Ore i mexü̃ ga Luca ümatüxü̃ 8:15 - Tupanaarü Ore

¹⁵ Natürü gumá triguchire ga mexü̃ ga waixü̃mügu yixü̃ne, rü ngẽma nixĩ i duü̃xü̃gü i aixcüma taãẽãcü nayauxgüxü̃ i Tupanaarü ore, rü naga ĩnüexü̃, rü mea naxca̱x maxẽxü̃. Rü ngẽma nixĩ i duü̃xü̃gü i aixcüma Tupanawe rüxĩxü̃ rü naxügüxü̃ i ngẽma nüma nanaxwa̱xexü̃.

Ore i mexü̃ ga Luca ümatüxü̃ 8:15 Referans Kwoze

Popera ga Yudíugü ga yaxõgüxü̃ca̱x ümatüxü̃ 10:36

Rü ngẽma guxchaxü̃gü i pexca̱x íngugüxü̃, rü name nixĩ i yáxna namaxã pexĩnüe nax penaxüxü̃ca̱x i Tupanaarü ngúchaü̃ rü penayaxuxü̃ca̱x i ngẽma ãmare i pemaxã inaxunetaxü̃.

Ore i mexü̃ ga Luca ümatüxü̃ 6:45

Rü wüxi ya mecü ya yatü rü mexü̃ i orexü̃ nixu, erü naãxẽwa rü aixcüma mexü̃gu narüxĩnü. Natürü wüxi i yatü i chixecümaxü̃ rü chixexü̃ i orexü̃ nixu, erü chixexü̃gu narüxĩnü. Rü ngẽma naãxẽwa ngẽxmaxü̃ i chixexü̃ nixĩ i nüxü̃ yaxuxü̃.

Nüxíraxü̃xü̃ ga popera ga Cuáü̃ ümatüxü̃ 2:3

Rü ngẽxguma chi naga ixĩnüegu i norü mugü, rü nüxü̃ tacua̱x nax aixcüma Tupanaxü̃ icuáxü̃.

Colosenses 1:10

Rü nüxna naxca̱x tacagü nax tórü Cori naxwa̱xexü̃ãcüma pemaxẽxü̃ca̱x rü guxü̃guma penaxüxü̃ca̱x i ngẽma nüma namaxã nataãẽxü̃. Rü nüxna naxca̱x tacagü nax pexü̃́ natauxchaxẽẽãxü̃ca̱x nax naguxü̃raü̃xü̃ i mexü̃ pexügüxü̃ca̱x, rü guxü̃ i ngunexü̃gu yexeraãcü Tupanaxü̃ pecuáxü̃ca̱x.

Colosenses 1:6

Rü ngẽmatama ore i mexü̃ ga pexü̃tawa nguxü̃, rü guxü̃wama nangu i ñu̱xmax. Rü ngẽma ore rü guxü̃wama duü̃xü̃güarü maxü̃xü̃ naxüchicüü, yema perü maxü̃xü̃ nax naxüchicüüxü̃rüxü̃ ga yexguma nüxü̃ pexĩnüegu nax Tupana pexü̃ ngechaü̃güxü̃ rü nüxü̃ pecua̱xgügu nax aixcüma yixĩxü̃ ga yema norü ore.

Ore i mexü̃ ga Cuáü̃ ümatüxü̃ 14:15

Rü ngẽxguma aixcüma choxü̃ pengechaü̃gu, rü naga tá pexĩnüe i chorü mugü.

Ore i mexü̃ ga Luca ümatüxü̃ 11:28

Natürü ga Ngechuchu rü ñanagürü: —Yexeraãcü tataãxẽgü ya yíxema nüxü̃ ĩnüexe i Tupanaarü ore rü naga ĩnüexe —ñanagürü.

Filipenses 1:11

Rü naxca̱x íchaca nax Ngechuchu ya Cristu pexü̃ rüngü̃xẽẽxü̃ca̱x nax aixcüma namexü̃ca̱x i perü maxü̃ rü aixcüma penaxüxü̃ca̱x i ngẽma Tupanape̱xewa mexü̃ nax ngẽmaãcü Tupanaga pexĩnüexü̃ca̱x rü nüxü̃ picua̱xüü̃güxü̃ca̱x.

