Biblia Todo Logo
Bib sou entènèt

- Piblisite -




Ore i mexü̃ ga Luca ümatüxü̃ 9:20 - Tupanaarü Ore

20 Rü yexguma Ngechuchu nüxna naca rü ñanagürü: —Rü pemax, ¿ñuxũ ñapegüxü̃ choxü̃ nax texé chixĩxü̃? —ñanagürü. Rü Pedru nanangãxü̃ rü ñanagürü: —Cuma nixĩ ya Cristu ya Tupana núma cumuxü̃ —ñanagürü.

Gade chapit la Kopi




Ore i mexü̃ ga Luca ümatüxü̃ 9:20
20 Referans Kwoze  

Rü togü rü ñanagürügü: —Daa nixĩ ya Cristu —ñanagürügü. Natürü togü rü ñanagürügü: —Tama nixĩ, erü taxũtáma Gariréaanecüã̱x nixĩ ya Cristu.


Rü ngĩgürügü: —¡Ngĩxã rü ítayadaugü i wüxi i yatü i chomaxã nüxü̃ ixuxü̃ ga guxü̃ma ga yema chaxüxü̃! ¿Taux ẽ̱xna yimá yixĩxü̃ ya Cristu? —ngĩgürügü.


Rü meama naxca̱x nanango̱xẽxẽ ga yema ore, rü namaxã nüxü̃ nixu nax ta̱xacüca̱x nayuxü̃ ga Cristu rü tü̱xcüü̃ wena nax namaxü̃xü̃. Rü ñanagürü: —Yimá Ngechuchu i pemaxã nüxü̃ chixuchigacü, rü yimá nixĩ i aixcüma Cristu ixĩcü —ñanagürü ga Pauru.


Natürü ga Chauru rü guxü̃ ga ngunexü̃gu yexeraãcü tama namuü̃ãcüma nüxü̃ nixuchigaama ga ore ga Ngechuchuchiga. Rü inayanangea̱xgüxẽxẽ ga yema Yudíugü ga Damácuwa yexmagüxü̃, yerü meama nanango̱xẽxẽ nax Cristu yixĩxü̃ ga Ngechuchu.


Natürü guxü̃ma ga yema Ngechuchu üxü̃ rü ñaa poperagu naxümatü nax peyaxõgüxü̃ca̱x nax Ngechuchu rü Tupana Nane ya Cristu nax yixĩxü̃ rü ngẽxguma nüxü̃́ peyaxõgügu pexü̃́ nangẽxmaxü̃ca̱x i maxü̃ i taguma gúxü̃.


Rü ngĩma rü ngĩgürügü nüxü̃: —Ngü̃, Pa Corix, choma rü chayaxõ nax cuma rü Tupana Nane ya Cristu ga ítanangu̱xẽẽgü nax quixĩxü̃ —ngĩgürügü.


Rü yexguma ga yema duü̃xü̃gü rü ñanagürügü ngĩxü̃ ga yema ngecü: —Ñu̱xma waxi nixĩ i aixcüma nüxü̃́ tayaxõgüxü̃ erü tomatama nüxü̃ taxĩnüe i ngẽma norü ore i tomaxã nüxü̃ yaxuxü̃. Rü ngẽmawa nüxü̃ tacua̱x nax aixcüma yimá yixĩxü̃ ya Cristu ya ñoma i naanecüã̱x i duü̃xü̃güarü maxẽxẽxẽruxü̃. Rü tama ngẽma cuma tomaxã nüxü̃ quixuxü̃ca̱xicatama tayaxõgü —ñanagürügü.


Rü Natanaé nanangãxü̃ rü ñanagürü nüxü̃: —Pa Ngúexẽxẽruxü̃, cuma rü Tupana Nane quixĩ. Rü cuma nixĩ i guxü̃ma i Iraétanüxü̃arü Ãẽ̱xgacü quixĩxü̃ —ñanagürü.


Rü yexgumatama ga André, rü naenexẽ ga Chimóü̃ca̱x nayadau. Rü ñanagürü nüxü̃: —Rü marü nüxü̃ itayangau ya yimá nũxcüma Tupana nüxü̃ unetacü ga Cristu —ñanagürü.


Rü nüma ga Ngechuchu rü nüxna naca rü ñanagürü: —¿Rü pema i ñuxũ ñapegügüxü̃ choxü̃ nax texé chixĩxü̃? —ñanagürü. Rü Pedru nanangãxü̃ rü ñanagürü: —Cuma nixĩ i Cristu quixĩxü̃ —ñanagürü.


Guxü̃ma ya yíxema yaxṍxe nax Cristu yixĩxü̃ ya Ngechuchu, rü Tupana nane tixĩ. Rü guxãma ya yíxema Tanatü ya Tupanaxü̃ ngechaü̃güxe, rü nüxü̃ tangechaü̃ ta i naxacügü.


Rü niñaxwetaü̃gü, rü dexá íyexmaxü̃wa nangugü. Rü ñanagürü ga yema ãẽ̱xgacü: —Nua nangẽxma i dexá. ¿Rü tama ẽ̱xna inamexü̃ nax nua choxü̃ ícubaiexẽxẽxü̃? —ñanagürü.


—Toma rü nüxü̃ tacuáxchaü̃ ¿rü cuma quixĩxü̃ i Cristu rü ẽ̱xna tama? —ñanagürügü. Rü Ngechuchu nanangãxü̃ rü ñanagürü: —Ngẽxguma chi pemaxã nüxü̃ chixuxgu nax choma chixĩxü̃ i Cristu, rü taxũchima choxü̃́ peyaxõgü.


Natürü ga Ngechuchu rü nangea̱xmare, rü taxuxü̃maama nanangãxü̃. Rü yemaca̱x ga nüma ga chacherdótegüarü ãẽ̱xgacü rü wenaxarü nüxna naca, rü ñanagürü: —¿Cuma yixĩxü̃ ya Cristu ya Nane ya Tupana ya duü̃xü̃gü nüxü̃ icua̱xüü̃gücü quixĩxü̃? —ñanagürü.


Rü ngẽxguma chi peenexẽgüxü̃xicatama perümoxẽgu, rü guxü̃ i duü̃xü̃gürüü̃tama pixĩgü. Erü woo ngẽma duü̃xü̃gü i tama Tupanaxü̃ cua̱xgüxü̃, rü ngẽxgumarüü̃tama nanaxügü.


Natürü ga Ngechuchu rü nangea̱xmare. Rü yemaca̱x ga chacherdótegüarü ãẽ̱xgacü ga Caipá rü ñanagürü nüxü̃: —Tupana ya Maxü̃cüégagu cuxü̃ chamu nax aixcüma tomaxã nüxü̃ quixuxü̃ nax texé quixĩxü̃. ¿Rü cuma ẽ̱xna i Cristu ya Tupana Nane quixĩxü̃? —ñanagürü.


Rü norü ngúexü̃gü nanangãxü̃gü rü ñanagürügü: —Nangexma i duü̃xü̃gü rü: “Cuáü̃ ya báiü̃xẽẽruxü̃ quixĩ”, ñagüxü̃, rü togü rü: “Ería quixĩ”, ñagüxü̃, rü togü rü: “Wüxi ga nũxcümaü̃cü ga Tupanaarü orearü uruxü̃ i wena maxü̃cü quixĩ”, ñagüxü̃ —ñanagürügü.


Swiv nou:

Piblisite


Piblisite