Ore i mexü̃ ga Matéu ümatüxü̃ 1:12 - Tupanaarü Ore

¹² Rü nawena nax Babiróniawa Yudíugüxü̃ nagagüxü̃, rü Yeconía rü Charatiénatü nixĩ. Rü Charatié rü Chorobabénatü nixĩ

Ore i mexü̃ ga Matéu ümatüxü̃ 1:12 Referans Kwoze

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 3:17

Rü Yeconía nixĩ ga to ga nachixü̃anewa nagagüãcü. Rü nane ga yacü nixĩ ga Charatié. Rü gumaweama naxügü ga Maquiráü̃, rü Pedaía, rü Chenachá, rü Yecamía, rü Ochamá rü Nedabía.

Édra 3:2

Rü yemaca̱x ga Yochué ga Yochadáx nane rü namücügü ga chacherdótegümaxã rü Chorobabé ga Charatié nane rü natanüxü̃maxã wenaxarü nanaxügü ga Tupanaarü ãmarearü guruxü̃ nax yéma ínaguaxü̃ca̱x ga Tupanaarü ãmaregü, yema mugü ga Moiché ümatüxü̃ nüxü̃ ixuxü̃rüxü̃.

Ore i mexü̃ ga Luca ümatüxü̃ 3:27

Rü Yoiadá rü Yoanáü̃ nane nixĩ. Rü Yoanáü̃ rü Rechá nane nixĩ. Rü Rechá rü Chorobabé nane nixĩ. Rü Chorobabé rü Charatié nane nixĩ. Rü Charatié rü Nerí nane nixĩ.

Aguéu 1:14

Rü yemaacü nüma ga Cori ya Tupana rü nanataãẽxẽxẽ ga Chorobabé ga Yudáanecüã̱xarü ãẽ̱xgacü, rü Yochué ga chacherdótegüarü ãẽ̱xgacü rü guxü̃ma ga yema togü ga duü̃xü̃gü. Rü yexguma ga nümagü rü yéma naxĩ rü inanaxügüe nax naxügüãxü̃ ga guma napata ga taxü̃ne ga Cori ya Tupana ya Guxãétüwa Ngẽxmacü.

Aguéu 2:23

Natürü i cuma nax chorü duü̃ quixĩxü̃, Pa Chorobabé i Charatié Nanex, rü ngẽma ngunexü̃gu rü choma rü tá cuxna chadau ngẽma chorü ãnera i chauéga nawa ngẽxmaxü̃rüxü̃, yerü choma nixĩ ga cuxü̃ chaxunetaxü̃. Rü choma i Cori ya Tupana ya Guxãétüwa Ngẽxmacü nixĩ i cumaxã nüxü̃ chixuxü̃ i ngẽma” —ñanagürü.

Aguéu 2:2

Rü nanamu nax Chorobabémaxã, rü Yochuémaxã, rü guxü̃ma ga yema togü ga duü̃xü̃gümaxã nüxü̃ yaxuxü̃ca̱x ga norü ore ga ñaxü̃:

Aguéu 1:12

Rü nüma ga Chorobabé rü Yochué rü guxü̃ma ga togü ga duü̃xü̃gü rü aixcüma Tupanaga naxĩnüe yerü namuü̃e ga yexguma nüxü̃ naxĩnüegu ga yema ore ga Cori ya Tupana Aguéuwa nüxü̃ ixuxü̃.

Aguéu 1:1

Rü yexguma taxre ga taunecü ãẽ̱xgacü yixĩxgu ga Daríu, rü norü 6 ga tauemacüarü ügügu, rü nüma ga Cori ya Tupana rü norü orearü uruxü̃ ga Aguéuwa nidexa. Rü nüxna nanaxã ga ore ga Yudáanecüã̱xarü ãẽ̱xgacü ga Chorobabé ga Charatié naneca̱x ixĩxü̃ rü chacherdótegüarü ãẽ̱xgacü ga Yochué ga Yochadáx naneca̱x ixĩxü̃.

Yeremía 22:28

Yeconía rü ñoma wüxi i tüxü̃ i púxü̃ i taxuwama mexü̃rüxü̃ nixĩ. Rü wüxi i naxchipe̱xe i taxúema naxwa̱xexü̃rüxü̃ nixĩ. ¿Rü ta̱xacüca̱x i nüma rü nanegü rü naxacügü i wüxi i naane i tama nüxü̃ nacua̱xgüxü̃wa nagagüãxü̃?

