Ore i mexü̃ ga Luca ümatüxü̃ 8:44 - Tupanaarü Ore

⁴⁴ Rü yema ngecü rü Ngechuchuweama ne ĩxü̃, rü naxpechinüchirugu iyangõgü. Rü yexgumatama ínayachaxãchi ga nax naxãgüxü̃.

Ore i mexü̃ ga Luca ümatüxü̃ 8:44 Referans Kwoze

Wenaxarü naxümatü ga Tupanaarü mugü 22:12

Rü ngẽma cuxchiru i düxruxü̃ i mámüxü̃ rü name i norü ãgümücüpe̱xewa cunapaicu i norü ngã̱xãẽruü̃gü i bopü̱xüxü̃.

Ngechuchuarü ngúexü̃gü ga yamugüxü̃arü puracüchiga 19:12

Rü a̱i̱xrücü ga norü dechugü ga Pauru rü naxchirugü rü duü̃xü̃gü rü yema ida̱xaweexü̃xü̃tawa nanangegü. Rü yexguma yema ida̱xaweexü̃ nüxü̃ ingógügügu ga yema naxchiru rü ẽ̱xna dechu, rü naxca̱x nitaanegü. Rü yema duü̃xü̃gü ga ngo̱xoã̱xgüxü̃ rü ta naxca̱x nitaanegü.

Maraquía 4:2

Natürü i pemax nax aixcüma choxü̃ pengechaü̃güxü̃ rü chaucüma tá meama pewa nango̱x ñoma üa̱xcü nangóanexẽẽxü̃rüxü̃ rü taãxẽ ixãxü̃rüxü̃. Rü pemax rü taãẽmaxã tá piyuxnagütanü ñoma wocaxacügü naxpüü̃wa iyayi̱xü̃rüxü̃.

Ore i mexü̃ ga Cuáü̃ ümatüxü̃ 5:13

Natürü ga gumá yatü rü tama nüxü̃ nacua̱x ga texé naxca̱x nax yataanexẽẽxü̃, yerü namuxũchi ga duü̃xü̃gü ga yéma, rü nüma ga Ngechuchu rü duü̃xü̃güna nixũgachi.

Ore i mexü̃ ga Luca ümatüxü̃ 13:13

Rü yexguma rü ngĩxü̃ ningõgü, rü yexgumatama iyarüwe̱xãchiwemüxü̃, rü inaxügü nax Tupanaxü̃ yacua̱xüxü̃xü̃.

Ore i mexü̃ ga Luca ümatüxü̃ 7:38

Rü naxauxãcüma Ngechuchucutüxü̃tawa iyarütoxõchi. Rü ngĩxgüxü̃xetümaxã iyawaicutüxẽxẽ. Rü ngĩyaemaxã ínapicutü, rü inachúxcutü. Rü ñu̱xũchi yema pumaramaxã inachacutü.

Ore i mexü̃ ga Márcu ümatüxü̃ 6:56

Rü guxü̃wama ga ngextá íyanguchigüxü̃wa ga Ngechuchu, ga ĩanexacügüwa rü ĩanegüwa, rü naanegüwa, rü yexma namacüwagu naxca̱x nayamugü ga ida̱xaweexü̃. Rü nüxü̃ naca̱a̱xü̃gü nax tama nüxna nachúxãxü̃ca̱x nax naxchirupechinügumare yangõgügüxü̃ca̱x. Rü guxü̃ma ga yema nüxü̃ ingõgüexü̃, rü naxca̱x nitaanegü.

Ore i mexü̃ ga Matéu ümatüxü̃ 20:34

Rü yexguma ga Ngechuchu rü nüxü̃́ nangechaü̃tümüxü̃gü, rü naxetügügu ningõgü. Rü yexgumatama nidauchigü, rü Ngechuchuwe narüxĩ.

Ore i mexü̃ ga Matéu ümatüxü̃ 8:3

Rü yexguma ga Ngechuchu rü nüxü̃ ningõgü, rü ñanagürü nüxü̃: —Ngü̃, chanaxwa̱xe. ¡Rüme! —ñanagürü. Rü yexguma yema ñaxgu ga Ngechuchu, rü naxca̱x nitaane ga gumá yatü ga rüchaxünecü.

Ínachoxü̃xü̃chiga 15:26

Rü Tupana rü ñanagürü nüxü̃: —Ngẽxguma chi ipexĩnüegu i ngẽma pemaxã nüxü̃ chixuxü̃, rü penaxü̱xgu i ngẽma namaxã chataãẽxü̃, rü naga pexĩnüegu i ngẽma chorü ucu̱xẽgü, rü peyanguxẽẽ̱xgu i ngẽma mugü, rü taxuxü̃táma núma pexca̱x chanamu i ngẽma da̱xaweanegü ga Equítuanecüã̱xgüca̱x yéma chamuxü̃. Erü choma nixĩ i perü Cori ya Tupana i pexü̃ charümeexẽẽxü̃ chixĩxü̃ —ñanagürü.

Ngechuchuarü ngúexü̃gü ga yamugüxü̃arü puracüchiga 5:15

Rü nüma ga duü̃xü̃gü rü ĩanearü namagügu nayamugüxü̃ ga ida̱xaweexü̃ norü pechicaxü̃gümaxã rü norü caruü̃gümaxã nax yexguma Pedru yéma üpetügu, rü naxchipetamare nüxna nguxü̃ca̱x.

Ore i mexü̃ ga Matéu ümatüxü̃ 9:20

Rü yexguma namagu yaxũxyane rü wüxi ga ngecü ga 12 ga taunecü ãgüechacü rü Ngechuchuweama ne ixũ. Rü naxpechinüchirugu iyangõgü.

Ore i mexü̃ ga Luca ümatüxü̃ 8:43

Rü yema duü̃xü̃gütanüwa iyexma ga wüxi ga ngecü ga 12 ga taunecü ãgüechacü. Rü yemamaxã iyada̱xaweecha. Rü dutúrugüxü̃tagu ngĩxü̃ igu̱xẽxẽ ga guxcü ga ngĩrü diẽru, natürü taxuxü̃ma ngĩxca̱x nayataanexẽxẽ.

Ore i mexü̃ ga Luca ümatüxü̃ 8:45

Rü yexguma ga Ngechuchu rü duü̃xü̃güna naca, rü ñanagürü: —¿Texé tixĩ ya choxü̃ ingõgüxe? —ñanagürü. Rü guxü̃ma ga duü̃xü̃gü rü: —Taxúema —ñanagürügü. Rü yexguma ga Pedru rü namücügü rü ñanagürügü: —Pa Ngúexẽẽruxü̃x, cuma nüxü̃ cudau i ñuxre i duü̃xü̃gü ngéma cuxü̃ nax nayaxũxtügüxü̃, rü ngẽxguma rü ta: “¿Texé ya choxü̃ ingõgüxe?” ñacuxü̃ —ñanagürügü.