Ore i mexü̃ ga Luca ümatüxü̃ 9:34 - Tupanaarü Ore

³⁴ Rü yexguma íyadexayane ga Pedru, rü wüxi ga caixanexü̃ natanügu nayanga̱i̱xema. Rü yexguma yema caixanexü̃ natanügu yanga̱i̱xemagu rü poraãcü namuü̃e ga yema ngúexü̃gü.

Ore i mexü̃ ga Luca ümatüxü̃ 9:34 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 1:17

Rü yexguma nüxü̃ chada̱u̱xgu, rü nape̱xegu chayangu ñoma chayuxü̃rüxü̃. Natürü ga nüma rü norü tügüneme̱xẽmaxã choxü̃ ningõgü, rü ñanagürü choxü̃: “¡Taxṹ i cumuü̃xü̃! Choma nixĩ i chaxíra chayexmaxü̃ rü guxü̃gutáma changexmaechaxü̃.

Danié 10:8

Rü yemaacü chaxicatama yéma chayexma ga yexguma yemaxü̃ chada̱u̱xgu. Rü chaba̱i̱xãchiãxẽ rü chanachoxõchi rü chaturaxü̃ne.

Ichaía 19:1

Dücax, Cori ya Tupana rü wüxi i caixanexü̃étügu Equítuanewa naxũ. Rü ngẽma Equítuanecüã̱xgüarü tupananetachicüna̱xãgü rü Cori ya Tupanaarü poracha̱xwa nidu̱xrue. Rü duü̃xü̃gü i Equítuanecüã̱xgü rü tá poraãcü inayayiãxẽ.

Ãẽ̱xgacügü ga guxchaxü̃güarü mexẽxẽruü̃gü 13:22

Rü nüma ga Manóa rü naxma̱xü̃ ñanagürü: —Ñu̱xmawaxix rü aixcüma tá tayue erü Tupanaxü̃ tadaugü —ñanagürü.

Ãẽ̱xgacügü ga guxchaxü̃güarü mexẽxẽruü̃gü 6:22

Yexguma Yedeóü̃ nüxü̃ icua̱xãchigu rü ñanagürü: —¡Pa Corix, poraãcü chamuü̃! Erü chauxetümaxãxüchi nüxü̃ chadau i curü orearü ngeruxü̃ —ñanagürü.

Ore i mexü̃ ga Luca ümatüxü̃ 9:33

Rü yexguma yema taxre ga yatügü Ngechuchuna ixĩgachigu, rü Pedru rü ñanagürü Ngechuchuxü̃: “Pa Ngúexẽẽruxü̃x, namexẽchi nixĩ nax nua ingẽxmagüxü̃. Rü tá tanaxü ya tomaepü̱x ya düxenü, rü wüxi ya cuxca̱x, rü nai ya Moichéca̱x, rü nai ya Eríaca̱x”, ñanagürü. Natürü ga Pedru rü tama nüxü̃ nacua̱x nax ñuxũ ñaxü̃ yerü poraãcü nanaxĩ̱xãchiãxẽ.

Ore i mexü̃ ga Luca ümatüxü̃ 9:35

Rü yema caixanexü̃wa inanaxũ ga wüxi ga naga ga ñaxü̃: “Daa nixĩ ya Chaune ya nüxü̃ changechaü̃xü̃chicü. ¡Rü naga pexĩnüe!” ñaxü̃.