Ore i mexü̃ ga Luca ümatüxü̃ 8:13 - Tupanaarü Ore

¹³ Rü gumá triguchire ga nutatanügu yixü̃ne, rü ngẽma nixĩ i duü̃xü̃gü i nüxü̃ ĩnüexü̃ i Tupanaarü ore rü taãẽãcü nayauxgüxü̃. Natürü tama aixcüma nagu narüxĩnüe i ngẽma ore rü paxaãchi nayaxõgü, rü yixcüra guxchaxü̃ nüxü̃ üpetügu, rü nüxü̃ narüxoe.

Ore i mexü̃ ga Luca ümatüxü̃ 8:13 Referans Kwoze

Ore i mexü̃ ga Cuáü̃ ümatüxü̃ 5:35

Cuáü̃ rü wüxi ga omü ga iya̱u̱xracüüxü̃ rü pexü̃ báxixü̃rüxü̃ nixĩ. Rü pema rü paxaãchi namaxã petaãẽgü.

Ochéa 6:4

Rü nüma ya Cori ya Tupana rü ñanagürü: —¿Ta̱xacü tá pemaxã chaxü Pa Efraíü̃tanüxü̃x? ¿Rü ta̱xacü tá pemaxã chaxü Pa Yudáanecüã̱xgüx? Rü ngẽma nax choxü̃ pengechaxü̃xü̃ rü ñoma caixanexü̃ i ẽxü̃wa paxaãchi ngóxü̃rüxü̃ nixĩ, rü yima cherena ya ngunetüxü̃ paxaãchi rüngucürüxü̃ nixĩ.

Echequié 33:32

Rü ngẽma duü̃xü̃gü rü cuxü̃ nadaugü nax nüxü̃ cucuáxü̃ nax nagu cuwiyaexü̃ i ãarüã̱xarü wiyaegü, rü cumegaxü̃, rü nüxü̃ cucuáxü̃ i árpaarü paxü. Rü inarüxĩnüechire̱x i curü ore i nüxü̃ quixuxü̃, natürü tama aixcüma nagu namaxẽ.

Ucu̱xẽgüchiga 12:12

Ngẽma ngĩ́ta̱xáxü̃ rü nüxü̃́ nangúchaü̃ i ngẽma namücü naxca̱x ngĩ́xü̃, rü ngẽmaca̱x nügümaxã nanue, natürü ngẽma duü̃xü̃gü i mexü̃gu maxẽxü̃, rü nimuetanü rü taguma inayarüxo.

Popera ga Yúda ümatüxü̃ 1:12

Rü ngẽxguma pema i yaxõgüxü̃ õnaca̱x pengutaque̱xegügu, rü ngẽma duü̃xü̃gü rü wüxi i ãnexüchi nixĩgü. Erü nataãẽgü, rü poraãcü nachibüe rü naxaxegü. Rü nügüguxicatama narüxĩnüe. Rü ngẽma duü̃xü̃gü rü taxuwama nime, rü ñoma caixanexü̃ i ngearü pucüã́xü̃ i buanecü ingexü̃rüxü̃ nixĩgü. Rü ñoma nanetügü i tama ixoxü̃ i ngẽxguma norü owa nanguxgurüxü̃ nixĩgü. Rü ñoma naigü i guxü̃ma i naxchúma̱xãmaxã nabe̱xgüxü̃ rü yuexüchixü̃rüxü̃ nixĩgü i ngẽma duü̃xü̃gü.

Norü taxre ga popera ga Pedru ümatüxü̃ 2:22

Rü aixcüma ngẽma duü̃xü̃gü i Tupanana woeguxü̃wa ningu i Tupanaarü ore i ümatüxü̃ i ñaxü̃: “Ngẽma airu i nügü oxgüxü̃, rü wenaxarü naxca̱x nataegu i norü oxü nax yawéaxü̃ca̱x. Rü ngẽma cuchi i norü yora meama aiyachiréxü̃, rü ngẽxgumatama wenaxarü norü aiyanewa nayayuxu”, ñanagürü i ngẽma ore.

Norü taxre ga popera ga Pedru ümatüxü̃ 2:20

Rü guxãma ya yíxema marü tórü Cori ya Ngechuchu ya Cristu ya tórü Maxẽxẽẽruü̃xü̃ yauxgüxe, rü marü nawa ítanguxü̃ i ñoma i naanearü chixexü̃gü. Natürü ngẽxguma chi wenaxarü naxca̱x tawoegugu i ngẽma chixexü̃ i nawa ítanguxü̃chiréxü̃, rü aixcüma noxriarü yexera tichixe.

Popera ga Yudíugü ga yaxõgüxü̃ca̱x ümatüxü̃ 10:39

Natürü i yixema rü tama naxrüxü̃ tixĩgü i ngẽma duü̃xü̃gü i Tupanana ixĩgachixü̃ rü poxcuwa ĩxü̃, erü yixema rü tüxü̃́ nangẽxma i maxü̃ i taguma gúxü̃ erü tayaxõgü.

Efesios 3:17

Rü ngẽxgumarüxü̃ ta nüxna naxca̱x chaca nax perü õgagu pewa namaxü̃xü̃ca̱x ya Cristu. Rü nüxna chaca nax ngẽma Tupanaarü ngechaü̃ i pewa ngẽxmaxü̃ca̱x rü pema rü wüxigu guxü̃ma i yaxõgüxü̃maxã nüxü̃ pecuáxü̃ nax ñuxãcü nataxüchixü̃ i norü ngechaü̃ i namaxã tüxü̃ nangechaü̃xü̃ ya Cristu.

