Ore i mexü̃ ga Luca ümatüxü̃ 8:8 - Tupanaarü Ore

⁸ Natürü náigü ga triguchire rü mexü̃ ga waixü̃mügu nayi. Rü yemaca̱x ga yexguma nayaegu rü muxü̃ma ga trigu nawa ínanguxuchi. Rü wüxipü̱xü ga triguwa ínanguxuchi ga 100 pü̱xü ga trigu —ñanagürü. Rü yemawena rü Ngechuchu tagaãcü ñanagürü nüxü̃ ga duü̃xü̃gü: —Rü yíxema ãchi̱xẽgüxe, rü ¡nüxü̃ taxĩnüe i ngẽma ore! —ñanagürü.

Ore i mexü̃ ga Luca ümatüxü̃ 8:8 Referans Kwoze

Ore i mexü̃ ga Matéu ümatüxü̃ 11:15

Rü yíxema ãchi̱xẽgüxe, ¡rü naga taxĩnüe i ngẽma ore!” ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:11

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema ñoma i naanewa nüxü̃ rüporamaexẽ i chixexü̃, rü taxũtáma ngẽma tama Tupanaga ĩnüexü̃ ípoxcuexü̃gu tapoxcu’ ”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:7

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema nüxü̃ rüporamaexẽ i chixexü̃ rü tá tüxü̃ chanangõ̱xẽxẽ i norü o i ngẽma ori̱x i tüxü̃ maxẽxẽxẽxü̃ i Tupanaarü ori̱xnecüwa ngẽxmaxü̃’ ”, ñanagürü.

Ore i mexü̃ ga Márcu ümatüxü̃ 4:20

Natürü nangẽxma i togü i duü̃xü̃gü i yimá triguchire i mexü̃ i waixü̃mügu yixü̃nerüxü̃ ixĩgüxü̃. Ngẽmagü nixĩ i nüxü̃ ĩnüexü̃ i ore i mexü̃ rü nayauxgüxü̃ rü Tupana naxwa̱xexü̃ãcüma mea maxẽxü̃. Rü tümaxe rü gumá trigu ga 30 pü̱xü nawa ínguxuchinerüxü̃ tixĩgü. Rü tümaxe rü gumá 60 pü̱xü nawa ínguxuchinerüxü̃ tixĩgü. Rü tümaxe rü gumá 100 pü̱xü nawa ínguxuchinerüxü̃ tixĩgü —ñanagürü.

Ore i mexü̃ ga Márcu ümatüxü̃ 4:8

Natürü náigü ga triguchire rü mexü̃ ga waixü̃mügu nayi. Rü meama nayae, rü muxü̃ma ga trigu nawa ínanguxuchi. Rü nümaxü̃neya̱xawa rü 30 pü̱xü ínanguxuchi ga norü o, rü náigüya̱xawa rü 60 pü̱xü ínanguxuchi ga norü o, rü náigüya̱xawa rü 100 pü̱xü ínanguxuchi —ñanagürü.

Ore i mexü̃ ga Matéu ümatüxü̃ 13:23

Natürü gumá triguchire ga mexü̃ ga waixü̃mügu yixü̃nerüxü̃ nixĩ i ngẽma duü̃xü̃gü i nüxü̃ ĩnüexü̃ i Tupanaarü ore, rü nüxü̃ cua̱xgüxü̃ i ta̱xacüchiga nax yixĩxü̃, rü naga ĩnüexü̃ rü mea naxca̱x maxẽxü̃. Rü tümaxe rü gumá trigu ga 100 pü̱xü nawa ínguxuchinerüxü̃ tixĩ. Rü tümaxe rü gumá 60 pü̱xü nawa ínguxuchinerüxü̃ tixĩ. Rü tümaxe rü gumá 30 pü̱xü nawa ínguxuchinerüxü̃ tixĩ —ñanagürü ga Ngechuchu.

Ucu̱xẽgüchiga 20:12

Nüma ya Cori ya Tupana, rü tüxna nanaxã i taxmachixẽ nax nüxü̃ ixĩnüxü̃ca̱x, rü tüxna nanaxã ya taxetü nax nüxü̃ idauxü̃ca̱x.

Ore i mexü̃ ga Luca ümatüxü̃ 8:15

Natürü gumá triguchire ga mexü̃ ga waixü̃mügu yixü̃ne, rü ngẽma nixĩ i duü̃xü̃gü i aixcüma taãẽãcü nayauxgüxü̃ i Tupanaarü ore, rü naga ĩnüexü̃, rü mea naxca̱x maxẽxü̃. Rü ngẽma nixĩ i duü̃xü̃gü i aixcüma Tupanawe rüxĩxü̃ rü naxügüxü̃ i ngẽma nüma nanaxwa̱xexü̃.

