André, rü Ferípe, rü Tumáchi, rü Barturumé, rü Matéu, rü Chantiágu ga Arupéu nane, rü Chimóü̃ ga Iporaãẽcüücü, rü Yúda ga Chantiágu naenexẽ.

Ore i mexü̃ ga Matéu ümatüxü̃ 4:21

Rü yéamaxü̃ra naxũ ga Ngechuchu, rü yéma nüxü̃ nadau ga to ga taxre ga nügüenexẽgü ga Chantiágu rü Cuáü̃. Rü nümagü rü Chebedéu nanegü nixĩ. Rü nanatümaxã wüxi ga naweü̃wa nayexmagü. Rü yéma norü püchagü ínarüngáitagü. Rü Ngechuchu naxca̱x naca.

Ore i mexü̃ ga Cuáü̃ ümatüxü̃ 12:22

Rü Ferípe rü Andrémaxã nüxü̃ nayarüxu. Rü yema taxre rü wüxigu Ngechuchuxü̃tawa naxĩ, rü namaxã nüxü̃ nayarüxugü.

Ore i mexü̃ ga Cuáü̃ ümatüxü̃ 6:8

Rü yexguma ga André ga Ngechuchuarü ngúexü̃ ga Pedru ga Chimóü̃ naenexẽ, rü ñanagürü: —Nua nangẽxma i wüxi i buxü̃ rü nüxü̃́ nangẽxma i 5 i paũ i chebádanaxca̱x rü taxre ta i choxni. ¿Natürü ta̱xacüwa name i ngẽma naxca̱x i ñaa muxũchixü̃ i duü̃xü̃gü? —ñanagürü.

Ore i mexü̃ ga Luca ümatüxü̃ 5:10

Rü naba̱i̱xãchiãẽgü ta ga Chimóü̃mücügü ga Chantiágu rü Cuáü̃ ga Chebedéu nanegü. Natürü Ngechuchu rü Chimóü̃xü̃ ñanagürü: —¡Taxṹ i cumuü̃xü̃! Erü ñu̱xmacürüwa rü tá chauxü̃tawa cunagagü i duü̃xü̃gü —ñanagürü.

Ore i mexü̃ ga Matéu ümatüxü̃ 4:18

Rü yexguma naxtaxa ga Gariréaanacügu yaxũxgu ga Ngechuchu, rü yéma nüxü̃ nadau ga taxre ga yatü ga nügüenexẽgü ixĩgüxü̃. Rü wüxi rü Chimóü̃ ga Pedrugu ãégaxü̃ nixĩ. Rü to rü Andrégu ãégaxü̃ nixĩ. Rü nümagü rü ínapüchaegü, yerü woetama püchaetanüxü̃ nixĩgü.

Ore i mexü̃ ga Luca ümatüxü̃ 11:49

Rü yemaca̱x nixĩ ga Tupana ga ñaxü̃: “Ngẽma duü̃xü̃gütanüwa tá chanamugü i chorü orearü uruü̃gü rü chorü orearü ngeruü̃gü. Natürü ngẽma duü̃xü̃gü rü tá nanadai i nümaxü̃ i chorü orearü uruü̃gü rü chorü orearü ngeruü̃gü, rü togü rü tá nawe ningẽxü̃tanü”, —ñanagürü ga Tupana.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:9

Rü choma i Cuáü̃ rü peenexẽ chixĩ. Rü ñu̱xma nax Ngechuchuarü duü̃xü̃ chixĩxü̃ rü pexrüxü̃ chaxãchica i Tupana ãẽ̱xgacü íyixĩxü̃wa. Rü Ngechuchuca̱x pexrüxü̃ ngúxü̃ chinge, natürü nüma pexü̃ naporaexẽẽxü̃rüxü̃ choxü̃ naporaxẽxẽ nax yáxna namaxã chaxĩnüxü̃ca̱x i guxü̃ma i ngẽma ngúxü̃ i chingexü̃. Rü choma rü capaxũ ga Pátmugu chapoxcu naxca̱x nax nüxü̃ chixuxü̃ ga Tupanaarü ore ga Ngechuchuchiga.

Norü taxre ga popera ga Cuáü̃ ümatüxü̃ 1:1

Pa Chauenexẽgü i Yaxõgüxe ya Tupana Pexü̃ Dexex, pexca̱x chanaxümatü i choma i Cuáü̃ i yaxõgüxü̃arü ãẽ̱xgacü nax chixĩxü̃. Choma rü aixcüma pexü̃ changechaü̃. Rü tama i chaxica, natürü guxü̃ma i ngẽma nüxü̃ cua̱xgüxü̃ i Tupanaarü ore i aixcüma ixĩxü̃, rü ngẽxgumarüxü̃ ta pexü̃ nangechaü̃gü.

