Ore i mexü̃ ga Luca ümatüxü̃ 9:43 - Tupanaarü Ore

⁴³ Rü guxü̃ma ga yema duü̃xü̃gü rü naba̱i̱xãchiãẽgü ga yexguma nüxü̃ nadaugügu ga ñuxãcü nax naporaxü̃ ya Tupana. Rü yexguma yema duü̃xü̃gü namaxã ba̱i̱xãchieyane ga yema Ngechuchu üxü̃, rü nüma rü norü ngúexü̃güxü̃ ñanagürü:

Ore i mexü̃ ga Luca ümatüxü̃ 9:43 Referans Kwoze

Ore i mexü̃ ga Matéu ümatüxü̃ 17:22

Rü yexguma norü ngúexü̃gümaxã Gariréaarü naanegu yaxũxgu ga Ngechuchu, rü norü ngúexü̃gümaxã nüxü̃ nixu, rü ñanagürü: —Tupana Nane ya duü̃xü̃xü̃ ixĩcü, rü tá duü̃xü̃güme̱xẽgu nangu.

Norü taxre ga popera ga Pedru ümatüxü̃ 1:16

Rü yexguma pexü̃ tangúexẽẽgu nachiga ga norü pora ya tórü Cori ya Ngechuchu ya Cristu rü ñuxãcü tá wena nataeguxü̃, rü tama tomatama togüãẽwa tayaxuxü̃ i ore nixĩ. Yerü tomatama toxetümaxã nüxü̃ tadau ga tórü Cori rü nüxü̃ tadau ga norü üüne.

Ore i mexü̃ ga Luca ümatüxü̃ 8:25

Rü yexguma ga Ngechuchu rü ñanagürü nüxü̃ ga norü ngúexü̃gü: —¿Ta̱xacü pexü̃ naxüpetü rü ngẽmaca̱x tama mea peyaxõgüxü̃? —ñanagürü. Natürü ga nümagü rü naba̱i̱xãchiãẽgü. Rü nügüna nicachigü, rü ñanagürügü: —¿Ta̱xacü ẽ̱xna nixĩ i ñaa yatü rü ngẽmaca̱x a̱i̱xrücü ya buanecü rü yuape rü naga naxĩnüexü̃? —ñanagürügü.

Ore i mexü̃ ga Luca ümatüxü̃ 5:26

Rü guxü̃ma ga duü̃xü̃gü rü naba̱i̱xãchiãẽgü. Rü Tupanaxü̃ nicua̱xüü̃gü. Rü poraãcü namuü̃eãcüma ñanagürügü: —Ñu̱xma rü aixcüma nüxü̃ tadaugü i mexẽchixü̃gü i Tupanaarü poramaxã naxügüxü̃ —ñanagürügü.

Ore i mexü̃ ga Luca ümatüxü̃ 4:36

Rü guxü̃ma ga duü̃xü̃gü rü naba̱i̱xãchiãẽgü. Rü nügümücügümaxãchigü nachiga nidexagü, rü ñanagürügü: —¿Ta̱xacürü ore nixĩ i ngẽma? Erü ñaa yatü rü aixcüma ngẽma ngo̱xogümaxã inacua̱x rü poraãcü nanamu. Rü nümagü rü naga naxĩnüe, rü ínachoxü̃ —ñanagürügü.

Chacaría 8:6

Rü ngẽxguma ngẽmaãcü wena namexgu ya Yerucharéü̃ rü chorü duü̃xü̃gü i núma yaxügüxü̃ rü tá naba̱i̱xãchie, erü taguma nagu narüxĩnüe nax wena tá namexü̃ ya yima ĩane. Natürü cha̱u̱xca̱x rü taxuxü̃ma naguxcha i ngẽma. Rü choma i Cori ya Tupana ya Guxãétüwa Ngẽxmaxe nixĩ i nüxü̃ chixuxü̃ i ngẽma.

Ore i mexü̃ ga Luca ümatüxü̃ 5:9

Rü yema ñanagürü ga Chimóü̃ yerü nüma rü guxü̃ma ga natanüxü̃ rü namaxã naba̱i̱xãchiãẽgü ga yema muxü̃ma ga choxni nax ínayauxü̃xü̃.

Ore i mexü̃ ga Márcu ümatüxü̃ 6:51

Rü nguegu nixüe, rü inarüxo ga buanecü. Natürü nümagü ga norü ngúexü̃gü rü naba̱i̱xãchiãẽgümare yerü woo nüxü̃ nax nadaugüxü̃ ga yema mexü̃ ga Tupanaarü poramaxã naxüxü̃ ga Ngechuchu ga yexguma yema paũ yamuxẽẽgu, natürü tama nüxna nacua̱xãchie nax Tupana Nane nax yixĩxü̃ yerü nüxü̃́ naguxcha nax yaxõgüãxü̃.

Wiyaegü 139:14

Rü ngẽmaca̱x cuxü̃ chicua̱xüxü̃ naxca̱x nax ñuxãcü choxü̃ cuxüxü̃, erü curü ü rü namexẽchi. Rü ngẽma rü meama nüxü̃ chacua̱x.

Ore i mexü̃ ga Luca ümatüxü̃ 9:42

Natürü yexguma Ngechuchuxü̃tawa nanguxgu ga gumá bucü, rü yema ngo̱xo rü gumá bucüxü̃ ñaxtüanegu nayanguxẽxẽ, rü nanaxãũãẽxẽxẽ. Natürü Ngechuchu nananga ga yema ngo̱xo, rü nanamexẽxẽ ga gumá bucü. Rü ñu̱xũchi nanatüxü̃tawa nanamu.

Ore i mexü̃ ga Luca ümatüxü̃ 18:43

Rü yexgumatama nidauuchi ga gumá ngexetücü, rü Ngechuchuwe narüxũ, rü Tupanaxü̃ nicua̱xüxü̃chigü. Rü guxü̃ma ga duü̃xü̃gü ga nüxü̃ daugüxü̃ ga yema ngupetüxü̃, rü yexgumarüxü̃ ta Tupanaxü̃ nicua̱xüü̃gü.