Ore i mexü̃ ga Matéu ümatüxü̃ 1:2 - Tupanaarü Ore

² Rü Abraáü̃ rü Ichaánatü nixĩ. Rü Ichaá rü Acóbunatü nixĩ. Rü Acóbu rü Yudánatü rü guxü̃ma ga Yudáenexẽgünatü nixĩ.

Ore i mexü̃ ga Matéu ümatüxü̃ 1:2 Referans Kwoze

Ngechuchuarü ngúexü̃gü ga yamugüxü̃arü puracüchiga 7:8

Rü nüma ga Tupana rü Abraáü̃maxã wüxi ga cua̱xruxü̃ inaxǘ, rü ñanagürü nüxü̃: “Choma rü tá cuxü̃ charüngü̃xẽxẽxü̃ ega cuma rü guxü̃ma i cutanüxü̃ ípewiü̃cha̱xmüü̃pe̱xechiraü̃gu. Rü ngẽma tá nixĩ i cua̱xruxü̃ i yigümaxã imexẽxẽxü̃”, ñanagürü ga Tupana. Rü yemaca̱x ga yexguma nabuxgu ga nane ga Ichaá, rü yexguma 8 ga norü ngunexü̃wa nanguxgu, rü nüma ga Abraáü̃ rü ínanawíecha̱xmüpe̱xechiraü̃. Rü yexguma marü naya̱xgu ga Ichaá rü nabu ga nane ga Acóbu, rü nüma ga Ichaá rü ínanawíecha̱xmüpe̱xechiraü̃. Rü yixcama marü naya̱xgu ga Acóbu rü nüxü̃́ nayexma ga 12 ga nanegü. Rü nüma ga Acóbu rü ínanawíü̃cha̱xmüü̃pe̱xechiraü̃ ga guxü̃ma ga yema 12 ga nanegü. Rü yema 12 ga nanegü nixĩ ga norü o̱xigü ga yema 12 ga natücumü ga Iraétanüxü̃.

Naanearü ügüchiga 25:26

Rü yemawena nabu ga naenexẽ. Rü Echaúme̱xtü̱xügu yangĩãcüma nabu. Rü yemaca̱x Acóbugu nanaxüégagü. Rü ngẽma naéga rü Iyauxwa̱xexü̃, ñaxü̃chiga nixĩ. Rü nüma ga Ichaá rü 60 ga taunecü nüxü̃́ nayexma ga yexguma nabuegu ga gumá ngĩnegü ga Rebéca.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:5

Rü yema icáxnacatügüxü̃ ga Iraétanüxü̃, rü ñaa nixĩ: Yudátaagü - 12,000 Rubéü̃taagü - 12,000 Gáxtaagü - 12,000 Achétaagü - 12,000 Netarítaagü - 12,000 Manachétaagü - 12,000 Chimeóü̃taagü - 12,000 Lebítaagü - 12,000 Ichacátaagü - 12,000 Chaburóü̃taagü - 12,000 Yúchetaagü - 12,000 Bẽyamíü̃taagü - 12,000

Popera ga Yudíugü ga yaxõgüxü̃ca̱x ümatüxü̃ 11:11

Rü nüma ga Abráü̃ rü woo marü nax nayaxü̃ rü naxma̱x ga Chára rü ta nax nayaxü̃ rü taguma naxãxacüxü̃, natürü ngĩxü̃́ nayexma ga wüxi ga nane, yerü nüma ga Abráü̃ rü nayaxõ nax Tupana tá aixcüma yanguxẽẽxü̃ ga yema norü uneta.

Ichaía 51:2

Rü dücax, penatü ga Abraáü̃ rü peé ga Chára nixĩ ga maxü̃ pexna ãcü. Rü yexguma Abraáü̃ca̱x chacaxgu rü nüma rü nüxicatama wüximare nixĩ, natürü i choma rü nüxü̃ charüngü̃xẽẽxü̃ rü nüxna chanamugü i muxü̃ma i nataagü.

Ichaía 41:8

Rü yexguma ga Cori ya Tupana rü ñanagürü: —Iperüxĩnüe, Pa Iraétanüxü̃x. Pema rü chorü duü̃ ya Acóbu ya nüxü̃ chaxunetacüarü duü̃xü̃gü pixĩgü rü chomücü ya Abraáü̃taagü pixĩgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:34

Rü Abraáü̃ nane nixĩ ga Ichaá. Rü Ichaá nanegü nixĩ ga Echaú, rü Acóbu ga yixcüra Iraégu ãégacü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 1:28

Rü Abraáü̃ nanegü nixĩ ga Ichaá, rü Ismaé.

Naanearü ügüchiga 25:19

Rü ñaa nixĩ i Abraáü̃ nane ga Ichaáchiga.

Iraétanüxü̃arü muxchiga 1:26

Rü Yudátanüxü̃wa rü 74,600 nixĩ.

Ore i mexü̃ ga Matéu ümatüxü̃ 1:1

Ñaa nixĩ ga yema nũxcümaü̃güxü̃ ga duü̃xü̃gü ga Ngechuchu ya Cristu natanüwa ngóxü̃. Rü yematanüwa rü Dabí nixĩ ga wüxi, rü Abraáü̃ nixĩ ga to.

Ore i mexü̃ ga Matéu ümatüxü̃ 1:3

Rü Yudá rü Fárenatü rü Chéranatü nixĩ. Rü Tamára iyixĩ ga naé ga yema taxre. Rü Fáre rü Eróü̃natü nixĩ. Rü Eróü̃ rü Aráü̃natü nixĩ.