Ore i mexü̃ ga Luca ümatüxü̃ 9:41 - Tupanaarü Ore

⁴¹ Rü yexguma Ngechuchu nanangãxü̃, rü ñanagürü: —Pa Duü̃xü̃gü i Tama Yaxõgüxü̃x rü Chixexü̃gu Rüxĩnüexü̃x, ¿Ñuxguratáta i pemaxã chanuxmaxü̃ rü yáxna pemaxã chaxĩnüxü̃? ¡Nua naga ya cune! —ñanagürü.

Ore i mexü̃ ga Luca ümatüxü̃ 9:41 Referans Kwoze

Wenaxarü naxümatü ga Tupanaarü mugü 32:5

Pa Duü̃xü̃gü i Chixexü̃arü Üruü̃gü i Cori ya Tupanaxü̃ Nuxẽxẽgüxex, pema rü tama pime nax naxacügü pixĩgüxü̃.

Ore i mexü̃ ga Cuáü̃ ümatüxü̃ 20:27

Rü yexguma Tumáchixü̃ ñanagürü ga Ngechuchu: —¡Nagu ixu i ñaa chorü itapuamaxü̃ i cho̱xme̱xwa ngẽxmaxü̃, rü nüxü̃ nadau ya daa cho̱xme̱x! ¡Rü nagu ixu i chorü canapacütüxü̃! ¡Rü tama name nax tama cuyaxõxü̃! ¡Rü yaxõ! —ñanagürü.

Ore i mexü̃ ga Cuáü̃ ümatüxü̃ 14:9

Rü Ngechuchu nanangãxü̃, rü ñanagürü: —Pa Ferípex, ¿ñuxre ya taunecü marü petanüwa changexma rü ñu̱xma rü ta tama choxü̃ cucuáxü̃? Yíxema choxü̃ dauxe rü Chaunatüxü̃ rü ta tadau. ¿Rü tü̱xcüü̃ i ngẽxguma rü ta cunaxwa̱xexü̃ i pexü̃ nüxü̃ nax chadauxẽẽxü̃ ya Chaunatü?

Ore i mexü̃ ga Márcu ümatüxü̃ 9:19

Rü Ngechuchu nanangãxü̃, rü ñanagürü: —Pa Duü̃xü̃gü i Tama Yaxõgüxü̃, ¿ñuxguratáta i pemaxã chanuxmaxü̃ rü yáxna pemaxã chaxĩnüxü̃? ¡Nua penaga ya yimá bucü! —ñanagürü.

Ore i mexü̃ ga Matéu ümatüxü̃ 17:17

Rü yexguma Ngechuchu nanangãxü̃, rü ñanagürü nüxü̃ ga yema duü̃xü̃gü ga yéma yexmagüxü̃: —Pa Duü̃xü̃gü i Tama Yaxõgüxü̃ i Chixri Maxẽxü̃, ¿ñuxguratáta i pemaxã chanuxmaxü̃ rü yáxna pemaxã chaxĩnüxü̃? ¡Nua penaga ya yimá bucü! —ñanagürü.

Popera ga Yudíugü ga yaxõgüxü̃ca̱x ümatüxü̃ 7:25

Rü ngẽmaca̱x nüxü̃́ natauxcha nax tüxü̃ namaxẽxẽẽxü̃ ya guxãma ya yíxema norü ngü̃xẽẽmaxã Tupanaxü̃tawa ngugüxe. Erü nüma ya Ngechuchu rü guxü̃guma namaxecha nax Tupanape̱xewa tümaétüwa nachogüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 4:11

Rü ngẽmaca̱x name nax yigü iporaãẽxẽẽxü̃ nax yaxõgüxü̃ rü naga ixĩnüexü̃ nax ichocuxü̃ca̱x i ngextá Tupana tüxü̃ írüngü̃güxẽẽxü̃wa. Erü tama tanaxwa̱xe nax texé ngürüãchi yema nũxcümaü̃güxü̃ ga duü̃xü̃gü ga tama Tupanaga ĩnüexü̃rüxü̃ norü orexü̃ taxoxü̃.

