Ore i mexü̃ ga Luca ümatüxü̃ 9:11 - Tupanaarü Ore

¹¹ Natürü yexguma duü̃xü̃gü nüxü̃ cua̱xgügu ga ngextá nax nayexmaxü̃, rü Ngechuchuwe narüxĩ. Rü Ngechuchu rü meama yema duü̃xü̃güxü̃ nayaxu, rü namaxã nüxü̃ nixu nax ñuxãcü ãẽ̱xgacü yixĩxü̃ ya Tupana. Rü nanameexẽxẽ ga yema duü̃xü̃gü ga ida̱xaweexü̃.

Ore i mexü̃ ga Luca ümatüxü̃ 9:11 Referans Kwoze

Popera ga Yudíugü ga yaxõgüxü̃ca̱x ümatüxü̃ 4:16

Rü ñu̱xma nax tüxü̃́ nangẽxmaxü̃ ya tórü ngü̃xẽẽruxü̃ ya Ngechuchu, rü tüxü̃́ natauxcha nax tama imuü̃eãcüma nüxna ingaicamaxü̃ ya tórü Tupana ya tüxü̃ ngechaü̃cü nax ngẽmaãcü nüma nüxü̃́ ingechaü̃tümüxü̃güxü̃ca̱x rü tüxü̃ nangechaü̃ãcüma tüxü̃ nangü̃xẽẽxü̃ca̱x i ngẽxguma guxchaxü̃gü taxca̱x ínguxgu.

Romanos 15:3

Yerü woo ga Cristu rü tama noxrütama ngúchaü̃ naxü. Natürü nayanguxẽxẽ ga yema Tupanaarü ore ga ñaxü̃: “Ngẽma duü̃xü̃gü i cumaxã guxchigagüxü̃, rü chomaxã nixĩ i naguxchigagüxü̃”, ñaxü̃.

Romanos 10:14

¿Natürü ñuxãcü tá nüxna tacagü ya Cori, ega tama nüxü̃́ tayaxõgügu? ¿Rü ñuxãcü tá nüxü̃́ tayaxõgü, ega taguma nüxü̃ taxĩnüechigagu? ¿Rü ñuxãcü tá nüxü̃ taxĩnüechiga, ega taguma texé tümamaxã nüxü̃ ixugügu?

Ngechuchuarü ngúexü̃gü ga yamugüxü̃arü puracüchiga 28:31

Rü nüxü̃ nixuchiga ga ñuxãcü ãẽ̱xgacü nax yixĩxü̃ ga Tupana. Rü meama nanangúexẽxẽ ga Cori ya Ngechuchu ya Cristuchiga. Rü taxúema nüxü̃́ tanaguxchaxẽxẽ.

Ore i mexü̃ ga Cuáü̃ ümatüxü̃ 6:37

Rü guxãma ya yíxema duü̃xẽgü ya Chaunatü choxna tüxü̃ mugüxe rü chorü duü̃xü̃gü tixĩgü. Rü texé ya choxü̃́ yaxõgüxe rü taxũtáma tüxü̃ chaxoo̱x.

Ore i mexü̃ ga Cuáü̃ ümatüxü̃ 4:34

Natürü ga Ngechuchu rü ñanagürü nüxü̃: —Chorü õna nixĩ nax chanaxüxü̃ i norü ngúchaü̃ ya yimá nua choxü̃ mucü, rü nax chayanguxẽẽxü̃ i norü puracü.

Ore i mexü̃ ga Luca ümatüxü̃ 9:2

Rü nayamugü nax duü̃xü̃gümaxã nüxü̃ yaxugüexü̃ca̱x ga ore ga mexü̃ nax ñuxãcü ãẽ̱xgacü yixĩxü̃ ya Tupana, rü nax nameexẽẽãxü̃ca̱x ga duü̃xü̃gü ga ida̱xaweexü̃.

Ore i mexü̃ ga Luca ümatüxü̃ 8:10

Rü Ngechuchu ñanagürü nüxü̃: —Tupana nanaxwa̱xe nax pemaxã nüxü̃ chixuxü̃ nax ta̱xacüchiga yixĩxü̃ i ngẽma ore i ẽxü̃guxü̃ i ñuxãcü ãẽ̱xgacü nax yixĩxü̃ i nümax. Natürü ngẽma togü i duü̃xü̃gü rü cua̱xruü̃gügu chayaxuãcüma namaxã nüxü̃ chixu i ore. Rü ngẽxguma woo nüxü̃ nadaugügu rü ñoma tama nüxü̃ nadaugüxü̃rüxü̃ nixĩgü, rü woo nüxü̃ naxĩnüegu rü ñoma tama nüxü̃ naxĩnüexü̃rüxü̃ nixĩgü —ñanagürü.

Ore i mexü̃ ga Luca ümatüxü̃ 8:1

Rü yemawena ga Ngechuchu rü Gariréaanearü ĩanegügu nixũãgüchigü. Rü duü̃xü̃gümaxã nüxü̃ nixuchigü ga Tupanaarü ore nax ñuxãcü ãẽ̱xgacü yixĩxü̃ ya Tupana. Rü ínayaxümücügü ga yema 12 ga norü ngúexü̃gü.

