Ore i mexü̃ ga Luca ümatüxü̃ 9:51 - Tupanaarü Ore

⁵¹ Rü yexguma marü yangaicagu ga Ngechuchu nax daxũguxü̃ ga naanewa naxũxü̃, rü tama namuü̃ãcüma inaxũãchi nax Yerucharéü̃wa naxũxü̃.

Ore i mexü̃ ga Luca ümatüxü̃ 9:51 Referans Kwoze

Ore i mexü̃ ga Márcu ümatüxü̃ 16:19

Rü nüma ga Cori ga Ngechuchu rü yexguma norü ngúexü̃gümaxã yadexaxguwena, rü Tupana rü daxũguxü̃ ga naanewa nanaga. Rü Tupanaarü tügünecüwawa nayarüto.

Ore i mexü̃ ga Luca ümatüxü̃ 18:31

Rü Ngechuchu rü noxrüwama naxca̱x naca ga norü ngúexü̃gü, rü ñanagürü nüxü̃: —Ñu̱xma rü Yerucharéü̃wa tá taxĩ nax ngéma yanguxü̃ca̱x i guxü̃ma ga yema ore ga nũxcümaü̃güxü̃ ga Tupanaarü orearü uruü̃gü ümatüxü̃ ga nachiga ya Tupana Nane ya duü̃xü̃xü̃ ixĩcü.

Ore i mexü̃ ga Luca ümatüxü̃ 13:22

Rü yexguma Yerucharéü̃wa naxũxgu ga Ngechuchu rü gumá namawa yexmagüxü̃ ga ĩanegüwa rü ĩanexacügüwa rü duü̃xü̃güxü̃ ningu̱xexẽẽtaechigü.

Ore i mexü̃ ga Luca ümatüxü̃ 17:11

Rü yexguma namagu yaxũxgu ga Ngechuchu ga Yerucharéü̃wa nax naxũxü̃, rü Chamáriaane rü Gariréaane nügümaxã íxüyéxü̃wa naxüpetü.

Nüxíraxü̃xü̃ ga popera ga Pedru ümatüxü̃ 3:22

Rü nüma ga Ngechuchu ya Cristu, rü daxũguxü̃ i naanewa naxũ, rü ñu̱xma rü Tupanaarü tügünecüwawa nangẽxma. Rü ñu̱xma rü naxme̱xwa nangẽxmagü i guxü̃ma i Tupanaarü orearü ngeruü̃gü i daxũcüã̱x, rü guxü̃ma i ngẽma naãxẽgü i ãẽ̱xgacügü ixĩgüxü̃, rü guxü̃ma i ngẽma naãxẽgü i poraexü̃.

Popera ga Yudíugü ga yaxõgüxü̃ca̱x ümatüxü̃ 12:2

¡Rü ngĩxã Ngechuchuxü̃ tarüdaunü rü nagu taxĩ i nacüma! Yerü nüma nixĩ ga tüxü̃́ natauxchaxẽẽãxü̃ nax yaxõgüxü̃ca̱x. Rü nüma rü tama nügü nachu̱xu nax curuchawa ngúxü̃ yangexü̃, rü tama nagu narüxĩnü ga yema ãne nax yangexü̃, yerü nüxü̃ nacua̱x nax yemawena rü tá nataãẽxü̃. Rü ñu̱xma rü Tupanaarü tochicaxü̃arü tügünecüwawa narüto.

Popera ga Yudíugü ga yaxõgüxü̃ca̱x ümatüxü̃ 6:20

Rü yemaca̱x yexma Tupanaxü̃tagu nüxíra naxücu ga Ngechuchu nax ngéma guxü̃guma Tupanape̱xewa taétüwa nachogüxü̃ca̱x. Rü yemaacü ga Ngechuchu rü gumá chacherdóte ga Melquichedéxrüxü̃ Tupanape̱xewa chacherdóte nixĩ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:16

Rü nüxü̃ tacua̱x nax aixcüma yixĩxü̃ i ngẽma ore ga noxri ẽxü̃guxü̃ i ñu̱xma Tupana tüxü̃ nüxü̃ cua̱xẽẽxü̃ i Cristuchiga. Rü nüma ga Cristu rü duü̃xü̃xü̃ nügü nixĩxẽxẽ rü yemaacü nügü nango̱xẽxẽ ga yexguma ñoma ga naanewa nayexmagu. Rü Naãxẽ ya Üünexü̃ tüxü̃ nüxü̃ nacua̱xẽxẽ nax Cristu rü aixcüma Tupana yixĩxü̃. Rü Tupanaarü orearü ngeruü̃gü i daxũcüã̱x nüxü̃ nadaugü. Rü ngẽma tama Yudíugü ixĩgüxü̃maxã nüxü̃ nixuchigagü. Rü guxü̃wama i ñoma i naanewa rü nüxü̃́ nayaxõgü. Rü Nanatü rü wenaxarü daxũguxü̃ i naanewa nanaga.

Ngechuchuarü ngúexü̃gü ga yamugüxü̃arü puracüchiga 1:9

Rü yexguma yema ñaxguwena rü nüxü̃ ínadaunüyane ga norü ngúexü̃gü, rü Tupana rü daxũguxü̃ ga naanewa Ngechuchuxü̃ naga. Rü wüxi ga caixanexü̃gu nayaxücu, rü yemaacü tama wenaxarü nüxü̃ nadaugü.

