Ore i mexü̃ ga Luca ümatüxü̃ 8:18 - Tupanaarü Ore

¹⁸ ¡Mea iperüxĩnüe i ñu̱xmax! Erü texé ya nüxü̃ cuáxe rü naga ĩnüxe i ngẽma ore i mexü̃, rü Tupana rü tá yexeraxü̃ i cua̱x tüxna naxã. Natürü yíxema tama naga ĩnüxe i ngẽma ore, rü woo ngẽma cua̱x i nagu tarüxĩnüxü̃ nax tüxü̃́ nangẽxmaxü̃ rü tá tüxna nanayaxu —ñanagürü.

Ore i mexü̃ ga Luca ümatüxü̃ 8:18 Referans Kwoze

Ore i mexü̃ ga Matéu ümatüxü̃ 13:12

Rü yíxema aixcüma naga ĩnüxe i chorü ore, rü tá yexera i cua̱x tüxü̃́ nangẽxma. Rü ngẽmaãcü tá nata i tümaarü cua̱x. Natürü yíxema tama naga ĩnüxe i ñaa ore rü tá tüxna nanayaxu i ngẽma íxraxü̃ i cua̱x i tüxü̃́ ngẽxmachiréxü̃.

Ore i mexü̃ ga Luca ümatüxü̃ 19:26

Rü gumá ãẽ̱xgacü nanangãxü̃, rü ñanagürü: “Pemaxã nüxü̃ chixu rü yíxema tüxü̃́ nangẽxmacü rü yexera tá tüxna ngĩxü̃ taxã. Natürü yíxema tüxü̃́ natau̱xcü rü woo ngẽma noxre i tüxü̃́ ngẽxmacü rü tá tüxna ngĩxü̃ tayaxu.

Ore i mexü̃ ga Matéu ümatüxü̃ 25:29

Erü yíxema tüxü̃́ nangẽxmacü rü yexera tá tüxna ngĩxü̃ taxã, rü ngẽmaãcü tá tüxü̃́ imuxũchi. Natürü yíxema tüxü̃́ natau̱xcü rü woo ngẽma noxre i tüxü̃́ ngẽxmacü rü tá tüxna ngĩxü̃ tayaxu.

Ore i mexü̃ ga Cuáü̃ ümatüxü̃ 15:2

Rü ngẽma úbachacüxü i tama choxü̃́ oxü̃, rü norü yora rü nayadae. Natürü ngẽma nachacüxü i oxü̃, rü mea nanamexẽẽtanü nax yexeraãcü poraãcü naxoxü̃ca̱x.

Popera ga Yudíugü ga yaxõgüxü̃ca̱x ümatüxü̃ 2:1

Rü ñu̱xma nax nüxü̃ icuáxü̃ nax guxü̃ma i Tupanaarü orearü ngeruü̃gü i daxũcüã̱xarü yexera yixĩxü̃ ya Nane, rü ngẽmaca̱x name nax yexeraãcü mea naga ixĩnüexü̃ i ngẽma ore i Nanechiga nüxü̃ ixĩnüexü̃ nax tama nüxna ixĩgachixü̃ca̱x nax yaxõgüxü̃.

1 Corintios 14:37

Rü ngẽxguma chi texé tügügu rüxĩnügu nax Tupanaarü orearü uruxü̃ tixĩxü̃ rü ẽ̱xna tügügu tarüxĩnügu nax Tupanaãxẽ ya Üünecü tüxna naxãxü̃ i ta̱xacürü cua̱x, rü name nixĩ i nüxna tacua̱xãchi nax tórü Coriarü mu yixĩxü̃ i ñaa ore i pexca̱x chaxümatüxü̃.

1 Corintios 8:2

Rü ngẽxguma chi texé tügügu rüxĩnügu nax nüxü̃ tacuáxü̃, rü name nixĩ i tügügu tarüxĩnü nax tama aixcüma nüxü̃ tacuáxü̃ i guxü̃ma i ngẽma cua̱x.

