Ore i mexü̃ ga Luca ümatüxü̃ 9:7 - Tupanaarü Ore

⁷ Rü Gariréaanearü ãẽ̱xgacü ga Eróde, rü nüxü̃ nacuáchiga ga guxü̃ma ga yema Ngechuchu üxü̃. Rü poraãcü naxoegaãẽ ga Eróde, yerü nümaxü̃ ga duü̃xü̃gü rü ñanagürügü: —Cuáü̃ ya báiü̃xẽẽruxü̃ nixĩ ya yimá rü marü wena namaxü̃ —ñanagürügü.

Ore i mexü̃ ga Luca ümatüxü̃ 9:7 Referans Kwoze

Ore i mexü̃ ga Luca ümatüxü̃ 9:19

Rü norü ngúexü̃gü nanangãxü̃gü rü ñanagürügü: —Nangexma i duü̃xü̃gü rü: “Cuáü̃ ya báiü̃xẽẽruxü̃ quixĩ”, ñagüxü̃, rü togü rü: “Ería quixĩ”, ñagüxü̃, rü togü rü: “Wüxi ga nũxcümaü̃cü ga Tupanaarü orearü uruxü̃ i wena maxü̃cü quixĩ”, ñagüxü̃ —ñanagürügü.

Ore i mexü̃ ga Luca ümatüxü̃ 3:1

Rü yexguma Tibériu 15 ga taunecü Rómaarü ãẽ̱xgacü yixĩxgu, rü Pónchiu Pirátu rü Yudéaanearü ãẽ̱xgacü nixĩ, rü Eróde rü Gariréaanearü ãẽ̱xgacü nixĩ, rü naenexẽ ga Ferípe rü Itúreaane rü Traconíteanearü ãẽ̱xgacü nixĩ, rü Lichánia rü Abiríniaanearü ãẽ̱xgacü nixĩ.

Miquéa 7:4

Rü ngẽmatanüwa rü ngẽma rümemaexü̃ rü ñoma wüxi i tuxurüxü̃ nixĩ. Rü ngẽma yexera mecümaxü̃ rü ñoma wüxi i chuxchuxü̃etarüxü̃ nixĩ. Natürü tá ínangu i ngunexü̃ i nagu Tupana tá norü chixexü̃ca̱x nüxna ca̱xü̃. Rü ngẽma ngunexü̃gu rü taxũtáma nüxü̃ nacua̱xgü nax ta̱xacü tá naxüexü̃.

Ichaía 22:5

Erü nüma ya Cori ya Tupana ya Guxãétüwa Ngẽxmacü rü marü nanaxuegu nax wüxi i ngunexü̃gu rü ngẽma Yerucharéü̃arü doxonexü̃ ya Tupana naxca̱x choxü̃ ngo̱xetüxẽẽxü̃wa tá ínanguxü̃ i taxü̃ i muü̃ rü taxü̃ i dai rü ĩ̱xãchiãxẽ. Rü yima ĩanearü poxeguxü̃tápü̱x rü nagu ínapogüe. Rü ngẽma nax yaxaixchaxü̃ i duü̃xü̃gü rü máxpü̱xanexü̃wa nangu i naga.

Wiyaegü 73:19

Rü ngürüãchimare tá narüxo. Rü norü muü̃maxã tá nayue. Rü ngẽxguma ícurüdaxgu, Pa Corix, ñoma wüxíe pewa írüdaxü̃rüxü̃, rü cuma rü tá nüxü̃ cuxo erü tama aixcüma mea cupe̱xewa namaxẽ.

Ore i mexü̃ ga Luca ümatüxü̃ 21:25

Rü ngẽxguma rü tá nango̱x i cua̱xruxü̃gü. Rü üa̱xcü rü tauemacü rü woramacurigü rü tá nixĩgachitanü i nachicawa. Rü guxü̃ i nachixü̃anegüwa rü duü̃xü̃gü rü tá nanaxĩ̱xãchiãẽtanü rü tá naba̱i̱xãchie i ngẽxguma poraãcü naxãũgaãchigu i már arü yuapegü.

Ore i mexü̃ ga Matéu ümatüxü̃ 11:2

Rü Cuáü̃ ga báiü̃xẽẽruxü̃ rü poxcupataxü̃wa nayexma. Rü nüxü̃ nacuáxchiga ga yema Ngechuchu üxü̃. Rü yemaca̱x ga Cuáü̃ rü Ngechuchuxü̃tawa nanamugü ga ñuxre ga norü duü̃xü̃gü nax nüxna yacagüxü̃ca̱x. Rü nümagü rü Ngechuchuxü̃ ñanagürügü: —¿Cuma yixĩxü̃ i Cristu i cuxü̃ ítanangu̱xẽẽxü̃, rü ẽ̱xna to tá yixĩxü̃ i Cristu i ítanangu̱xẽẽxü̃? —ñanagürügü.

Ore i mexü̃ ga Márcu ümatüxü̃ 8:28

Rü norü ngúexü̃gü nanangãxü̃gü rü ñanagürügü: —Nangexma i duü̃xü̃gü rü: “Cuáü̃ ya báiü̃xẽẽruxü̃ quixĩ”, ñagüxü̃, rü togü i: “Ería quixĩ”, ñagüxü̃, rü togü rü: “Wüxi ga nũxcümaü̃cü ga Tupanaarü orearü uruxü̃ quixĩ”, ñagüxü̃ —ñanagürügü.

Ore i mexü̃ ga Luca ümatüxü̃ 13:31

Rü yematama ngunexü̃gu rü Ngechuchuxü̃tawa nangugü ga ñuxre ga Parichéugü. Rü ñanagürügü Ngechuchuxü̃: —¡Íixũ i nua! Erü ãẽ̱xgacü ya Eróde rü cuxü̃ nimáchaü̃ —ñanagürügü.

Ore i mexü̃ ga Luca ümatüxü̃ 23:7

Rü yexguma Pirátu nüxü̃ ĩnügu ga aixcüma Gariréaanecüã̱x nax yixĩxü̃ ga Ngechuchu rü Gariréaanearü ãẽ̱xgacü ga Eródexü̃tawa nanamu, yerü yema ngunexü̃gügu rü Yerucharéü̃wa nayexma ga Eróde.