Ore i mexü̃ ga Luca ümatüxü̃ 8:33 - Tupanaarü Ore

³³ Rü yexguma ga yema ngo̱xogü rü gumá yatüwa ínachoxü̃ rü yema cuchigügu nayachocu. Rü guxü̃ma ga yema cuchigü rü inaxü̃ãchi, rü naxtaxacutüarü ma̱xpǘxü̃wa nayarüyuxgü, rü yexma nayi.

Ore i mexü̃ ga Luca ümatüxü̃ 8:33 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 9:11

Rü yema munügüarü ãẽ̱xgacü, rü yema ãxmaxü̃ ga taguma iyacuáxü̃arü dauruxü̃ nixĩ. Rü Yudíugügawa rü yema munügüarü ãẽ̱xgacü, rü Abadóü̃ nixĩ. Rü Griégugügawa rü Apirióü̃ nixĩ.

Nüxíraxü̃xü̃ ga popera ga Pedru ümatüxü̃ 5:8

Rü name nixĩ i guxü̃guma pegüna pedaugü rü ípexuãẽgü, erü perü uanü i Chataná rü ñoma wüxi ya leóü̃ ya idüraxüchicürüxü̃ nanañaane rü tümaca̱x nadau nax texéxü̃ tá chixexü̃gu nanguxẽẽxü̃.

Ore i mexü̃ ga Cuáü̃ ümatüxü̃ 8:44

Penatü rü chataná nixĩ rü pema rü naxacügü pixĩgü. Rü ngẽmaca̱x penaxü i ngẽma nüma pexü̃́ nanaxwa̱xexü̃. Rü ngẽma chataná rü noxriarü ügügumama wüxi i máẽtaxü̃ nixĩ. Rü taguma ore i aixcümaxü̃gu narüxĩnü rü taguma ore i aixcümaxü̃ nixu. Rü ngẽxguma yadexaxgu rü doraxü̃xicatama nixu, erü nüma rü wüxi i dorata̱xáxü̃ nixĩ. Rü guxü̃ma i dorata̱xaxü̃natü nixĩ.

Ore i mexü̃ ga Matéu ümatüxü̃ 8:32

Rü yexguma ga Ngechuchu, rü ñanagürü nüxü̃: —Ẽcü, ¡ngẽmagu peyachocu! —ñanagürü. Rü yexguma ga yema ngo̱xogü rü ínachoxü̃ nawa ga yema taxre ga yatügü, rü yema cuchigügu nayachocu. Rü guxü̃ma ga yema cuchigü rü inaxü̃ãchi, rü ma̱xpǘxü̃wa nayarüyuxgü, rü yexma naxtaxagu nayi.

Ore i mexü̃ ga Luca ümatüxü̃ 5:1

Rü wüxicana ga yexguma naxtaxa ga Guenecharéxanacüwa nayexmagu ga Ngechuchu, rü muxü̃ma ga duü̃xü̃gü rü naxü̃tawa nangugü. Rü düxwa yéma nayaxãũxtügü, yerü nüxü̃ naxĩnüechaü̃ ga Tupanaarü ore.

Ore i mexü̃ ga Luca ümatüxü̃ 8:32

Rü guma ma̱xpǘnearü tuãchiwa nayexmagü ga muxü̃ma ga cuchigü ga yéma chibüexü̃. Rü yemaca̱x ga yema ngo̱xogü rü Ngechuchuxü̃ naca̱a̱xü̃gü nax yema cuchigügu nayachocuxü̃ca̱x. Rü Ngechuchu rü: —Ngü̃ —ñanagürü.

Ore i mexü̃ ga Luca ümatüxü̃ 8:34

Rü yexguma yema cuchigüarü dauruü̃gü nüxü̃ daugügu ga yema ngupetüxü̃, rü naba̱i̱xãchiãẽgü rü ínibuxmü. Rü ĩanewa nüxü̃ nayarüxugüe, rü yema ĩanearü ngaicamana ipeagüxü̃ ga duü̃xü̃gütanüwa rü ta nüxü̃ nixugügü.