Norü taxre ga popera ga Pedru ümatüxü̃ 1:1

Pa Chauenexẽgüx, choma i Chimóü̃ i Pedru ya Ngechuchu ya Cristuarü puracütanüxü̃ chixĩ, rü nüma nixĩ ga choxü̃ namuxü̃ nax nüxü̃ chixuxü̃ca̱x i norü ore. Rü ñu̱xma i choma rü pexü̃ charümoxẽ i pema i toxrüxü̃ mea yaxõgüxe erü tórü Tupana ya Ngechuchu ya Cristu ya tórü Maxẽxẽẽruxü̃ rü pemaxã namecümaxüchi.

Nüxíraxü̃xü̃ ga popera ga Pedru ümatüxü̃ 1:1

Pa Chauenexẽgüx, choma i Pedru ya Ngechuchu ya Cristu choxü̃ muxü̃, rü pexü̃ charümoxẽ i pemax nax perü naanena to i nachixü̃anegügu pewoonexü̃, rü ñu̱xma Póntoanewa rü Gárataanewa rü Capadochíaanewa rü Áchiaanewa rü Bitíniaanewa ngẽxmagüxe.

Popera ga Yudíugü ga yaxõgüxü̃ca̱x ümatüxü̃ 3:1

Rü ñu̱xma Pa Chauenexẽgü ya Tupanape̱xewa Üünegüxe, rü pexü̃ nixĩ ya Tupana i nadexü̃ nax norü duü̃xü̃gü pixĩgüxü̃ca̱x. Rü ngẽmaca̱x name nixĩ i mea nagu perüxĩnüe ya Ngechuchu ya Cristu ya Tupana núma namucü. Rü nüma ya Ngechuchu nixĩ i tórü chogüruxü̃ i Tupanape̱xewa tüxü̃ ixüünexẽẽcü. Rü yimáaxü̃́ nixĩ i yaxõgüxü̃.

Efesios 4:11

Rü nümatama nixĩ ga guxema norü duü̃xẽgüna naxããxü̃ ga tümaarü cua̱x rü tümaarü puracü. Rü tüxü̃ naxuneta ga ñuxre nax tóxnamana norü orexü̃ tayarüxugüxü̃ca̱x. Rü toguegü rü tüxna nanaxã ga cua̱x nax duü̃xü̃gümaxã nüxü̃ tixuxü̃ca̱x i ngẽma norü ore. Rü toguegü rü tüxna nanaxã ga cua̱x nax duü̃xü̃güaxü̃́ tanangúchaü̃xẽẽxü̃ i Tupanaarü ore nax yaxõgüãxü̃ca̱x. Rü toguegü rü tüxna nanaxã ga cua̱x nax ngẽma yaxõgüxü̃arü dauruü̃gü tixĩgüxü̃ca̱x. Rü toguegü rü tüxna nanaxã ga cua̱x nax norü oremaxã tangúexẽẽtaegüxü̃ca̱x.

1 Corintios 15:7

Rü yemawena rü Chantiáguca̱x nango̱x, rü yixcaama guxü̃ma ga yema togü ga ngúexü̃gü ga imugüxü̃ca̱x nango̱x.

Ngechuchuarü ngúexü̃gü ga yamugüxü̃arü puracüchiga 12:2

Rü norü churaragüxü̃ namu nax taramaxã Chantiágu ga Cuáü̃enexẽxü̃ yama̱xgüxü̃ca̱x.

Ngechuchuarü ngúexü̃gü ga yamugüxü̃arü puracüchiga 3:1

Rü wüxi ga ngunexü̃gu ga Pedru rü Cuáü̃ rü tomaepü̱xarü oragu ga yáuanecü rü Tupanapata ga taxü̃newa naxĩ, yerü yema nixĩ ga yumüxẽarü ora.

Ngechuchuarü ngúexü̃gü ga yamugüxü̃arü puracüchiga 1:26

Rü wüxi ga diẽru ngĩxü̃ nañanagügü nax yemawa nüxü̃ nacua̱xgüxü̃ca̱x ga ngexü̃rüüxü̃ ga yema taxre tá nax ixücuxü̃. Rü Matíagu nangu nax yaxücuxü̃. Rü yexgumatama rü yema 11 ga ngúexü̃gü ga Ngechuchu imugüxü̃tanügu naxã ga Matía.

Ore i mexü̃ ga Cuáü̃ ümatüxü̃ 21:24

Rü yema ngúexü̃ ga Ngechuchu nachiga idexaxü̃ nixĩ ga nüxü̃ dauxü̃ ga guxü̃ma ga ñaa nüxü̃ yaxuxü̃ rü nachiga naxümatüaxü̃. Rü nüxü̃ tacua̱x nax aixcüma yixĩxü̃ i ngẽma nüxü̃ yaxuxü̃.

