Ore i mexü̃ ga Luca ümatüxü̃ 9:45 - Tupanaarü Ore

⁴⁵ Natürü ga norü ngúexü̃gü rü tama nüxü̃ nacua̱xgüéga ga yema namaxã nüxü̃ yaxuxü̃ yerü Tupana rü tama naxca̱x nanango̱xẽxẽ ga yema ore nax mea nüxü̃ nacua̱xgüxü̃ca̱x. Rü naétü namuü̃e nax Ngechuchuna nacagüexü̃ nax mea namaxã nango̱xẽẽãxü̃ca̱x ga yema namaxã nüxü̃ yaxuxü̃.

Ore i mexü̃ ga Luca ümatüxü̃ 9:45 Referans Kwoze

Ore i mexü̃ ga Luca ümatüxü̃ 18:34

Natürü yema norü ngúexü̃gü rü tama nüxü̃ nacua̱xgüéga nax ta̱xacüchiga yixĩxü̃ ga yema ore ga namaxã nüxü̃ yaxuxü̃. Yerü poraãcü nüxü̃́ naguxcha nax nüxü̃ nacua̱xgüxü̃.

Ore i mexü̃ ga Cuáü̃ ümatüxü̃ 12:16

Rü noxri ga norü ngúexü̃gü rü tama nüxü̃ nacua̱xgü ga Ngechuchuchiga nax yixĩxü̃ ga yema ore. Natürü nawena ga yexguma marü Ngechuchu daxũwa ũxgu, rü yexguma nixĩ ga nüxna nacua̱xãchiexü̃ ga guxü̃ma ga yema Ngechuchuxü̃ ngupetüxü̃, rü yema Tupanaarü ore ümatüxü̃ãcü nüxü̃ nax nangupetüxü̃.

Ore i mexü̃ ga Luca ümatüxü̃ 2:50

Natürü ga tümagü rü tama nüxü̃ tacua̱xgüéga ga yema tümamaxã nüxü̃ yaxuxü̃.

Ore i mexü̃ ga Márcu ümatüxü̃ 9:32

Natürü nüma ga yema ngúexü̃gü rü tama nüxü̃ nacua̱xgü ga ta̱xacüchiga nax yixĩxü̃ ga yema ore, rü namuü̃e ga nüxna nax nacagüexü̃.

Ore i mexü̃ ga Cuáü̃ ümatüxü̃ 14:5

Rü Tumáchi rü ñanagürü: —Pa Corix, tama nüxü̃ tacua̱x nax ngextá cuxũxü̃. ¿Rü ñuxãcü tá i nüxü̃ tacuáxü̃ i ngẽma nama? —ñanagürü.

Ore i mexü̃ ga Cuáü̃ ümatüxü̃ 12:34

Rü yema duü̃xü̃gü nanangãxü̃gü, rü ñanagürügü: —Ngẽma mugü i ümatüxü̃wa nüxü̃ tadaugü nax guxü̃gutáma namaxechaxü̃ ya Cristu. ¿Rü ñuxãcü i cuma rü ñacurügü: “Tupana Nane ya duü̃xü̃xü̃ ixĩcü rü curuchawa tá nipota”, ñacurügü? ¿Rü texé tixĩ ya yíxema Tupana Nane ya duü̃xü̃xü̃ ixĩxẽ? —ñanagürügü.

Ore i mexü̃ ga Márcu ümatüxü̃ 9:10

Rü yemaca̱x ga yema ngúexü̃gü rü bexma nüxica nüxü̃ nacua̱xgü ga yema nüxü̃ nadaugüxü̃. Natürü nügüna nacagüe nax ta̱xacüchiga yixĩxü̃ ga yema Ngechuchuarü ore ga ñaxü̃: “Yuwa ínadaxgu”, ñaxü̃.

Ore i mexü̃ ga Matéu ümatüxü̃ 16:22

Rü yexguma ga Pedru rü nüxica noxrüwama Ngechuchuxü̃ naga, rü inanaxügü ga nax naxucu̱xẽãxü̃, rü ñanagürü: —Pa Corix, tama name nax ngẽmaãcü quidexaxü̃. Rü taxũtáma ngẽma nüxü̃ quixuxü̃ cuxü̃ nangupetü i cumax —ñanagürü.

Ore i mexü̃ ga Luca ümatüxü̃ 9:46

Rü yexguma ga norü ngúexü̃gü rü inanaxügüe nax nügümaxã yaporagatanücüüxü̃ nachiga nax texé tá tixĩxü̃ ya natanüwa guxãarü yexera ixĩxẽ.

Ore i mexü̃ ga Matéu ümatüxü̃ 17:22

Rü yexguma norü ngúexü̃gümaxã Gariréaarü naanegu yaxũxgu ga Ngechuchu, rü norü ngúexü̃gümaxã nüxü̃ nixu, rü ñanagürü: —Tupana Nane ya duü̃xü̃xü̃ ixĩcü, rü tá duü̃xü̃güme̱xẽgu nangu.

Ore i mexü̃ ga Cuáü̃ ümatüxü̃ 4:33

Rü yexguma ga norü ngúexü̃gü rü nügüna nacagüe, rü ñanarügügü: —Bexmana marü texé nua tanange i nawemü —ñanarügügü.