Ore i mexü̃ ga Matéu ümatüxü̃ 10:16 - Tupanaarü Ore

¹⁶ Dücax, choma rü ñoma carnérugü i airugü i düraexü̃tanüwa imugüxü̃rüxü̃ pexü̃ chamugü. ¡Rü ngẽmaca̱x penaxwa̱xe i ãxtapegürüxü̃ pexuãẽgü, natürü muxtucugürüxü̃ taxuxü̃ma i chixexü̃ pexügü!

Ore i mexü̃ ga Matéu ümatüxü̃ 10:16 Referans Kwoze

Ore i mexü̃ ga Luca ümatüxü̃ 10:3

¡Rü ipexĩãchi rü ngéma pexĩ! Rü dücax, ñoma carnérugü i aigütanüwa imugüxü̃rüxü̃ nixĩ i pexü̃ chimugüxü̃.

Filipenses 2:15

Rü name i ngẽmaãcü mea pemaxẽ nax taxúema ta̱xacürü chixexü̃xü̃ pewa iyanga̱u̱xü̃ca̱x. Rü penaxwa̱xe i Tupanaxacügü i mea maxẽxü̃ pixĩgü i natanüwa i ngẽma duü̃xü̃gü i chixexü̃ rü chixeãẽgümarexü̃. Rü ngẽxguma ngẽma duü̃xü̃gümaxã nüxü̃ pixugüyane i ngẽma ore i mexü̃ i tüxü̃ maxẽxẽẽxü̃, rü natanüwa rü ñoma woramacurigü ya ẽanexü̃wa ibáixgücürüxü̃ tá pixĩgü. Rü ngẽmaãcü i ngẽxguma wena núma naxũxgu ya Cristu rü choma rü tá chataãxẽ, erü tá nüxü̃ chadau nax tama natüca̱xmamare yixĩxü̃ ga yema puracü ga petanüwa chaxüxü̃.

1 Corintios 14:20

Pa Chauenexẽgüx, tama name i ñoma buxü̃gürüxü̃ nagu perüxĩnüe i ngẽma ore i pemaxã nüxü̃ chixuxü̃. Rü narümemae nixĩ i ñoma buxü̃gürüxü̃ pegü pixĩgüxẽxẽ na̱xcha̱xwa i ngẽma chixexü̃. Natürü ngẽma perü ĩnüwa rü penaxwa̱xe i duü̃xü̃gü i marü yáxü̃rüxü̃ mea nagu perüxĩnüe rü nagu pexĩ i ngẽma ore i pemaxã nüxü̃ chixuxü̃.

Colosenses 4:5

¡Rü mea pemaxẽ nape̱xewa i ngẽma duü̃xü̃gü i tama yaxõgüxü̃! ¡Rü ñu̱xma nax pexü̃́ natauxchaxü̃, rü peyoxniẽ nax paxa penaxüxü̃ i Tupanaarü puracü! ¡Rü taxṹ i perüchomarexü̃!

Ore i mexü̃ ga Luca ümatüxü̃ 21:15

Erü choma tá pexü̃ charüngü̃xẽxẽxü̃ nax nüxü̃ pecuáxü̃ca̱x nax ta̱xacümaxã penangãxü̃xü̃ i perü uanügü. Rü nümagü rü taxũtáma nüxü̃ nacua̱xgü nax ta̱xacümaxã pexü̃ nangãxü̃güxü̃ i ngẽxguma.

Ngechuchuarü ngúexü̃gü ga yamugüxü̃arü puracüchiga 20:29

Choma nüxü̃ chacua̱x rü ngẽxguma íchixũxgu, rü chowena tá pexca̱x nua naxĩ i togü i duü̃xü̃gü. Rü tá nanachixexẽxẽchaü̃ i ngẽma yaxõgüxü̃ ñoma airugü i idüraexü̃ i carnérugüxü̃ ngĩãchixẽẽxü̃rüxü̃.

2 Corintios 11:3

Natürü chaxoegaãxẽ erü yema ãxtape norü doramaxã Ébaxü̃ nawomüxẽẽxü̃rüxü̃, ngürüãchi tá ta texé pexü̃ tawomüxẽxẽ nax nüxü̃ perüxoexü̃ca̱x nax Cristugu perüxĩnüexü̃ rü naxca̱xicatama nax pemaxẽxü̃.

1 Tesalonicenses 5:22

¡Rü nüxna pixĩgachi i naguxü̃raü̃xü̃ i chixexü̃gü!

2 Corintios 11:14

Rü ngẽma rü taxuca̱xma namaxã pebaixãchiãẽgü. Erü woo i Chataná rü ta rü Tupanaarü orearü ngeruü̃gü i daxũcüã̱x i ya̱u̱xracüxü̃rüü̃ãcü nügü nango̱xẽxẽ.

Naanearü ügüchiga 3:1

Rü natanüwa ga guxü̃ma ga yema naeü̃gü ga idüraexü̃ ga Cori ya Tupana üxü̃, rü yema ãxtape nixĩ ga guxü̃arü yexera womüxẽẽxü̃ cuáxü̃. Rü yema nixĩ ga ngĩxna ca̱xaxü̃ ga yema nge, rü ñanagürü ngĩxü̃: —¿Rü aixcüma yixĩxü̃ i Tupana pexna nachu̱xuxü̃ nax tama penangṍxü̃ca̱x i norü o i ngẽma nanetügü i ñaa naanewa rüxügüxü̃? —ñanagürü.

