Ore i mexü̃ ga Matéu ümatüxü̃ 1:8 - Tupanaarü Ore

⁸ Rü Achá rü Yochapánatü nixĩ. Rü Yochapáx rü Yoráü̃natü nixĩ. Rü Yoráü̃ rü Uchíanatü nixĩ.

Ore i mexü̃ ga Matéu ümatüxü̃ 1:8 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 21:1

Rü nayu ga Yochapáx rü norü o̱xi ga Dabíarü Ĩanegu nanata̱xgü. Rü nawena rü nane ga Yoráü̃ nachicüxü ãẽ̱xgacüxü̃ ningucuchi.

Norü taxre ga popera ga ãẽ̱xgacügüchiga 14:21

Rü yexguma ga guxü̃ma ga duü̃xü̃gü ga Yudáanecüã̱xgü rü Amachía nane ga Acharíaxü̃ nanatüchicüxü ãẽ̱xgacüxü̃ nimucuchigü. Rü yexguma ga nüma ga Acharía rü nüxü̃́ nayexma ga 16 ga norü taunecü.

Norü taxre ga popera ga ãẽ̱xgacügüchiga 8:16

Rü yexguma 5 ga taunecü marü Iraéanearü ãẽ̱xgacü yixĩxgu ga Yoráü̃ ga Acáx nane, rü yexguma nixĩ ga Yudáanewa yexwacax ãẽ̱xgacüxü̃ yangucuchixü̃ ga Yoráü̃ ga Yochapáx nane.

Norü taxre ga popera ga ãẽ̱xgacügüchiga 3:1

Rü yexguma Yochapáx marü 18 ga taunecü ãẽ̱xgacü ixĩxgu ga Yudáanewa rü Yoráü̃ ga Acáx nane rü inanaxügü ga nax ãẽ̱xgacü yixĩxü̃ ga Iraéanewa. Rü nüma ga Yoráü̃ rü 12 ga taunecü ĩane ga Chamáriawa ãẽ̱xgacü nixĩ.

Nüxíraxü̃xü̃ ga popera ga ãẽ̱xgacügüchiga 15:24

Rü yexguma nayu̱xgu ga Achá rü Dabíarü Ĩanegu nanata̱xgü ga norü o̱xigü íta̱xgüxü̃gu. Rü nawena rü nane ga Yochapáx nixĩ ga nachicüxü ãẽ̱xgacü ixĩcü.

Ore i mexü̃ ga Matéu ümatüxü̃ 1:7

Rü Charomóü̃ rü Roboáü̃natü nixĩ. Rü Roboáü̃ rü Abíanatü nixĩ. Rü Abía rü Achánatü nixĩ.

Ore i mexü̃ ga Matéu ümatüxü̃ 1:9

Rü Uchía rü Yotáü̃natü nixĩ. Rü Yotáü̃ rü Acáxnatü nixĩ. Rü Acáx rü Echequíanatü nixĩ.