Ore i mexü̃ ga Luca ümatüxü̃ 8:27 - Tupanaarü Ore

²⁷ Rü yexguma marü nguewa ínaxüegu ga Ngechuchu, rü naxca̱x nixũ ga wüxi ga yatü ga gumá ĩanecüã̱x ga mucü ga taunecü ngo̱xogü nawa yexmagücü. Rü guxü̃guma nangexchiruecha. Rü tama wüxi ya ĩpatawa nayexma, rü duü̃xẽchíque̱xetanügu nayarüxauxchigünexü̃.

Ore i mexü̃ ga Luca ümatüxü̃ 8:27 Referans Kwoze

1 Chamué 19:24

Rü naétü ínacuxuchi ga naxchiru, rü guxü̃ma ga yema ngunexü̃ rü chütaxü̃ rü Chamuépe̱xewa ngexchiruãcü Tupanaarü oremaxã nidexa. Rü ngéma nixĩ i nangóxü̃ i ore i ñaxü̃: —¿Chaú rü ta ẽ̱xna Tupanaarü orearü uruxü̃ nixĩ? —ñaxü̃.

Iraétanüxü̃arü muxchiga 19:16

Yíxema duü̃xẽ ya nüxü̃ ingógüxe i wüxi i duü̃xü̃ i naanegu yama̱xgüxü̃ rüe̱xna ngẽxma yumarexe, rüe̱xna yuxetachina̱xãxü̃ ingógüxe, rüe̱xna wüxi i naxchique̱xexü̃ ingógüxe, rü 7 i ngunexü̃ tá chope̱xewa taxãũãchi.

Ichaía 65:4

Rü ngẽma duü̃xü̃gü rü yuetamaü̃güwa narütogü rü ãxmaxü̃gügu napegü nax ngéma yuetaxü̃ yacua̱xüü̃güxü̃ca̱x. Rü nanangõ̱xgü i chu̱xuxü̃ i cuchimachi, rü norü paneragü rü ngẽma namachitüü̃maxã nayaxüãcugü.

Ore i mexü̃ ga Matéu ümatüxü̃ 4:24

Rü duü̃xü̃gü rü Ngechuchuchigaxü̃ nixugügü ga guxü̃ma ga Chíriaanewa. Rü naxü̃tawa nanagagü ga naguxü̃raü̃xü̃ ga da̱xaweanemaxã idaaweexü̃. Rü nayexma ga duü̃xü̃gü ga ngúanemaxã idaaweexü̃, rü duü̃xü̃gü ga poraãcü naxü̃newa nangúexü̃, rü duü̃xü̃gü ga ngo̱xo nawa yexmaxü̃, rü duü̃xü̃gü ga óxwaa̱xgüxü̃, rü duü̃xü̃gü ga nawãĩxãchigüxü̃. Rü Ngechuchu nanameexẽxẽ ga guxü̃ma ga yema.

Ore i mexü̃ ga Márcu ümatüxü̃ 5:15

Rü yexguma Ngechuchu íyexmaxü̃wa nangugügu, rü yéma nüxü̃ nadaugü ga gumá yatü ga ngo̱xo nawa yexmagüchirécü. Rü yéma narüto, rü naxãxchiru, rü meama naãxẽxü̃ nacua̱x. Rü poraãcü naba̱i̱xãchiãẽgü ga duü̃xü̃gü.

Ore i mexü̃ ga Luca ümatüxü̃ 8:26

Rü düxwa Gadáraanewa nangugü ga naxtaxaarü tocutüwa ga Gariréaanearü to̱xma̱xtawa yexmaxü̃.

Ore i mexü̃ ga Luca ümatüxü̃ 8:28

Rü yexguma Ngechuchuxü̃ nada̱u̱xgu, rü nape̱xegu nayacaxã́pü̱xü. Rü aita naxüãcüma ñanagürü: —¿Tü̱xcüü̃ nua choxü̃ cuyachixewe, Pa Ngechuchux, Pa Tupana ya Guxü̃étüwa Ngẽxmacü Nanex? Rü cuxü̃ chaca̱a̱xü̃ nax tama ngúxü̃ choxü̃ quingexẽxẽxü̃ —ñanagürü.