Romanos 7:4

Rü ngẽxgumarüxü̃ ta i pemax, Pa Chauenexẽgüx, rü ngẽxguma Cristuaxü̃́ peyaxõgügü̃ rü Cristu nayuxü̃rüxü̃ na̱xcha̱xwa peyue i ngẽma mugü. Rü ngẽmaca̱x i ñu̱xma rü marü tama ngẽma mugütüü̃wa pengẽxmagü erü Cristu ga yuwa írüdacüme̱xẽwa tangexmagü. Rü ngẽmaãcü Tupana tüxü̃ narüngü̃xẽxẽ nax naxca̱x imaxẽxü̃ca̱x, rü norü ngúchaü̃ ixügüxü̃ca̱x.

Romanos 6:22

Natürü ñu̱xma nax ngẽma pecaduna ípenguxü̃xü̃ rü marü Tupanaarü duü̃xü̃gü pixĩgü rü naxca̱x nixĩ i pemaxẽxü̃. Rü ngẽma nixĩ i aixcüma pexü̃́ mexü̃ erü ngẽmagagu penayaxu i maxü̃ i üünexü̃ i ñu̱xma, rü ngẽmawena tá penayaxu i maxü̃ i taguma gúxü̃.

Ore i mexü̃ ga Cuáü̃ ümatüxü̃ 15:10

Choma rü naga chaxĩnü i Chaunatüarü mugü rü nüma rü guxü̃guma choxü̃ nangechaü̃. Rü ngẽxgumarüxü̃ ta ega naga pexĩnüegu i chorü mugü, rü guxü̃gutáma pexü̃ changechaü̃.

Ore i mexü̃ ga Matéu ümatüxü̃ 24:13

Natürü yíxema naétüwa mea Tupanaaxü̃́ yaxõõmáxẽ rü yíxema tá tixĩ ya aixcüma nayaxúxe i maxü̃ i taguma gúxü̃.

Wenaxarü naxümatü ga Tupanaarü mugü 30:6

Rü nüma ya perü Cori ya Tupana rü peãẽwa rü petaagüãẽwa tá nayanaxoxẽxẽ i ngẽma chixexü̃ i ngéma ngẽxmaxü̃ nax ngẽmaãcü aixcüma nüxü̃ pengechaü̃güxü̃ca̱x perü maxü̃nemaxã rü peãẽmaxã nax ngẽmaãcü pexü̃́ nangẽxmaxü̃ca̱x i perü maxü̃.

Popera ga Yudíugü ga yaxõgüxü̃ca̱x ümatüxü̃ 2:1

Rü ñu̱xma nax nüxü̃ icuáxü̃ nax guxü̃ma i Tupanaarü orearü ngeruü̃gü i daxũcüã̱xarü yexera yixĩxü̃ ya Nane, rü ngẽmaca̱x name nax yexeraãcü mea naga ixĩnüexü̃ i ngẽma ore i Nanechiga nüxü̃ ixĩnüexü̃ nax tama nüxna ixĩgachixü̃ca̱x nax yaxõgüxü̃.

Efesios 2:8

Rü Tupanaarü ngechaü̃gagu penayaxu i maxü̃ i taguma gúxü̃ yerü peyaxõgü. Rü ngẽma maxü̃ rü tama pegünatama penaxã, natürü Tupana nixĩ ga pexna naxãmarecü ga yema.

1 Corintios 7:19

Erü Tupanape̱xewa rü nüetama nixĩ ega wüxi i duü̃xü̃ rü ínawíecha̱xmüü̃pe̱xechiraü̃gu rü ẽ̱xna tama. Erü ngẽma Tupana aixcüma naxwa̱xexü̃ nixĩ nax naga naxĩnüxü̃ i wüxichigü i duü̃xü̃.

Romanos 7:18

Rü choma nüxü̃ chacua̱x rü wüxi i pecaduã́xü̃ i duü̃xü̃mare chixĩ, rü ngẽmaca̱x chowa rü nataxuma i ta̱xacü i mexü̃. Rü woo chanaxwa̱xe nax mexü̃ chaxüxü̃, natürü tama chomaxã nanguxü̃ nax chanaxüxü̃.

Romanos 2:7

Rü maxü̃ i taguma guxü̃maxã Tupana tá tüxü̃́ nanaxütanü ya yíxema guxü̃guma mexü̃ taxügüãcüma naxca̱x daugüxe nax Tupana tümamaxã taãẽxü̃ rü naxca̱x daugüxe nax Tupanaxü̃tawa tangugüxü̃.

