Ore i mexü̃ ga Matéu ümatüxü̃ 10:12 - Tupanaarü Ore

¹² ¡Rü ngẽxguma yima ĩpatagu pechocuxgu, rü mea nüxü̃ perümoxẽgü i ngẽma duü̃xü̃gü! Rü: ‘¡Tupana pexü̃ rüngü̃xẽxẽ!’ ñaperügügü nüxü̃.

Ore i mexü̃ ga Matéu ümatüxü̃ 10:12 Referans Kwoze

1 Chamué 25:6

Chanaxwa̱xe nax mexü̃ cuxü̃ ngupetüxü̃ wüxigu namaxã i cutanüxü̃ rü guxü̃ma i cuxacügü.

2 Corintios 5:20

Rü ngẽmaãcü Cristuarü orearü ngeruü̃gü tixĩgü, rü towa nixĩ ya Tupana pexü̃ ca̱a̱xü̃xü̃ nax namaxã iperüngüxmüexü̃ca̱x. Rü ngẽmaca̱x Cristuégagu pexü̃ taca̱a̱xü̃gü nax Tupanamaxã iperüngüxmüexü̃ca̱x.

Ngechuchuarü ngúexü̃gü ga yamugüxü̃arü puracüchiga 10:36

Rü nüma ga Tupana rü Iraétanüxü̃tanüwaxíra nanamu ga norü ore rü nüxü̃ nixu ga yema ore ga mexü̃ nax nüma rü duü̃xü̃gümaxã nangüxmüxü̃ i ngẽxguma Ngechuchu ya Cristu ya guxãarü Cori ixĩcüaxü̃́ yaxõgüãgu.

Norü tomaepü̱x ga popera ga Cuáü̃ ümatüxü̃ 1:14

Erü choma rü nagu charüxĩnü nax paxa tá cuxü̃ íchayadauxü̃, rü ngẽxguma rü mea tá cumaxã chidexa.

Wiyaegü 122:7

Pa Yerucharéü̃x, chanaxwa̱xe i cuwa nangẽxma i taãxẽ rü curü ãẽ̱xgacügüpatawa nax nataxuxü̃ i guxchaxü̃gü.

Wiyaegü 122:8

Rü ñu̱xma rü chauenexẽgüca̱x rü chomücügüca̱x chanaxwa̱xe i cuwa nangẽxma i taãxẽ, Pa Yerucharéü̃x.

Echequié 2:5

Rü ñanagürü ta: —Ngẽma duü̃xü̃gü i tama irüxĩnüechaü̃xü̃ rü ngẽxguma woo cuxü̃́ inaxĩnüegu rüe̱xna tama cuxü̃́ inaxĩnüegu, natürü tá nüxna nacua̱xãchie nax natanüwa marü nangẽxmaxü̃ i chorü orearü uruxü̃.

Ore i mexü̃ ga Matéu ümatüxü̃ 10:11

Rü ngẽxguma wüxi ya ĩanewa rüe̱xna wüxi ya ĩanexacüwa pengugügu i pemax, ¡rü naxca̱x peda̱u̱x i wüxi i duü̃xü̃ i mecümaxü̃! ¡Rü ngẽmaxü̃tagu perücho ñu̱xmatáta ipexĩãchi i ngẽma ĩanewa!

Ore i mexü̃ ga Matéu ümatüxü̃ 10:13

Rü ngẽxguma ngẽma duü̃xü̃gü mea pexü̃ nayaxugu rü Tupana tá nüxü̃ narüngü̃xẽxẽ. Natürü ngẽxguma tama mea pexü̃ nayaxugu rü pexrütama tá nixĩ i ngẽma Tupanaarü ngü̃xẽxẽ.