Ore i mexü̃ ga Cuáü̃ ümatüxü̃ 21:20

Rü yexguma nügüweama nada̱u̱xgu ga Pedru rü nüxü̃ nadau nax naweama ne naxũxü̃ ga yema ngúexü̃ ga Ngechuchu poraãcü nüxü̃ ngechaü̃xü̃. Rü nüma nixĩ ga chibüwa Ngechuchucüwawa natoxü̃ rü nüxna naca̱xaxü̃ rü ñaxü̃: “Pa Corix, ¿texé tá tixĩ ya yíxema bexma cuxü̃ íxuaxü̃xẽ?” ñaxü̃.

Ore i mexü̃ ga Cuáü̃ ümatüxü̃ 21:2

Rü wüxiwa nayexmagü ga Chimóü̃ ga Pedru, rü Tumáchi ga Wüxigu Buexü̃maxã naxugüxü̃, rü Natanaé ga Gariréaanegune ga ĩane ga Canácüã̱x, rü Chebedéu nanegü rü taxre ga to ga Ngechuchuarü ngúexü̃gü.

Ore i mexü̃ ga Cuáü̃ ümatüxü̃ 20:2

Rü yexgumatama iñaãchi, rü Chimóü̃ ga Pedruxü̃tawa rü yema to ga ngúexü̃ ga Ngechuchu poraãcü nüxü̃ ngechaxü̃xü̃xü̃tawa iña. Rü ngĩgürügü nüxü̃: —Marü nanayauxgü ya Cori ya Ngechuchu i naxmaxü̃wa. Rü tama nüxü̃ tacua̱x nax ngextá nangegüãxü̃ rü naxügüãxü̃ —ngĩgürügü.

Ore i mexü̃ ga Cuáü̃ ümatüxü̃ 13:23

Rü wüxi ga norü ngúexü̃ ga poraãcü nüxü̃ nangechaü̃xü̃ rü yexguma nachibüeyane rü Ngechuchucüwawa narüto.

Ore i mexü̃ ga Luca ümatüxü̃ 22:14

Rü yexguma nawa nanguxgu ga ora nax nachibüexü̃, rü mechawa narüto ga Ngechuchu namaxã ga norü ngúexü̃gü.

Ore i mexü̃ ga Luca ümatüxü̃ 22:8

Rü Ngechuchu nanamu ga Pedru rü Cuáü̃, rü ñanagürü nüxü̃: —¡Peyamexẽẽ̱x i tórü õna i Üpetüchigaca̱x! —ñanagürü.

Ore i mexü̃ ga Luca ümatüxü̃ 9:10

Rü yexguma nawoegu̱xgu ga yema Ngechuchuarü ngúexü̃gü ga yamugüxü̃, rü Ngechuchumaxã nüxü̃ nixugüe ga yema naxügüxü̃. Rü nüma ga Ngechuchu rü yema norü ngúexü̃gümaxã nixũgachi, rü Bechaídaarü ĩanewa namaxã naxũ.

Ore i mexü̃ ga Márcu ümatüxü̃ 13:3

Rü yemawena rü Oribunecüarü Ma̱xpǘne ga Tupanapata ga taxü̃nearü to̱xma̱xtawa yexmanewa naxĩ. Rü yéma narüto ga Ngechuchu. Rü Pedru rü Chantiágu rü Cuáü̃ rü André rü naxü̃tawa naxĩ nax noxrüwama nüxna nacagüexü̃ca̱x. Rü ñanagürügü: —Tanaxwa̱xe i tomaxã nüxü̃ quixu nax ñuxgu tá nangupetüxü̃ i ngẽma nüxü̃ quixuxü̃. ¿Rü ta̱xacü tá nixĩ i norü cua̱xruxü̃ i nawa nüxü̃ tacuáxü̃ ega nawa tá nanguxgu i ngẽma? —ñanagürügü.

Ore i mexü̃ ga Márcu ümatüxü̃ 1:29

Rü yexguma ngutaque̱xepataü̃wa ínaxũxũxgu ga Ngechuchu, rü Chantiágumaxã rü Cuáü̃maxã Chimóü̃ rü Andrépatawa naxũ.

Ore i mexü̃ ga Matéu ümatüxü̃ 26:37

Rü Ngechuchu ínayagagü ga Pedru rü Chebedéu nanegü ga Chantiágu rü Cuáü̃. Rü Ngechuchuca̱x inaxügü nax poraãcü nangechaü̃xü̃ rü naxĩ̱xãchiãẽxü̃.