Yeremía 22:24

Rü yexguma nayu̱xgu ga Yoaquíü̃ rü nane ga Yeconía nachicüxü Yudáanearü ãẽ̱xgacü ningucuchi. Rü Cori ya Tupana rü Yeconíaxü̃ ñanagürü: —Chauégagu cumaxã chanaxuegu rü woo nax ñoma wüxi i ãnera i chorü tügüneme̱xẽwa ixücuchixü̃rüxü̃ nax quixĩxü̃, rü tá cuxü̃ íchata̱xüchi nax ãẽ̱xgacü quixĩxü̃ nax ngẽmaãcü curü uanügü i nüxü̃ cumuü̃xüchixü̃güna cuxü̃ chamuxü̃ca̱x. Rü ngẽma Babiróniaanearü ãẽ̱xgacü i Nabucudonochóna, rü ñu̱xũchi ngẽma Cadéugüna tá cuxü̃ chamu.

Neemía 12:1

Rü ñaagü nixĩ ga yema chacherdótegü rü Lebítanüxü̃ ga Chorobabé ga Charatié nanemaxã rü Yochuémaxã woeguxü̃. Rü ñaagü nixĩ ga yema chacherdótegü: Cheraía, rü Yeremía, rü Édra,

Édra 5:2

Rü yexguma ga Chorobabé ga Charatié nane rü Yochué ga Yochadáx nane rü wenaxarü inanaxügüe nax nawa napuracüexü̃ ga Tupanapata ga taxü̃nearü mexẽxẽ ga Yerucharéü̃wa. Rü nüma ga Tupanaarü orearü uruü̃gü rü ta nüxü̃ narüngü̃xẽẽgü.

Norü taxre ga popera ga ãẽ̱xgacügüchiga 25:27

Rü gumá norü 12 ga tauemacüarü 27 ga ngunexü̃gu ga yexguma marü 37 ga taunecü napoxcugu ga Yudáanearü ãẽ̱xgacü ga Yoaquíü̃, rü yexguma nixĩ ga yexwacax yaxücuxü̃ ga Ebí-merodáx nax Babiróniaanearü ãẽ̱xgacü yixĩxü̃ca̱x. Rü nüma rü Yoaquíü̃maxã namecüma, rü poxcupataü̃wa ínananguxuchixẽxẽ. Rü mea nüxna nadau guxü̃ma ga yema togü ga ãẽ̱xgacügü ga Babiróniaanegu namaxã yexmagüxü̃arü yexera.

Norü taxre ga popera ga ãẽ̱xgacügüchiga 24:14

Rü ñu̱xũchi nayagagü ga guxü̃ma ga Yerucharéü̃cüã̱xgü, rü norü ãẽ̱xgacügü rü yema churaragü ga yexeraãcü nüxü̃ rücua̱xmaegüxü̃, rü guxü̃ma ga yema ta̱xacüarü üxü̃ icua̱xgüxü̃, rü guxü̃ma ga yema fieruwa ta̱xacü íxüxü̃mügüxü̃. Rü yemaacü 10,000 wa nangu ga yema duü̃xü̃gü ga ínayauxü̃xü̃. Rü yema naanewa rü yema yexeraãcü ingearü diẽruã̱xgüxü̃xicatama yéma nayaxügü.

Yeremía 22:30

Rü Cori ya Tupana rü ñanagürü: —Ngẽxguma poperagu penaxümatüégagu i ñaa yatü i Yeconía, rü yatü i ngexacüxü̃ ñaxü̃ ngẽxma tá pexümatü. Rü yatü i taxuwama mexü̃ ñaxü̃ tá ngẽxma pexümatü. Erü taxuxü̃táma i nanegü ãẽ̱xgacüwa nangu nax Dabíarü tochicaxü̃wa natoxü̃ca̱x rü ngẽmaãcü Yudáanearü ãẽ̱xgacü nax yixĩxü̃ca̱x —ñanagürü ya Cori ya Tupana.

Ore i mexü̃ ga Matéu ümatüxü̃ 1:11

Rü Yochía rü Yeconíanatü rü Yeconíaenexẽgünatü nixĩ. Rü yexguma nixĩ ga Yudíugüxü̃ Babiróniaanewa nagagüxü̃.

Ore i mexü̃ ga Matéu ümatüxü̃ 1:13

Rü Chorobabé rü Abiúnatü nixĩ. Rü Abiú rü Eriaquíü̃natü nixĩ. Rü Eriaquíü̃ rü Achónatü nixĩ.

Ore i mexü̃ ga Matéu ümatüxü̃ 1:17

Rü yemaacü Abraáü̃wa inaxügü ga yema duü̃xü̃gü rü 14 nixĩ ñu̱xmata Dabíwa nangu. Rü yemawena to ga 14 inaxügü ga Dabíwa rü ñu̱xmata Babiróniawa Yudíugüxü̃ nagagüguwa nangu. Rü yemawena to ga 14 inaxügü ga yexguma Babiróniawa Yudíugüxü̃ nagagüguwena rü ñu̱xmata Cristu buxguwa nangu.