Yeremía 31:33

Rü ñaa tá nixĩ i ngẽma ngexwaca̱xü̃xü̃ i chorü uneta i Iraétanüxü̃maxã chaxüxü̃: “Naãxẽwa tá chanangexmaxẽxẽ i ngẽma chorü mu, rü ngéma tá nangẽxma nax tama nüxü̃ iyanangümaexü̃ca̱x. Rü choma tá nixĩ i norü Tupana chixĩxü̃, rü nümagü rü tá chorü duü̃xü̃gü nixĩgü”. Rü chomatama ya Cori ya Tupana nixĩ i nüxü̃ chixuxü̃ i ngẽma.

Popera ga Chantiágu ümatüxü̃ 1:4

Rü ngẽma nax yáxna namaxã pexĩnüexü̃ i guxchaxü̃gü rü wüxi i perü poraxẽẽruxü̃ nixĩ nax mea Tupanaga pexĩnüexü̃ca̱x, rü norü orearü cua̱xwa pengugüxü̃ca̱x, rü taxuwama nachixexü̃ca̱x i perü maxü̃.

Yeremía 32:29

Rü ngẽma Babiróniacüã̱x i ñu̱xma daa ĩaneca̱x íyaxüãchixü̃ rü tá nagu nachocu rü tá nawa nanangixichigü. Rü tá nixa ya yima ĩane wüxigu namaxã ya yima ĩpatagü ya idoxétüne ga nawa Baáca̱x pumarate̱xe yagugüxü̃ rü yema tupananetagüna nawa bínu naxãgüxü̃. Rü yemaacü choxü̃ nanuxẽẽgü.

Yeremía 15:16

Rü yexguma chomaxã quidexagu rü choma rü chanayaxu ga curü ore. Rü yema curü ore nixĩ ga choxü̃ poraxẽẽxü̃ rü choxü̃ taãẽxẽẽxü̃ erü curü duü̃xü̃ chixĩ, Pa Corix, Pa Tupana ya Guxü̃étüwa Ngẽxmacüx.

Ucu̱xẽgüchiga 3:1

Pa Chaunex ¡taxṹ i nüxü̃ icuyarüngümaxü̃ i chorü ucu̱xẽgü i cumaxã nüxü̃ chixuxü̃! ¡Rü mea cugüãẽgu namaxã nanguxü̃ i ñaa chorü ucu̱xẽgü!

Wiyaegü 119:11

Rü chauãẽgu namaxã changuxü̃ i curü ore nax tama cupe̱xewa chixexü̃ chaxüxü̃ca̱x.

Wiyaegü 51:10

Pa Tupanax ¡chowa nangẽxmaxẽxẽ i wüxi i chauãxẽ i aixcüma mexü̃! ¡Rü nangexwaca̱xü̃xẽxẽ i chauãxẽ nax cupe̱xewa wüxi i naãxẽ i aixcüma mexü̃ yixĩxü̃ca̱x!

Ore i mexü̃ ga Luca ümatüxü̃ 8:14

Rü gumá triguchire ga tuxunecügu yixü̃ne, rü ngẽma nixĩ i duü̃xü̃gü i Tupanaarü orexü̃ ĩnüexü̃ rü yaxõgüxü̃. Natürü norü ngẽmaxü̃güca̱x naxoegaãẽgü, rü norü diẽruguama narüxĩnüe rü tama nüxü̃ narüxoechaü̃ i ñoma i naanearü ngúchaü̃gü. Rü ngẽmagagu düxwa taxuxü̃ma Tupanaca̱x naxü.

Ore i mexü̃ ga Luca ümatüxü̃ 8:16

Taxúema wüxi i omüwa tanangixichi nax tanatüxpechitaxü̃ca̱x rüe̱xna tümaarü pechicatüü̃gu tayaxǘcuchixü̃ca̱x. Natürü ngóxü̃gu tanaxǘ nax tüxü̃ nabáxixü̃ca̱x ya yíxema ngẽxma chocuxe.

Romanos 8:25

Natürü ngẽxguma tauta nüxü̃ idaugügu i ngẽma írüngu̱xẽẽgüxü̃, rü name nax mea ínangu̱xẽẽgüxü̃ ñu̱xmata nüxü̃ idaugü woo ngúxü̃ ingegügu.