Ore i mexü̃ ga Luca ümatüxü̃ 8:6 - Tupanaarü Ore

⁶ Rü náigü ga triguchire rü nutatanügu nayi. Rü yexguma naxügügu ga gumá triguchire, rü nipagü rü nayuemare, yerü nataxuma ga norü waianexü̃.

Ore i mexü̃ ga Luca ümatüxü̃ 8:6 Referans Kwoze

Ore i mexü̃ ga Luca ümatüxü̃ 8:13

Rü gumá triguchire ga nutatanügu yixü̃ne, rü ngẽma nixĩ i duü̃xü̃gü i nüxü̃ ĩnüexü̃ i Tupanaarü ore rü taãẽãcü nayauxgüxü̃. Natürü tama aixcüma nagu narüxĩnüe i ngẽma ore rü paxaãchi nayaxõgü, rü yixcüra guxchaxü̃ nüxü̃ üpetügu, rü nüxü̃ narüxoe.

Popera ga Yudíugü ga yaxõgüxü̃ca̱x ümatüxü̃ 3:15

Rü ngẽmaca̱x i Tupanaarü ore i ümatüxü̃wa rü ñanagürü: “Rü ñu̱xma ega nüxü̃ pexĩnüegu i ngẽma Tupana pemaxã nüxü̃ ixuxü̃, rü tama name nax nüxü̃ pexoexü̃, yexgumarüxü̃ ga yema duü̃xü̃gü ga tama Tupanaga ĩnüexü̃”, ñanagürü.

Amúx 6:12

¿Rü nüxü̃́ natauxchaxü̃ nax nutapütawa dauxü̃ naxĩgüxü̃ i cowarugü? ¿Ẽ̱xna natauxchaxü̃ i márwa nax naxaimüaneãxü̃ i wocagü? Natürü i pema rü ngẽma mugü i duü̃xü̃güarü ngü̃xẽẽruxü̃ ixĩxü̃ rü dairuxü̃ peyanguxuchixẽxẽ. Rü ngẽma aixcüma mexü̃ rü pema rü guxchaxü̃xü̃ peyanguxuchixẽxẽ.

Echequié 36:26

Rü ngexwacaxü̃ne ya perü maxü̃ne rü ngexwaca̱xü̃xü̃ i pexãxẽ tá pexna chaxã. Rü tá pexna chanayaxu ya yima perü maxü̃ne ya ñoma nutarüxü̃ taixü̃ne. Rü wüxi ya maxü̃ne ya aixcüma mexü̃ne tá pexna chaxã.

Yeremía 5:3

Pa Corix, ngẽma naxca̱x cudauxü̃ nixĩ i duü̃xü̃gü i aixcüma cuga ĩnüexü̃. Natürü woo cunapoxcue, rü tama cuga naxĩnüechaü̃. Rü cunadai, natürü tama inaxĩnüechaü̃. Yerü nutaarü yexera nataiarü maxü̃ã̱xgü, rü tama nüxü̃ narüxoechaü̃ i nacüma i chixexü̃.

Echequié 11:19

Rü choma rü tá chanaxüchicüxü ya yima norü maxü̃ne ya taixü̃ne ñoma nutarüxü̃. Rü nüxna tá chanaxã ya wüxi ya maxü̃ne ya ngexwacaxü̃ne rü ngexwaca̱xü̃xü̃ i naãxẽ tá nüxna chaxã.

Ore i mexü̃ ga Luca ümatüxü̃ 8:5

—Wüxi ga yatü ga toecü rü triguchiremaxã nanagüane. Rü yexguma triguchiremaxã nagüaneãgu rü ñuxre ga triguchire, rü namagu nayi. Rü duü̃xü̃gü nawa nangagü, rü werigü rü nanawecu.

Ore i mexü̃ ga Luca ümatüxü̃ 8:7

Rü náigü ga triguchire rü tuxunecügu nayi. Natürü yexguma nayaegu ga tuxugü rü gumá triguxü̃ inawocu rü nanadai.