Popera ga Yudíugü ga yaxõgüxü̃ca̱x ümatüxü̃ 4:2

Erü yixema rü marü nüxü̃ taxĩnüe i Tupanaarü ore i mexü̃ i maxü̃chiga, yexgumarüxü̃ ga yema nũxcümaü̃güxü̃ ga duü̃xü̃gü nüxü̃ nax naxĩnüexü̃. Natürü nümagü ga yema duü̃xü̃gü rü taxuwama nüxü̃́ name ga nüxü̃ nax naxĩnüexü̃ ga yema ore, yerü tama yema togü ga naga ĩnüexü̃rüxü̃ nayaxõgü.

Popera ga Yudíugü ga yaxõgüxü̃ca̱x ümatüxü̃ 3:19

Rü ngẽmawa nüxü̃ tacua̱x nax taxucürüwama yema naane ga noxri Tupana namaxã ixunetaxü̃wa nangugüxü̃ ga yema duü̃xü̃gü, yerü tama nüxü̃́ nayaxõgü.

Romanos 2:4

¿Rü tü̱xcüü̃ nüxü̃ cuxo i ngẽma mexü̃ ya Tupana cuxca̱x üxü̃? Nüma rü poraãcüxüchi cumaxã namecüma rü yáxna cumaxã naxĩnü rü tama paxa curü chixexü̃ca̱x cuxü̃ napoxcuchaü̃. ¿Rü tü̱xcüü̃ tama nagu curüxĩnü nax Tupana ngẽmaãcü cumaxã mecümaxü̃ nax nüxü̃ curüxoxü̃ca̱x i curü chixexü̃ rü naxca̱x nax cumaxü̃xü̃ca̱x?

Ngechuchuarü ngúexü̃gü ga yamugüxü̃arü puracüchiga 13:18

Rü chianexü̃wa tüxü̃ nagagü. Rü yéma 40 ga taunecü Tupana yáxna namaxã naxĩnü ga tümacüma ga chixexü̃ ga guxema tórü o̱xigü.

Ngechuchuarü ngúexü̃gü ga yamugüxü̃arü puracüchiga 2:40

Rü yema oremaxã rü muxü̃ma ga to ga oremaxã nayaxucu̱xẽgü ga Pedru, rü ñanagürü: —¡Nüxna pixĩgachi i ngẽma duü̃xü̃gü i chixexü̃ ügüxü̃ nax pema rü tama chixexü̃ pexügüxü̃ca̱x! —ñanagürü.

Ore i mexü̃ ga Luca ümatüxü̃ 8:25

Rü yexguma ga Ngechuchu rü ñanagürü nüxü̃ ga norü ngúexü̃gü: —¿Ta̱xacü pexü̃ naxüpetü rü ngẽmaca̱x tama mea peyaxõgüxü̃? —ñanagürü. Natürü ga nümagü rü naba̱i̱xãchiãẽgü. Rü nügüna nicachigü, rü ñanagürügü: —¿Ta̱xacü ẽ̱xna nixĩ i ñaa yatü rü ngẽmaca̱x a̱i̱xrücü ya buanecü rü yuape rü naga naxĩnüexü̃? —ñanagürügü.

Ore i mexü̃ ga Matéu ümatüxü̃ 16:4

Rü ñanagürü ta ga Ngechuchu: —Ñaa duü̃xü̃gü i chixecümagüxü̃ rü tama yaxõgüxü̃ rü naxca̱x ínacagü i wüxi i cua̱xruxü̃ i Tupanaarü poramaxã üxü̃. Natürü yema cua̱xruxü̃ ga Tupanaarü orearü uruxü̃ ga Yonáwa üxü̃xicatama nixĩ i tá nüxü̃ chawéxü̃. Rü taxuxü̃táma i to i cua̱xruxü̃ tá nüxü̃ chadauxẽxẽ i ñaa duü̃xü̃gü —ñanagürü ga Ngechuchu. Rü ñu̱xũchi nüxna yéma nixũ rü inaxũãchi.

