Ore i mexü̃ ga Luca ümatüxü̃ 9:32 - Tupanaarü Ore

³² Rü Pedru rü namücügü rü woo poraãcü nax nayaxtaegüxü̃, rü tama napee. Rü nüxü̃ nadaugü nax poraãcü nangóonexü̃ naxü̃tawa ga Ngechuchu rü yema taxre ga yatügü ga namaxã yexmagüxü̃.

Ore i mexü̃ ga Luca ümatüxü̃ 9:32 Referans Kwoze

Ore i mexü̃ ga Cuáü̃ ümatüxü̃ 1:14

Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.

Danié 8:18

Rü yexguma chomaxã yadexayane rü chiyuãchi rü yexma waixü̃müanegu chayangu. Natürü ga nüma rü choxü̃ ningõgü rü choxü̃ inachixẽxẽ. Rü ñu̱xũchi choxü̃ ñanagürü: —Cumaxã tá nüxü̃ chixu nax ñuxãcü tá yixĩxü̃ i ngẽxguma nagu̱xgu nax Tupana napoxcuexü̃ i norü duü̃xü̃gü i tama naga ĩnüexü̃. Erü ngẽma cunegüwa nüxü̃ cudauxü̃ rü nachiga nixĩ i ngẽma ngunexü̃gü i nagu yacuáxü̃ i ngẽma ñu̱xma ngupetüxü̃.

Danié 10:9

Rü yexguma nagaxü̃ chaxĩnügu ga nax yadexaxü̃, rü chiyuãchi rü waixü̃müanegu changu.

Norü taxre ga popera ga Pedru ümatüxü̃ 1:16

Rü yexguma pexü̃ tangúexẽẽgu nachiga ga norü pora ya tórü Cori ya Ngechuchu ya Cristu rü ñuxãcü tá wena nataeguxü̃, rü tama tomatama togüãẽwa tayaxuxü̃ i ore nixĩ. Yerü tomatama toxetümaxã nüxü̃ tadau ga tórü Cori rü nüxü̃ tadau ga norü üüne.

Ore i mexü̃ ga Cuáü̃ ümatüxü̃ 17:24

Pa Chaunatüx, cuma choxna cunamugü i ñaa ngúexü̃gü. Rü chanaxwa̱xe i chauxü̃tawa nangẽxmagü i ngéma tá íchangexmaxü̃wa, nax nüxü̃ nadaugüxü̃ca̱x i chorü pora ga choxna cuxãxü̃. Yerü choxü̃ cungechaü̃ ga yexguma tauta naane ixügügumama.

Ichaía 60:19

Rü ngunecü rü marü taxũtáma penaxwa̱xe nax üa̱xcü pexü̃ báxixü̃, rü chütacü rü marü taxũtáma penaxwa̱xe nax tauemacü pexü̃ báxixü̃, erü choma ya perü Cori tá nixĩ i perü omü i guxü̃gutáma ichabáxixü̃. Rü choma ya perü Tupana tá nixĩ i perü poraxẽẽruxü̃.

Nüxíraxü̃xü̃ ga popera ga Cuáü̃ ümatüxü̃ 3:2

Pa Chauenexẽgü ya Pexü̃ Changechaü̃güxe, ñu̱xma rü marü Tupanaxacügü tixĩgü. Rü woo tama tüxü̃ nüxü̃ nacua̱xẽxẽ nax ñuxãcü tá ixĩgüxü̃ i yixcüra, natürü nüxü̃ tacua̱x nax Ngechuchurüxü̃ tá ixĩgüxü̃ i ngẽxguma nüma nango̱xgu, erü tá nüxü̃ tadau nax nañuxraü̃xü̃ i nüma.

Ore i mexü̃ ga Márcu ümatüxü̃ 14:40

Rü yexguma wenaxarü norü ngúexü̃güca̱x nataeguxgu, rü nüxü̃ inayangau nax wenaxarü ínapeexü̃, yerü poraãcü nayaxtaexüchi. Rü yemaca̱x ga nümagü rü tama nüxü̃ nacua̱xgü nax ta̱xacümaxã tá nangãxü̃güaxü̃.