Ore i mexü̃ ga Matéu ümatüxü̃ 20:20

Rü yéma iyexma ga naé ga Chantiágu rü Cuáü̃ ga Chebedéu nanegü. Rü ngĩma rü Ngechuchuca̱x iyaxũ namaxã ga yema taxre ga ngĩnegü. Rü Ngechuchupe̱xegu iyacaxã́pü̱xü, rü wüxi ga ngü̃xẽẽca̱x nüxna iyaca.

Ore i mexü̃ ga Matéu ümatüxü̃ 17:1

Rü 6 ga ngunexü̃wena rü Ngechuchu ínayagagü ga Pedru rü Chantiágu rü Cuáü̃ ga Chantiáguenexẽ. Rü wüxi ga ma̱xpǘnewa namaxã naxũ. Rü nüxicatama yéma nayexmagü.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:8

Rü chomatama i Cuáü̃ rü nüxü̃ chaxĩnü rü nüxü̃ chadau i guxü̃ma i ngẽma nüxü̃ chixuxü̃. Rü yemaxü̃ chaxĩnügu rü nüxü̃ chada̱u̱xguwena, rü yema orearü ngeruxü̃ ga yemaxü̃ choxü̃ dauxẽẽxü̃pe̱xegu chacaxã́pü̱xü nax nüxü̃ chicua̱xüü̃xü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:1

Ñaa nixĩ ga yema ore ga Tupana Ngechuchu ya Cristuxü̃ nüxü̃ nacua̱xẽẽxü̃ nax nüxĩ́ norü duü̃xü̃güxü̃ nüxü̃ nacua̱xẽẽxü̃ca̱x i ngẽma paxa tá ínguxü̃. Rü nüma ga Ngechuchu ya Cristu rü norü orearü ngeruxü̃ ga daxũcüã̱xü̃ namu nax norü duü̃ ga Cuáü̃maxã nüxü̃ yaxuxü̃ca̱x.

Norü tomaepü̱x ga popera ga Cuáü̃ ümatüxü̃ 1:1

Pa Chauenexẽ, Pa Gáyu ya Cuxü̃ Changechaü̃xex, choma i Cuáü̃ i yaxõgüxü̃arü ãẽ̱xgacü, rü cuxü̃ charümoxẽ.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:20

Natürü ñu̱xma nax napoxcuxü̃ ya yima ĩane, rü name nixĩ i cutaãxẽ Pa Daxũguxü̃ i Naane. Rü ngẽxgumarüxü̃ ta rü name nixĩ i petaãẽgü i pema i Tupana norü oremaxã pexü̃ namugüxe, rü pema i Tupanaarü orexü̃ ixugüe, rü guxãma i pema i Tupanaarü duü̃xü̃gü ixĩgüxe. Erü ñu̱xma nax napoxcuxü̃ ya yima ĩane, rü ngẽmaãcü Tupana pexü̃ naxütanü naxca̱x ga yema chixexü̃ ga pemaxã naxügüxü̃ ga gumá ĩanecüã̱x”, ñanagürügü.

Ore i mexü̃ ga Márcu ümatüxü̃ 6:30

Rü yemawena rü yema norü ngúexü̃gü ga yamugüxü̃ rü Ngechuchumaxã nangutaque̱xegü. Rü namaxã nüxü̃ nixugüe ga guxü̃ma ga yema naxügüxü̃ rü yema nangu̱xẽẽtaegüxü̃.

Ore i mexü̃ ga Cuáü̃ ümatüxü̃ 6:67

Rü yexguma ga Ngechuchu rü norü 12 ga ngúexü̃güna naca, rü ñanagürü nüxü̃: —¿Ẽ̱xna pema rü tá ta choxna pixĩgachitanüchaü̃? —ñanagürü.

Ore i mexü̃ ga Cuáü̃ ümatüxü̃ 6:70

Rü Ngechuchu nüxü̃ nangãxü̃, rü ñanagürü: —¿Taux ẽ̱xna choma yixĩxü̃ ga pexü̃ chidexechixü̃ ga pemax ga 12? Natürü petanüwa nangẽxma i wüxi i Chatanáarü duü̃xü̃ ixĩxü̃ —ñanagürü.

Ore i mexü̃ ga Cuáü̃ ümatüxü̃ 6:71

Rü Yúda ga Icharióte ga Chimóü̃ nanechiga nixĩ ga yadexaxü̃ ga Ngechuchu. Yerü Yúda tá cúãcü ínanaxuaxü̃ woo ga nüma rü wüxi ga yema 12 ga Ngechuchuarü ngúexü̃tanüxü̃ nixĩ.