1 Corintios 3:18

Tama name i texé tügütama tawomüxẽxẽ. Rü ngẽxguma petanüwa texé tügügu rüxĩnügu nax aixcüma nüxü̃ tacuáxü̃ i ñoma i naanearü cua̱x, rü name nixĩ i ñoma taxuxü̃ma tacuáxü̃rüxü̃ tügü tixĩxẽxẽ. Rü ngẽxguma tá nixĩ i wüxi i duü̃xü̃ i aixcüma nüxü̃ cuáxe tixĩxü̃.

Romanos 12:3

Rü Tupana ya chomaxã mecümacü, rü choxü̃ namu nax pemaxã nüxü̃ chixuxü̃ca̱x i guxãma i pemax nax tama namexü̃ nax texé i petanüwa tügü írütaxü̃ rü tügügu tarüxĩnüxü̃ nax togüarü yexera tixĩxü̃. Natürü name nixĩ nax wüxichigü mea tügü ngugüarü maxü̃ã́xü̃ rü tügügu rüxĩnüxü̃ nax Tupana yixĩxü̃ i tüxna naxãxü̃ i tümaarü cua̱x wüxigu namaxã i tümaarü õ.

Ngechuchuarü ngúexü̃gü ga yamugüxü̃arü puracüchiga 17:11

Rü yema togü ga Yudíugü ga Techarónicawa yexmagüxü̃arü yexera narümemaegü ga yema Yudíugü ga Beréacüã̱x. Rü norü ngúchaü̃maxã meama nanayauxgü ga yema ore. Rü guxü̃ ga ngunexü̃gu rü Tupanaarü ore ga ümatüxü̃wa nangúe nax mea nüxü̃ nacua̱xgüxü̃ca̱x rü aixcüma yixĩ ga yema ore ga Pauru rü Chíra namaxã nüxü̃ ixugüxü̃.

Ngechuchuarü ngúexü̃gü ga yamugüxü̃arü puracüchiga 10:33

Rü yemaca̱x rü yexgumatama paxa cuxca̱x yéma chanamugü, rü cuma rü mexü̃ toxca̱x cuxü erü núma cuxũ. Rü ñu̱xma i guxãma i toma rü Tupanape̱xewa tangexmagü. Rü nüxü̃ taxĩnüechaü̃ i guxü̃ma i ngẽma ore i Cori namaxã núma cuxü̃ muxü̃ nax tomaxã nüxü̃ quixuxü̃ca̱x —ñanagürü ga Cornériu.

Ore i mexü̃ ga Luca ümatüxü̃ 9:44

—¡Mea iperüxĩnüe i ñaa pemaxã nüxü̃ chixuxü̃! ¡Rü taxṹ i nüxü̃ ipeyarüngümaexü̃! Rü Tupana Nane ya duü̃xü̃xü̃ ixĩcü, rü tá duü̃xü̃güme̱xẽgu nangu̱xẽẽãxü̃ —ñanagürü.

Filipenses 3:4

Rü ngẽxguma chi aixcüma Tupanape̱xewa imexgu nawa i ngẽma nax íwiecha̱xmüü̃pe̱xechiraü̃xü̃, rü choma chi waxi nixĩ i guxü̃ i togüarü yexera choxü̃́ nangẽxma i ta̱xacüca̱x chayaxõxü̃ i ngẽma Yudíugücüma. Rü tataxuchima ya togue ya chorü yexera yaxṍxe i ngẽmachiga.

Ore i mexü̃ ga Márcu ümatüxü̃ 13:14

Rü ngẽxguma nüxü̃ peda̱u̱xgu i ngẽma ãũãchixü̃ i ãũcümaxü̃chixü̃ i chixexẽẽruxü̃ i ngextá tama ínaxwa̱xexü̃wa nax nangẽxmaxü̃, rü ngẽxguma ya yíxema Yudéaanewa ngẽxmagüxe rü tanaxwa̱xe i ma̱xpǘneanewa tabuxmü. (Rü texé ya yíxema nüxü̃ daumatüxe, rü name nixĩ i mea nagu tarüxĩnü i ngẽma.)

Ucu̱xẽgüchiga 14:12

Nangexma i nacümagü i taxca̱x mexü̃ nax nagu ixũxü̃, natürü ngẽma iyacuáxü̃wa rü yu nixĩ.