Ore i mexü̃ ga Cuáü̃ ümatüxü̃ 17:11

Choma rü marü taxũtáma ñoma i naanewa changexmaecha, natürü nümagü rü ñoma i naanewa tá nangẽxmagü i ngẽxguma cuxü̃tawa chaxũyane. Pa Chaunatü ya Üünecüx, rü chanaxwa̱xe nax curü pora ga choxna cuxãxü̃maxã nüxna cudauxü̃ i ngẽma choxna cumugüxü̃, nax ngẽmaãcü wüxitama yaxĩgüxü̃ca̱x ngẽma cuma rü choma nax wüxitama ixĩgüxü̃rüxü̃.

Ore i mexü̃ ga Cuáü̃ ümatüxü̃ 16:28

Chaunatüxü̃tawa ne chaxũ nax ñoma ga naanewa chaxũxü̃ca̱x. Rü ñu̱xma rü tá nüxna chataegu i ñoma i naane nax wenaxarü Chaunatüxü̃tawa chaxũxü̃ca̱x —ñanagürü.

Ore i mexü̃ ga Cuáü̃ ümatüxü̃ 16:5

Rü ñu̱xma rü tá pexna íchixũ nax Chaunatü ga núma choxü̃ mucüxü̃tawa nax changexmaxü̃ca̱x. Rü pema rü taxúema choxna peca nax ngextá tá chaxũxü̃.

Ore i mexü̃ ga Cuáü̃ ümatüxü̃ 13:1

Rü marü íxraxü̃ nataxu nax nawa nanguxü̃ ga yema Yudíugüarü peta ga Üpetüchiga. Rü Ngechuchu nüxü̃ nacua̱x nax marü nawa nanguxü̃ nax ñoma ga naanewa yaxũxü̃ rü wenaxarü Nanatüxü̃tawa nax naxũxü̃. Rü nüma rü guxü̃guma tüxü̃ nangechaü̃ ga guxema noxrü ixĩgüxe ga ñoma i naanewa ngẽxmagüxe.

Ore i mexü̃ ga Cuáü̃ ümatüxü̃ 6:62

Rü ngẽxguma peãẽwa nangu̱xgu i ngẽma ore i pemaxã nüxü̃ chixuxü̃, rü ¿ta̱xacügu chi perüxĩnüexü̃ ega nüxü̃ peda̱u̱xgu nax wenaxarü daxũwa naxũxü̃ ya Tupana Nane ya duü̃xü̃xü̃ ixĩcü nax noxri ne naxũxü̃wa naxũxü̃?

Ore i mexü̃ ga Luca ümatüxü̃ 24:51

Rü yexguma yema ngúexü̃güca̱x nayumüxẽguwena rü nüxna nayachü̱xüxãchi. Rü Tupana rü daxũguxü̃ ga naanewa nanaga.

Ore i mexü̃ ga Luca ümatüxü̃ 19:28

Rü yema orexü̃ yaxuxguwena ga Ngechuchu, rü inixũchigü ga Yerucharéü̃wa nax naxũxü̃.

Ore i mexü̃ ga Luca ümatüxü̃ 19:11

Rü yexguma Ngechuchuarü orexü̃ inaxĩnüeyane ga duü̃xü̃gü, rü nüma ga Ngechuchu rü wüxi ga to ga ore ga cua̱xruxü̃xü̃ namaxã nixu, yerü marü Yerucharéü̃xü̃ ningaica, rü duü̃xü̃gü nagu rüxĩnüegu rü paxa tá ínangu ya Tupana nax ãẽ̱xgacü yixĩxü̃ca̱x.

Ore i mexü̃ ga Luca ümatüxü̃ 12:50

Rü choma rü tá poraãcü ngúxü̃ chinge, rü chanaxĩ̱xãchiãxẽ ñu̱xmatáta yangu i ngẽma.

Norü taxre ga popera ga ãẽ̱xgacügüchiga 2:11

Rü yemaacü yadexatanüyane ga nax inaxĩxü̃ rü ngürüãchi naxca̱x nango̱x ga wüxi ga naweü̃ ga iya̱u̱xracüxǘne ga cowaru ga iya̱u̱xratanüxü̃ itúgüne, rü yema taxretanügu nayangaxi. Rü guma nixĩ ga Eríaxü̃ igaxü̃ne ga dauxü̃guxü̃ ga naanewa nagu ga wüxi ga buanecü ga íxã̱ũ̱xẽmacü.

Filipenses 3:14

Rü ngẽmaca̱x i ñu̱xma rü pora chaxü nax Cristuca̱x chamaxü̃xü̃ ñu̱xmatáta daxũguxü̃ i naanewa changu. Erü chanayauxchaü̃ i ngẽma ãmare ya Tupana daxũguxü̃ i naanewa naxca̱x taxca̱x ngẽmaxü̃ i yixema nax Ngechuchu ya Cristuarü duü̃xü̃gü ixĩgüxü̃.

Ore i mexü̃ ga Luca ümatüxü̃ 9:57

Rü yexguma namagu naxĩxgu rü wüxi ga yatü Ngechuchuxü̃ ñanagürü: —Pa Corix, cuwe charüxũxchaü̃ i ngextá cuma ícuxũxü̃wa —ñanagürü.