Ore i mexü̃ ga Matéu ümatüxü̃ 12:39

Rü Ngechuchu nanangãxü̃, rü ñanagürü: —Ñaa duü̃xü̃gü i chixecümagüxü̃ i tama yaxõgüxü̃ rü naxca̱x ínacagü i wüxi i cua̱xruxü̃ i Tupanaarü poramaxã üxü̃. Natürü yema cua̱xruxü̃ ga Tupanaarü orearü uruxü̃ ga Yonáwa üxü̃xicatama nixĩ i tá nüxü̃ chawéxü̃. Rü taxuxü̃táma i to i cua̱xruxü̃ tá nüxü̃ chadauxẽxẽ i ñaa duü̃xü̃gü.

Ore i mexü̃ ga Matéu ümatüxü̃ 3:7

Natürü yexguma Cuáü̃ nüxü̃ da̱u̱xgu ga naxü̃tawa nax nangugüxü̃ ga muxü̃ma ga ãẽ̱xgacügü ga Parichéugü rü Chaduchéugü nax ínabaiü̃xẽẽãxü̃ca̱x, rü Cuáü̃ ñanagürü nüxü̃: “Pa Ãxtapearü Duü̃xü̃güx, ¿rü texé pemaxã nüxü̃ tixu nax na̱xcha̱xwa pibuxmüxü̃ i Tupanaarü poxcu i ãũcümaxü̃ i marü pexca̱x ingaicaxü̃?

Yeremía 4:14

Pa Yerucharéü̃cüã̱xgü, ¡nüxü̃ perüxoe i ngẽma chixexü̃ i nagu pemaxẽxü̃! Rü ngẽxgumaxicatama tá nixĩ i nüxna ípenguxü̃xü̃ i ngẽma ãũcümaxü̃ i pexca̱x ínguxchaü̃xü̃. ¿Rü ñuxguxüra tá ta nixĩ i pegüna peyaxũgachixẽẽxü̃ i ngẽma chixexü̃ i ĩnügü i peãẽwa ngẽxmagüxü̃?

Wiyaegü 78:8

Rü yemaacü nanamu ga Tupana yerü tama nanaxwa̱xe nax yema duü̃xü̃gü norü o̱xigürüxü̃ yixĩgüxü̃ca̱x. Yerü nümagü ga norü o̱xigü rü tama Tupanaga naxĩnüe rü tama naãẽxü̃ nicua̱x rü tama aixcüma Tupanawe narüxĩ rü tama naxca̱x namaxẽ.

Norü taxre ga popera ga ãẽ̱xgacügüchiga 5:8

Natürü yexguma gumá orearü uruxü̃ ga Erichéu nüxü̃ cuáchigagu ga yema nügü nax nagáutechiruxü̃ ga guma ãẽ̱xgacü nagagu ga yema popera ga nayaxuxü̃, rü naxca̱x yéma namuga rü ñanagürü: —¿Tü̱xcüü̃ i cugü curügáutechiruxü̃? ¡Rü ẽcü nua namu i ngẽma yatü nax nua choxü̃ íyadauxü̃ca̱x! Rü tá naxca̱x nitaane nax ngẽmawa nüxü̃ nacuáxü̃ca̱x rü nua Iraéanewa nax nangẽxmaxü̃ i Tupanaarü orearü uruxü̃ —ñanagürü.

Iraétanüxü̃arü muxchiga 14:27

—Marü nüxü̃ chaxĩnü nax chixri chauchiga yadexagüxü̃ i ngẽma Iraétanüxü̃ i chixexü̃gu rüxĩnüexü̃. ¿Rü ñuxguratáta inaxĩnüexü̃ i ngẽma duü̃xü̃gü i marü yáxna namaxã chaxĩnüchiréxü̃?

Iraétanüxü̃arü muxchiga 14:11

Rü yexguma ga nüma ga Cori ya Tupana rü Moichéxü̃ ñanagürü: —¿Ñuxguratáta nixĩ i choxü̃́ inaxĩnüexü̃ i ñaa duü̃xü̃gü? ¿Rü ñuxguratáta nixĩ i nüxü̃ naxoexü̃ nax tama choxü̃́ yaxõgüãxü̃ rü woo nüxü̃ nax nadaugüxü̃ ga yema mexü̃gü ga chorü poramaxã nape̱xewa chaxüxü̃?

