Ore i mexü̃ ga Luca ümatüxü̃ 8:32 - Tupanaarü Ore

³² Rü guma ma̱xpǘnearü tuãchiwa nayexmagü ga muxü̃ma ga cuchigü ga yéma chibüexü̃. Rü yemaca̱x ga yema ngo̱xogü rü Ngechuchuxü̃ naca̱a̱xü̃gü nax yema cuchigügu nayachocuxü̃ca̱x. Rü Ngechuchu rü: —Ngü̃ —ñanagürü.

Ore i mexü̃ ga Luca ümatüxü̃ 8:32 Referans Kwoze

Ichaía 66:3

Natürü ngẽma duü̃xü̃gü i chixexü̃gu maxẽxü̃ rü nanaxügü i ngẽma nümatama nagu naxĩnüexü̃. Rü ngẽxguma cha̱u̱xca̱x yama̱xgüãgu i wüxi i woca i yatüxü̃ rü cha̱u̱xca̱x rü ñoma wüxi ya duü̃xẽ tüxü̃ yama̱xgüxü̃rüxü̃ nixĩgü. Rü ngẽxguma cha̱u̱xca̱x yama̱xgüãgu i wüxi i carnéru rü cha̱u̱xca̱x rü ñoma wüxi ya airu cha̱u̱xca̱x yama̱xgüãxü̃rüxü̃ nixĩgü. Rü ngẽxguma choxna naxãgüãgu i norü ãmare i trigu rü cha̱u̱xca̱x ñoma cuchiarü nagü choxna naxãgüxü̃rüxü̃ nixĩgü. Rü ngẽxguma pumarate̱xe cha̱u̱xca̱x yagugügu rü cha̱u̱xca̱x ñoma wüxi i naxchicüna̱xãca̱x yagugüãxü̃rüxü̃ nixĩgü. Rü ngẽma duü̃xü̃gü i ngẽma ügüxü̃ rü taãẽãcü nanaxü i guxü̃ma i ngẽma chixexü̃.

Ichaía 65:4

Rü ngẽma duü̃xü̃gü rü yuetamaü̃güwa narütogü rü ãxmaxü̃gügu napegü nax ngéma yuetaxü̃ yacua̱xüü̃güxü̃ca̱x. Rü nanangõ̱xgü i chu̱xuxü̃ i cuchimachi, rü norü paneragü rü ngẽma namachitüü̃maxã nayaxüãcugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:7

Rü ngẽxguma marü nangupetügu ya yimá 1,000 ya taunecü, rü Chataná rü tá ninge̱x i ngẽma ínapoxcuxü̃wa.

Nüxíraxü̃xü̃ ga popera ga Cuáü̃ ümatüxü̃ 4:4

Pa Chauxacügüx, pema rü Tupanaxacügü pixĩgü. Rü marü nüxü̃ perüyexera i ngẽma dorata̱a̱xgüxü̃. Erü ngẽma Tupanaãxẽ ya Üünecü i peãẽwa ngẽxmaxü̃ rü marü nüxü̃ narüyexera i ngẽma Cristuarü uanü i ñoma i naanewa ngẽxmaxü̃.

Ore i mexü̃ ga Cuáü̃ ümatüxü̃ 19:11

Rü Ngechuchu nanangãxü̃, rü ñanagürü: —Taxũchima cuxme̱xwa changexma ega tama Tupana naxwa̱xegu. Rü ngẽmaca̱x i ngẽma cuxna choxü̃ muxü̃ rü curü yexera poraãcü napecaduã̱x —ñanagürü.

Wiyaegü 62:11

Tupana rü wüxi i orexü̃ nixu, rü choma rü marü taxree̱xpü̱xcüna nüxü̃ chaxĩnü i ngẽma ore. Cuma, Pa Corix, rü cupora rü aixcüma toxü̃ cungechaü̃. Rü yíxema mexü̃ ügüxe rü cuma rü tá tüxna cunaxã i ngẽma natanü i tüxna üxü̃. Natürü yíxema chixexü̃ ügüxe rü tá tanayaxu i ngẽma poxcu i tüxna üxü̃.

