Ore i mexü̃ ga Luca ümatüxü̃ 9:56 - Tupanaarü Ore

⁵⁶ Rü yexguma rü nai ga ĩanexacüwa naxĩ.

Ore i mexü̃ ga Luca ümatüxü̃ 9:56 Referans Kwoze

Romanos 12:21

¡Rü naxuãẽ nax tama chixexü̃gu cunguxü̃ca̱x! Natürü name nixĩ i mexü̃ i ĩnümaxã icuyanaxoxẽxẽ i ngẽma chixexü̃.

Ore i mexü̃ ga Matéu ümatüxü̃ 20:28

Yerü Tupana Nane ya duü̃xü̃xü̃ ixĩcü rü tama nüxü̃ nangü̃xẽẽgüxü̃ca̱x núma naxũ. Natürü núma naxũ nax duü̃xü̃güxü̃ yanangü̃xẽẽxü̃ca̱x rü naxca̱x inaxããxü̃ca̱x i norü maxü̃, nax ngẽmaãcü muxü̃ma i duü̃xü̃güarü maxü̃ naxütanüxü̃ca̱x —ñanagürü.

Ore i mexü̃ ga Cuáü̃ ümatüxü̃ 3:17

Yerü ga Tupana rü tama ñoma ga naanewa nanamu ga Nane nax poxcu duü̃xü̃gümaxã naxueguxü̃ca̱x. Natürü núma nanamu ga Nane nax duü̃xü̃güxü̃ namaxẽxẽẽxü̃ca̱x.

Ore i mexü̃ ga Cuáü̃ ümatüxü̃ 10:10

Ngẽma ngĩ́ta̱xaxü̃ rü núma naxũ nax yangĩ́xü̃ca̱x rü namáetaxü̃ca̱x rü nachixexẽẽãxü̃ca̱x. Rü ngẽmaca̱xicatama núma naxũ. Natürü i choma rü núma chaxũ nax chanamaxẽxẽẽxü̃ca̱x i duü̃xü̃gü nax aixcüma nüxü̃́ nangẽxmaxü̃ca̱x i maxü̃ i taguma gúxü̃.

Ore i mexü̃ ga Luca ümatüxü̃ 19:10

Rü Tupana Nane ya duü̃xü̃xü̃ ixĩcü, rü ñoma i naanewa naxũ nax naxca̱x yadauxü̃ca̱x i ngẽma duü̃xü̃gü i iyarütauxexü̃ nax namaxẽxẽẽãxü̃ca̱x —ñanagürü.

Ore i mexü̃ ga Matéu ümatüxü̃ 18:10

Rü tama name i nüxü̃ pexoo̱x i wüxi i buxü̃ i ñaarüxü̃ choxü̃́ yaxõxü̃. Erü ngẽma norü dauruü̃gü i orearü ngeruü̃gü i daxũcüã̱x rü guxü̃guma Chaunatü ya daxũgucüpe̱xewa nangẽxmagü nax ngéma ngẽma buxü̃güétüwa nachogüxü̃ca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:15

Rü ñaa ore i pemaxã nüxü̃ chixuxü̃ rü aixcümaxü̃chi nixĩ, rü name nax guxãma yaxõgüxü̃. Rü aixcüma Ngechuchu ya Cristu rü ñoma ga naanewa nangu nax namaxẽxẽẽãxü̃ca̱x i pecaduã̱xgüxü̃. Rü ngẽmatanüwa rü choma nixĩ ga guxü̃arü yexera nax chixexü̃ chaxüxü̃.

Ore i mexü̃ ga Cuáü̃ ümatüxü̃ 12:47

Natürü ngẽxguma texé nüxü̃ ĩnügu i chorü ore rü tama tayaxõ̱xgu rü tama choma nixĩ i tüxü̃ chapoxcuxü̃. Erü tama ñoma i naanewa changu nax chanapoxcuexü̃ca̱x i duü̃xü̃gü, natürü núma chaxũ nax chanamaxẽxẽẽxü̃ca̱x.

Ore i mexü̃ ga Luca ümatüxü̃ 23:34

Rü yexguma Ngechuchuxü̃ curuchawa íyapotagüyane, rü ñanagürü ga Ngechuchu: —Pa Chaunatüx, ¡nüxü̃ nangechaü̃ i ñaa duü̃xü̃gü, erü tama nüxü̃ nacua̱xgü nax ta̱xacürü chixexü̃ naxüexü̃! —ñanagürü. Rü yema churaragü rü nanade ga Ngechuchuchiru. Rü ñu̱xũchi wüxi ga diẽru ngĩxü̃ nañanagügü nax yemawa nüxü̃ nacua̱xgüxü̃ca̱x nax texéarü tá yixĩxü̃ ga yema Ngechuchuchiru.

Ore i mexü̃ ga Luca ümatüxü̃ 22:51

Natürü Ngechuchu rü ñanagürü: —¡Ngexrüma nax pegü namaxã peda̱i̱xü̃! —ñanagürü. Rü yexguma ga Ngechuchu rü yema yatü ga ídaepachinüxü̃xü̃ ningõgü, rü nanamexẽxẽ.

Ore i mexü̃ ga Matéu ümatüxü̃ 5:39

Natürü choma rü pemaxã nüxü̃ chixu rü tama name i pegütama ípepoxü̃ nüxna i duü̃xü̃ i chixexü̃ pemaxã üxü̃. Rü ngẽxguma texé cuxü̃ pechiwegu, rü name i curü tochiwe rü ta icunaxã nax ngéma rü ta cuxü̃ napechiwexü̃ca̱x.

Ore i mexü̃ ga Luca ümatüxü̃ 9:55

Rü yexguma ga Ngechuchu rü nüxü̃ nadawenü, rü nayangagü.

Ore i mexü̃ ga Luca ümatüxü̃ 9:57

Rü yexguma namagu naxĩxgu rü wüxi ga yatü Ngechuchuxü̃ ñanagürü: —Pa Corix, cuwe charüxũxchaü̃ i ngextá cuma ícuxũxü̃wa —ñanagürü.

Ore i mexü̃ ga Matéu ümatüxü̃ 18:11

Rü Tupana Nane ya duü̃xü̃xü̃ ixĩcü rü núma naxũ nax naétüwa nachogüxü̃ca̱x i ngẽma iyarütauxexü̃.