Ínachoxü̃xü̃chiga 16:28

Rü yemaca̱x ga Cori ya Tupana rü Moichéxü̃ ñanagürü: —¿Ñuxguxüratáta nixĩ i tama naga pexĩnüexü̃ i chorü mugü rü chorü ngu̱xẽẽtaegü?

Ínachoxü̃xü̃chiga 10:3

Rü Moiché rü Aróü̃ rü Faraóü̃xü̃tawa naxĩ, rü ñanagürügü nüxü̃: —Cori ya Iraétanüxü̃arü Tupana rü cuxca̱x nua namuga rü ñanagürü cuxü̃: “¿Ñuxguratáta i nüxü̃ curüxoxü̃ nax choxna cugü quinuxuxü̃? ¡Rü yange̱xgü i chorü duü̃xü̃gü nax choxü̃ yanacua̱xüü̃güxü̃ca̱x!

Ore i mexü̃ ga Márcu ümatüxü̃ 10:49

Rü yexguma ga nüma ga Ngechuchu rü inayachiãchi, rü ñanagürü: —¡Naxca̱x peca! —ñanagürü. Rü gumá ngexetücüca̱x nacagü, rü ñanagürügü: —¡Nataãxẽ rü inachi! Rü cuxca̱x nixĩ i naca̱xaxü̃ —ñanagürügü.

Ore i mexü̃ ga Márcu ümatüxü̃ 10:14

Rü yexguma yemaxü̃ nada̱u̱xgu ga Ngechuchu, rü naãxẽwa nangu̱x, rü ñanagürü nüxü̃: —Chanaxwa̱xe i chauxü̃tawa naxĩ i buxü̃gü. ¡Rü taxṹ i nüxna penachu̱xuxü̃! Erü Tupana ãẽ̱xgacü ixĩxü̃wa rü tümaca̱x nixĩ ya yíxema ñaa buxü̃gürüxü̃ taxuxü̃ma i chixexü̃xü̃ icuáxe.

Ore i mexü̃ ga Matéu ümatüxü̃ 23:36

Rü aixcüma pemaxã nüxü̃ chixu rü guxü̃ma ga yema chixexü̃gü ga naxügüxü̃ca̱x rü Tupana tá nanapoxcue i duü̃xü̃gü i ñu̱xma maxẽxü̃ —ñanagürü ga Ngechuchu.

Ore i mexü̃ ga Matéu ümatüxü̃ 12:45

Rü ngẽma ngo̱xo rü ínixũ rü naxca̱x nayadau i to i 7 i ngo̱xogü i norü yexera chixexü̃. Rü guxü̃ma i ngẽma rü yimá yatügu nayachocu, rü ngẽxma naxãchiü̃gü. Rü ngẽxguma ya yimá yatü rü noxriarü yexera nachixe. Rü ngẽxgumarüxü̃ tá ta nüxü̃ naxüpetü i ñaa duü̃xü̃gü i chixecümaxü̃ —ñanagürü ga Ngechuchu.

Ore i mexü̃ ga Matéu ümatüxü̃ 11:28

¡Rü nua chauxü̃tawa pexĩ i guxãma i pema ya ipaexe nagagu i perü guxchaxü̃gü rü perü ĩ̱xãchiãẽgü! Rü choma rü tá pexü̃ icharüngü̃güxẽxẽ.

Ore i mexü̃ ga Luca ümatüxü̃ 9:40

Rü marü nüxü̃ chaca̱a̱xü̃ i curü ngúexü̃gü nax tümawa ínata̱xüchigüãxü̃ca̱x i ngẽma ngo̱xo, natürü tama nüxü̃́ inaxĩnü —ñanagürü.

Ore i mexü̃ ga Luca ümatüxü̃ 9:42

Natürü yexguma Ngechuchuxü̃tawa nanguxgu ga gumá bucü, rü yema ngo̱xo rü gumá bucüxü̃ ñaxtüanegu nayanguxẽxẽ, rü nanaxãũãẽxẽxẽ. Natürü Ngechuchu nananga ga yema ngo̱xo, rü nanamexẽxẽ ga gumá bucü. Rü ñu̱xũchi nanatüxü̃tawa nanamu.