Yox 2:6

Rü nüma ga Cori ya Tupana rü Chatanáxü̃ nangãxü̃ga rü ñanagürü: —Marü name. ¡Rü namaxã naxü i ngẽma cuma cunaxwa̱xexü̃, natürü taxũtáma nüxna cunayaxu i norü maxü̃! —ñanagürü.

Yox 1:12

Rü nüma ga Cori ya Tupana rü Chatanáxü̃ nangãxü̃ rü ñanagürü: —Marü name. ¡Ẽcü naxü i ta̱xacü i cuma cunaxwa̱xexü̃ namaxã i guxü̃ma i norü ngẽmaxü̃gü ya yimá Yox! Natürü tama chanaxwa̱xe nax namaxãxü̃chi chixexü̃ cuxüxü̃ —ñanagürü. Rü yexguma ga nüma ga Chataná rü Cori ya Tupanana nixũgachi.

Yox 1:10

Erü cuma rü cunachu̱xu nax taxúema guxchaxü̃ namaxã üxü̃ca̱x i nümax rü guxcüma ya nanegü rü naxacüã̱xgü rü norü ngẽmaxü̃gü. Rü cuma rü nüxü̃ curüngü̃xẽxẽ i guxü̃ma i ta̱xacü inaxüxü̃wa, rü ngẽmaca̱x i nüma i ñu̱xma rü wüxi ya yatü ya guxãarü yexera muarü wocaã̱xü̃chicü nixĩ nawa i ngẽma naane.

Nüxíraxü̃xü̃ ga popera ga ãẽ̱xgacügüchiga 22:22

Rü nüma ga yema daxũcüã̱x rü Tupanaxü̃ nangãxü̃ rü ñanagürü: “Choma rü tá doramare i ore naãxẽwa changu̱xẽxẽ i guxü̃ma i ngẽma Acáxarü orearü uruü̃gü”, ñanagürü. Rü yexguma ga nüma ga Cori ya Tupana rü ñanagürü nüxü̃: “Cuma i nüxü̃ cucuáxü̃ nax ngẽma cuxüxü̃” —ñanagürü.

Lebítanüxü̃arü puracüchiga 11:7

Rü ngẽxgumarüxü̃ i cuchi rü woo nataxrepatü natürü tama wena niyóxmüwemü. Rü ngẽmaca̱x tá namaxã nagu perüxĩnüe nax wüxi i naeü̃ i tama mexü̃ yixĩxü̃ nax penangṍxü̃.

Ore i mexü̃ ga Matéu ümatüxü̃ 7:6

Rü tama name i Tupanaarü ore i üünexü̃maxã penachixewe i ngẽma duü̃xü̃gü i tama yaxõgüchaü̃xü̃, erü ngürüãchi ngẽmaca̱x tá pexü̃ nadai. Rü tama name i Tupanaarü oremaxã penachixewe i ngẽma duü̃xü̃gü i tama nüxü̃ cua̱xgüchaü̃xü̃, erü tá ínanata̱xgü.

Ore i mexü̃ ga Luca ümatüxü̃ 8:31

Rü yema ngo̱xogü rü Ngechuchuna nacagü ga tama ngẽma ãxmaxü̃ i taguma iyacuáxü̃gu nax nawocuãxü̃ca̱x.

Ore i mexü̃ ga Luca ümatüxü̃ 8:33

Rü yexguma ga yema ngo̱xogü rü gumá yatüwa ínachoxü̃ rü yema cuchigügu nayachocu. Rü guxü̃ma ga yema cuchigü rü inaxü̃ãchi, rü naxtaxacutüarü ma̱xpǘxü̃wa nayarüyuxgü, rü yexma nayi.