Yeremía 13:15

Yeremía rü Iraétanüxü̃xü̃ ñanagürü: —Pa Iraétanüxü̃x, Cori ya Tupana rü nidexa. ¡Rü mea iperüxĩnüe rü taxṹ i nüxü̃ pexoexü̃ i ngẽma pemaxã nüxü̃ chixuxü̃! Erü Cori ya Tupanaarü ore nixĩ.

Ucu̱xẽgüchiga 8:1

Ngẽma cua̱x rü tagaãcü taxca̱x naca, rü ngẽma ĩnü i mexü̃ rü tüxü̃ nüxü̃ naxĩnüxẽxẽ i naga.

Naanearü ügüchiga 26:12

Rü gumá taunecügu ga Ichaá rü yema naanegu natoe. Rü namu ga norü o yerü Cori ya Tupana nüxü̃ narüngü̃xẽxẽ.

Colosenses 1:10

Rü nüxna naxca̱x tacagü nax tórü Cori naxwa̱xexü̃ãcüma pemaxẽxü̃ca̱x rü guxü̃guma penaxüxü̃ca̱x i ngẽma nüma namaxã nataãẽxü̃. Rü nüxna naxca̱x tacagü nax pexü̃́ natauxchaxẽẽãxü̃ca̱x nax naguxü̃raü̃xü̃ i mexü̃ pexügüxü̃ca̱x, rü guxü̃ i ngunexü̃gu yexeraãcü Tupanaxü̃ pecuáxü̃ca̱x.

Efesios 2:10

Rü Tupana nixĩ ga tüxü̃ ngo̱xẽẽcü rü tüxü̃ maxẽxẽẽcü. Rü ñu̱xma rü Cristugagu tüxna nanaxã i ngẽma maxü̃ nax mexü̃ ixügüxü̃ca̱x. Rü ngẽmaãcü i ñu̱xma rü nagu taxĩ i ngẽma nacüma ga nũxcüma Tupana taxca̱x nagu rüxĩnüxü̃.

Yeremía 25:4

Rü nüma ya Cori ya Tupana rü muẽ̱xpü̱xcüna petanüwa nanamugü i norü orearü uruü̃gü, natürü i pema rü tama naga pexĩnüechaü̃, rü bai nax nüxü̃́ iperüxĩnüechaü̃xü̃ rü ípeyachaxãchitanüxü̃ nax chixexü̃ pexüxü̃.

Ore i mexü̃ ga Márcu ümatüxü̃ 4:23

Rü yíxema ãchi̱xẽgüxe, ¡rü nüxü̃ taxĩnüe i ngẽma ore! —ñanagürü.

Ore i mexü̃ ga Márcu ümatüxü̃ 7:16

Rü ngẽxguma pixãchi̱xẽgu, ¡rü nüxü̃ pexĩnüe i ngẽma ore! —ñanagürü.

Ore i mexü̃ ga Luca ümatüxü̃ 8:7

Rü náigü ga triguchire rü tuxunecügu nayi. Natürü yexguma nayaegu ga tuxugü rü gumá triguxü̃ inawocu rü nanadai.

Ore i mexü̃ ga Luca ümatüxü̃ 14:35

Rü taxuwama name. Rü woo waixü̃müarü wamüanexẽẽruü̃ca̱x rü tama name. Rü ítanata̱xmare. Rü yíxema ãchi̱xẽgüxe, ¡rü nüxü̃ taxĩnüe i ngẽma ore! —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:6

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü”.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:13

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü”.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:9

Rü ngẽxguma texé ãchi̱xẽgu, rü name nixĩ i naga taxĩnü i ñaa tá pemaxã nüxü̃ chixuxü̃. Rü ngẽxguma texé tümamaxã naxuegugu nax tüxü̃ yayauxgüxü̃, rü noxtacüma tá tiyaxu. Rü ngẽxguma texé tümamaxã naxuegugu nax taramaxã tüxü̃ yama̱xgüxü̃, rü noxtacüma tá taramaxã tüxü̃ nima̱xgü. Rü ngẽma rü wüxi i cua̱xruxü̃ nixĩ i tümaca̱x ya yíxema Tupanaarü duü̃xü̃gü ixĩgüxe. Rü woo ta̱xacürü guxchaxü̃ tüxü̃ ngupetügu, rü tanaxwa̱xe nax yáxna namaxã taxĩnüexü̃ rü tayaxõgüamaxü̃.