Ore i mexü̃ ga Luca ümatüxü̃ 5:31

Rü Ngechuchu nanangãxü̃, rü ñanagürü nüxü̃: —Ngẽma tama ida̱xaweexü̃ rü taxuca̱xma dutúru nanaxwa̱xegü, natürü ngẽma ida̱xaweexü̃ nixĩ i dutúru naxwa̱xegüxü̃.

Ore i mexü̃ ga Luca ümatüxü̃ 1:53

Rü guxema taiyaexe, rü muxü̃ma ga mexü̃gü tüxna naxã. Natürü guxema muarü diẽruã̱xgüxe rü ngẽãcume̱xẽãcüma tüxü̃ ínimugü.

Ore i mexü̃ ga Matéu ümatüxü̃ 21:43

Rü ngẽmaca̱x pemaxã nüxü̃ chixu rü taxũtáma pexãchica ya Tupana ãẽ̱xgacü ixĩxü̃wa, rü ngẽma duü̃xü̃gü i aixcüma Tupanaga ĩnüexü̃ rü nüxü̃́ puracüexü̃na tá naxã i ngẽma nachica ya Tupana ãẽ̱xgacü ixĩxü̃wa.

Ore i mexü̃ ga Matéu ümatüxü̃ 21:31

Rü ñu̱xma, Pa Chacherdótegüarü Ãẽ̱xgacügü rü Yudíugüarü Ãẽ̱xgacügüx, ¡rü chomaxã nüxü̃ pixu rü ngexcürüücü ga gumá taxre ga nane ga aixcüma naxücü ga yema nanatü naxwa̱xexü̃! —ñanagürü. Rü nümagü nanangãxü̃gü rü ñanagürügü: —Gumá nüxíra namuãcü nixĩ ga naga ĩnücü —ñanagürügü. Rü yexguma ga Ngechuchu rü ñanagürü nüxü̃: —Aixcüma pemaxã nüxü̃ chixu rü ngẽma yatügü i Rómaarü ãẽ̱xgacüca̱x diẽru ngĩxü̃ dexü̃ rü ngẽma ngexü̃gü i naxü̃nemaxã taxexü̃ tá nixĩ i nüxíra pexü̃pa ichocuxü̃ ya Tupana ãẽ̱xgacü íxĩxü̃wa.

Ore i mexü̃ ga Matéu ümatüxü̃ 14:14

Rü yexguma nguewa ínaxüegu ga Ngechuchu rü nüxü̃ nadau ga yema muxü̃ma ga duü̃xü̃gü. Rü nüxü̃́ nangechaü̃tümüü̃gü. Rü nanameexẽxẽ ga yema duü̃xü̃gü ga ida̱xaweexü̃ ga naxca̱x yéma nagagüxü̃.

Ichaía 61:1

Tupanaãxẽ i Üünexü̃ rü chowa nangẽxma, erü Tupana rü choxü̃ naxuneta rü choxü̃ inamuãchi nax yíxema ngearü diẽruã̱xgüxemaxã nüxü̃ chixuxü̃ca̱x i mexü̃ i ore rü tüxü̃ chataãẽxẽẽgüxü̃ca̱x ya yíxema naxĩ̱xãchiãẽgüxe. Rü choxü̃ naxuneta nax yíxema to i nachixü̃anewa gagüxemaxã nüxü̃ chixuxü̃ca̱x nax paxa tá ítanguxü̃xü̃ rü yíxema poxcupataxü̃wa ngẽxmagüxe rü tá ta ítanguxü̃xü̃

Romanos 10:17

Dücax, rü ngẽma orexü̃ nax ixĩnüxü̃gagu nixĩ i yaxõxü̃. Rü ngẽma ore rü Cristuarü ore nixĩ.

Ore i mexü̃ ga Matéu ümatüxü̃ 12:15

Rü yexguma Ngechuchu nüxü̃ cuáchigagu nax Parichéugü yama̱xgüchaxü̃xü̃, rü ínaxũxũ ga guma ĩanewa. Rü muxü̃ma ga duü̃xü̃gü nawe narüxĩ. Rü nüma ga Ngechuchu rü nanameexẽxẽ ga guxü̃ma ga yema duü̃xü̃gü ga ida̱xaweexü̃.

Ore i mexü̃ ga Luca ümatüxü̃ 9:10

Rü yexguma nawoegu̱xgu ga yema Ngechuchuarü ngúexü̃gü ga yamugüxü̃, rü Ngechuchumaxã nüxü̃ nixugüe ga yema naxügüxü̃. Rü nüma ga Ngechuchu rü yema norü ngúexü̃gümaxã nixũgachi, rü Bechaídaarü ĩanewa namaxã naxũ.

Ore i mexü̃ ga Luca ümatüxü̃ 9:12

Rü yexguma marü nayáuanegu, rü Ngechuchuca̱x naxĩ ga yema 12 ga ngúexü̃gü ga yamugüxü̃. Rü ñanagürügü nüxü̃: —¡Íyamugü i ñaa duü̃xü̃gü nax ĩanexacügü rü naanegü ya ngaicamana ngẽxmagünewa nax naxĩxü̃ca̱x, rü ngẽxma nax napegüxü̃ca̱x rü norü õnaca̱x yataxegüxü̃ca̱x! Erü nua íngẽxmagüxü̃wa rü nataxuma i ta̱xacürü õna —ñanagürügü.