Ore i mexü̃ ga Luca ümatüxü̃ 8:14 - Tupanaarü Ore

¹⁴ Rü gumá triguchire ga tuxunecügu yixü̃ne, rü ngẽma nixĩ i duü̃xü̃gü i Tupanaarü orexü̃ ĩnüexü̃ rü yaxõgüxü̃. Natürü norü ngẽmaxü̃güca̱x naxoegaãẽgü, rü norü diẽruguama narüxĩnüe rü tama nüxü̃ narüxoechaü̃ i ñoma i naanearü ngúchaü̃gü. Rü ngẽmagagu düxwa taxuxü̃ma Tupanaca̱x naxü.

Ore i mexü̃ ga Luca ümatüxü̃ 8:14 Referans Kwoze

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:17

Rü yíxema muarü diẽruã́xẽ i ñoma i naanewa, ¡rü tümamaxã nüxü̃ ixu nax tama ngẽmamaxã tügü ticua̱xüü̃güxü̃ca̱x rü tama nagu tarüxĩnüexü̃ca̱x nax ngẽma tümaarü diẽruwa nüxü̃ itayangaugüxü̃ i tümaarü maxü̃! Erü ngẽma diẽru rü paxa tá nagu̱x. Natürü narümemae nixĩ i Tupanaga taxĩnü, erü yimá nixĩ i tüxna naxãcü i maxü̃ rü guxü̃ma i ngẽmaxü̃gü i inaxwa̱xexü̃ nax itaãẽgüxü̃ca̱x.

Ore i mexü̃ ga Matéu ümatüxü̃ 13:22

Rü gumá triguchire ga tuxunecügu yixü̃nerüxü̃ nixĩ i ngẽma duü̃xü̃gü i Tupanaarü orexü̃ ĩnüexü̃ rü yaxõgüxü̃. Natürü ñoma i naanearü ngẽmaxü̃güca̱x nadaugü, rü ngẽmaguama narüxĩnüe, rü ngẽmaca̱x düxwa nüxü̃ inarüngümae i ngẽma ore. Rü guxü̃ma i ngẽma rü Tupanaarü orexü̃ nüxü̃ narüxoxẽxẽ nax tama aixcüma mea Tupanawe naxĩxü̃ca̱x i ngẽma duü̃xü̃gü.

Ore i mexü̃ ga Luca ümatüxü̃ 21:34

¡Pexũãxẽgü nax tama ta̱xacürü chixexü̃gagu düxwa nüxü̃ perüxoexü̃ nax peyaxõgüxü̃! Rü ngẽmaca̱x penaxwa̱xe nax pegüna pedaugüxü̃ nax tama pengãxẽxü̃ rüẽ̱xna ñoma i naanearü ngúchaü̃gu perüxĩnüexü̃. Erü ngürüãchi ngẽmagu íperüxĩnüeyane tá íchangu.

Ore i mexü̃ ga Luca ümatüxü̃ 8:7

Rü náigü ga triguchire rü tuxunecügu nayi. Natürü yexguma nayaegu ga tuxugü rü gumá triguxü̃ inawocu rü nanadai.

Norü taxre ga popera ga Timutéuca̱x naxümatüxü̃ ga Pauru 4:10

Dema rü ñoma i naanearü ngẽmaxü̃gügu narüxĩnü rü choxna nixũ, rü ĩane ga Techarónicawa naxũ, Rü Crechénte rü Gárataanewa naxũ, rü Títo i Damáchiaanewa naxũ.

Ore i mexü̃ ga Cuáü̃ ümatüxü̃ 15:6

Rü texé ya tama chowa yaxṹẽchaxe rü tá ítata̱xüchi. Rü wüxi i úbachacüxü i daexü̃ rü ipaxü̃ rü üxüwa iguxü̃rüxü̃ tá tixĩ.

Ore i mexü̃ ga Luca ümatüxü̃ 16:13

Taxucürüwama i wüxi i duü̃xü̃ rü nataxrearü coriã̱x. Erü wüxi i norü corichi rü tá naxai, rü ngẽma to rü tá nüxü̃ nangechaü̃. Rüe̱xna wüxica̱x rü tá mea napuracü rü ngẽma to rü tá nüxü̃ naxo. Rü pema rü taxucürüwama Tupanaca̱x pemaxẽ ega perü diẽruguama perüxĩnüegu —ñanagürü ga Ngechuchu.

Ore i mexü̃ ga Luca ümatüxü̃ 8:13

Rü gumá triguchire ga nutatanügu yixü̃ne, rü ngẽma nixĩ i duü̃xü̃gü i nüxü̃ ĩnüexü̃ i Tupanaarü ore rü taãẽãcü nayauxgüxü̃. Natürü tama aixcüma nagu narüxĩnüe i ngẽma ore rü paxaãchi nayaxõgü, rü yixcüra guxchaxü̃ nüxü̃ üpetügu, rü nüxü̃ narüxoe.

Ore i mexü̃ ga Luca ümatüxü̃ 8:15

Natürü gumá triguchire ga mexü̃ ga waixü̃mügu yixü̃ne, rü ngẽma nixĩ i duü̃xü̃gü i aixcüma taãẽãcü nayauxgüxü̃ i Tupanaarü ore, rü naga ĩnüexü̃, rü mea naxca̱x maxẽxü̃. Rü ngẽma nixĩ i duü̃xü̃gü i aixcüma Tupanawe rüxĩxü̃ rü naxügüxü̃ i ngẽma nüma nanaxwa̱xexü̃.

Popera ga Yudíugü ga yaxõgüxü̃ca̱x ümatüxü̃ 6:1

Rü ngẽmaca̱x name nixĩ i yexeraãcü tingúeetanü nax aixcüma mea nüxü̃ icuáxü̃ca̱x i Cristuchiga. Rü tanaxwa̱xe nax nüxü̃ ichopetüxü̃ ga yema ore ga nawa inaxügüxü̃ nax Cristuchigaxü̃ icuáxü̃. Rü taxũtáma yeü̃cürü yema ore ga nawa inaxügüxü̃chiga tidexagüecha. Rü taxuca̱xma tü̱xcüü̃ wena pemaxã nüxü̃ tixu nax nüxü̃ perüxoexü̃ca̱x nax nagu pexĩxü̃ i ngẽma mugü ga Moiché ümatüxü̃ i tama tüxü̃ maxẽxẽẽxü̃. Rü ngẽxgumarüxü̃ ta taxuca̱xma tü̱xcüü̃ wena pemaxã nüxü̃ tixu i nachiga nax ñuxãcü Tupanaaxü̃́ yaxõgüxü̃.