1 Tesalonicenses 2:10

Pema rü toxü̃ pedaugü rü Tupana rü ta toxü̃ nadau nax yexguma petanüwa tayexmagügu rü aixcüma mea Tupanape̱xewa tamaxẽ rü taguma pepe̱xewa chixexü̃ taxügü.

Colosenses 1:9

Rü ngẽmaca̱x i toma ga noxritama pexü̃ tacuáchigagu, rü taguma nüxü̃ tarüchau nax pexca̱x tayumüxẽgüxü̃. Rü guxü̃guma Tupanana naxca̱x tacagü nax mea pexü̃ nüxü̃ nacua̱xẽẽxü̃ca̱x i ngẽma norü ngúchaü̃ nax penaxüxü̃. Rü ngẽxgumarüxü̃ ta nüxna naxca̱x taca nax pexna naxããxü̃ca̱x i naguxü̃raü̃xü̃ i cua̱x i Naãxẽ ya Üünexü̃wa ne ũxü̃.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

2 Corintios 8:20

Rü wüxigu tomaxã ítayaga i ngẽma taenexẽ, erü tama tanaxwa̱xe i texé toxü̃ tixu ngĩxca̱x i ngẽma tacü i diẽru i taenexẽgüca̱x ngĩxü̃ inutaque̱xegücü.

Naanearü ügüchiga 3:13

Rü yexguma ga Cori ya Tupana rü ngĩxna naca ga yema nge rü ñanagürü ngĩxü̃: —¿Tü̱xcüü̃ ngẽma cuxü? —ñanagürü. Rü ngĩma rü inangãxü̃ rü ngĩgürügü: —Ngẽma ãxtape choxü̃ nawomüxẽxẽ rü ngẽmaca̱x chanangõ̱x —ngĩgürügü.

Yeremía 40:16

Natürü Guedaría nanangãxü̃ rü ñanagürü: —¡Taxṹ i ngẽma cuxüxü̃! Ngẽma ore i Ismaéchiga nüxü̃ quixuxü̃ rü tama aixcüma nixĩ —ñanagürü.

Ochéa 7:11

Rü ngẽma Iraéanecüã̱xgü i Efraíü̃tanüxü̃ rü ñoma muxtucu i nu ne nañaxü̃ rü ngearü cuááxü̃rüxü̃ nixĩgü. Rü ngẽmaca̱x Equítuanecüã̱xgüna ngü̃xẽẽca̱x nacagü, rü ñu̱xũchi Achíriaanecüã̱xgüna ngü̃xẽẽca̱x nacagü.

Ore i mexü̃ ga Matéu ümatüxü̃ 24:25

Dücax, naxü̃pa nax nangupetüxü̃ i guxü̃ma i ngẽma ngúxü̃, rü choma rü marü pemaxã nüxü̃ chixu i ngẽma.

Ore i mexü̃ ga Matéu ümatüxü̃ 24:45

¿Rü texé tixĩxü̃ ya tümaarü coriarü duü̃xü̃ ya aixcüma yanguxẽẽ́xẽ rü tümaãẽxü̃ cuáxe? ¿Tama ẽ̱xna yíxema tixĩxü̃ ya tümaarü cori tüxna ãgaxe nax mea nüxna tadauxü̃ca̱x rü mea oragu tanachibüexẽxẽxü̃ca̱x i norü duü̃xü̃gü?

Ore i mexü̃ ga Matéu ümatüxü̃ 25:2

Rü 5 ga yema pacü rü tama íxuãxẽgü. Rü yema nai ga 5 ga pacü rü meama íxuãxẽgü.

Ore i mexü̃ ga Matéu ümatüxü̃ 25:4

Natürü ga yema uãxẽgücü rü to ga ngĩrü queruyinu ta iyangegü.

Ore i mexü̃ ga Matéu ümatüxü̃ 25:9

Natürü ga yema pacügü ga uãxẽgücü rü ngĩxü̃ ingãxü̃gü, rü ngĩgürügügü: “Taxucürüwa pexna tanaxã, erü ngẽxguma chi pexna tanaxãxgu rü taxũchima ningu i toxca̱x rü pexca̱x. Rü ngẽmaca̱x narümemae nixĩ i ngextá namaxã ínataxegüxü̃wa pegüxü̃́ nawa pexĩ”, ngĩgürügügü.

Neemía 4:13

Rü yemaca̱x ga choma rü chanamu ga duü̃xü̃gü nax nügütanüxü̃chigüãcü nügü iyanuxü̃ca̱x ga yema naxtapü̱xpechitagu ga ínanuxchanexü̃wa rü ínaxãxmaxetüchigüxü̃wa, rü taramaxã, rü wocaemaxã, rü würamaxã ixãxnexü̃ nax yemamaxã nügü ínapoxü̃güxü̃ca̱x.