Ichaía 58:2

Rü nümagü rü guxü̃ i ngunexü̃gu cha̱u̱xca̱x nadaugü rü chomaxã nüxü̃ nixugü nax chauga naxĩnüechaü̃xü̃ ñoma mea namaxẽxü̃rüxü̃ rü chorü mugügu naxĩnüexü̃rüxü̃. Rü nümagü rü choxna naxca̱x nacagü i mexü̃ i mugü rü choxna nangaicamagüchaü̃.

Popera ga Chantiágu ümatüxü̃ 2:26

Rü ngẽma naxü̃ne rü nayumare ega nataxuxguma i naãxẽ. Rü ngẽxgumarüxü̃ ta nixĩ nax taxuwama namexü̃ nax yaxõmarexü̃ ega taxuxü̃ma i mexü̃ ixüxgu.

1 Tesalonicenses 3:5

Rü yemaca̱x ga yexguma marü tama yáxna namaxã chaxĩnügu nax tama pechigaxü̃ chacuáxü̃, rü yemaca̱x düxwa Timutéuxü̃ yéma petanüwa chamu nax pexna yacaxü̃ca̱x rü aixcüma yixĩx nax peyaxõgüamaxü̃ i Tupanaarü ore. Yerü chaxoegaãxẽ rü bexmana Chataná rü chixexü̃gu pexü̃ nayixẽxẽ, rü yemaca̱x natüca̱xmamare chi nixĩ ga torü puracü ga petanüwa taxüxü̃.

Colosenses 2:7

Rü wüxi i nanetü i waixü̃müwa meama yaxũ̱xchúma̱xaxü̃rüxü̃ rü pema rü name nax meama Cristuwa peyaxũ̱xgüxü̃ i perü õwa, yema pexü̃ tangúexẽẽxü̃rüxü̃. Rü name nixĩ i guxü̃guma Tupanana moxẽ pexãgü.

Gálatas 3:4

¿Ẽ̱xna natüca̱xmamare nixĩ ga yema mexü̃ ga Tupana pexca̱x üxü̃? Rü chierüx tama natüca̱xmamare yixĩxgu ga yema.

Gálatas 3:1

Pa Chauenexẽgü i Gárataanecüã̱x, pema rü tama peãẽxü̃ pecua̱x. Rü yexguma petanüwa tayexmagügu rü meama guxãpe̱xewa pemaxã nüxü̃ tixu nax curuchagu taxca̱x nayuxü̃ ga Ngechuchu ya Cristu. ¿Rü texé pexü̃ tawomüxẽxẽ i ñu̱xma nax tama naga pexĩnüexü̃ca̱x i ngẽma ore i aixcüma ixĩxü̃ ga pemaxã nüxü̃ tixuxü̃?

1 Corintios 15:2

Rü ngẽma oregagu nixĩ i pexü̃́ nangẽxmaxü̃ i maxü̃ i taguma gúxü̃, ega aixcüma guxü̃guma peyaxõgügu. Natürü ngẽxguma tama guxü̃guma peyaxõgügu, rü natüca̱xmamare nixĩ i ngẽma perü õ.

Ore i mexü̃ ga Cuáü̃ ümatüxü̃ 15:6

Rü texé ya tama chowa yaxṹẽchaxe rü tá ítata̱xüchi. Rü wüxi i úbachacüxü i daexü̃ rü ipaxü̃ rü üxüwa iguxü̃rüxü̃ tá tixĩ.

Ore i mexü̃ ga Cuáü̃ ümatüxü̃ 15:2

Rü ngẽma úbachacüxü i tama choxü̃́ oxü̃, rü norü yora rü nayadae. Natürü ngẽma nachacüxü i oxü̃, rü mea nanamexẽẽtanü nax yexeraãcü poraãcü naxoxü̃ca̱x.

Ucu̱xẽgüchiga 12:3

Ngẽma chixexü̃ i nacüma, rü taxúeãxü̃ma name, natürü ngẽma duü̃xü̃gü i mexü̃ i nacümagu ĩxü̃, rü nimuetanü rü taguma inayarüxo.

Yox 19:28

Rü pema rü chauchiga pidexagü rü ñaperügügü: “¡Ngĩxã nüxü̃ tixugüe erü aixcüma nixĩ i chixexü̃ naxüxü̃!” ñaperügügü.

Colosenses 1:23

Natürü ngéma nax pengugüxü̃ca̱x, rü penaxwa̱xe nax guxü̃guma aixcüma peyaxõgüxü̃ rü taguma nüxü̃ perüxoexü̃ i ngẽma ore i mexü̃ ga marü nüxü̃ pexĩnüexü̃ nachiga i ngẽma maxü̃ i ípenangu̱xẽẽxü̃. Rü ngẽmatama ore nixĩ i ñu̱xma gúxü̃ i naanewa nüxü̃ yaxugüexü̃, rü choma i Pauru nixĩ i nawa chapuracüxü̃ nax nüxü̃ chixuxü̃ca̱x i ngẽma ore.

1 Corintios 13:2

Rü woo nüxü̃ chacua̱xgu nax mea duü̃xü̃gümaxã nüxü̃ chixuxü̃ i Tupanaarü ore, rü woo nüxü̃ chacua̱xgu i guxü̃ma i ta̱xacü i ẽxü̃guxü̃ i Tupanachiga, rü woo choxü̃́ natauxchagu nax chorü õmaxã chayaxĩgachixẽẽxü̃ ya ma̱xpǘnegü, natürü taxuwama chame ega tama choxü̃́ nangẽxmagu i ngechaü̃.

Ore i mexü̃ ga Márcu ümatüxü̃ 6:20

Yerü ngĩte ga Eróde rü Cuáü̃xü̃ namuü̃, yerü nüxü̃ nacua̱xchire̱x nax wüxi ga yatü ga mecü rü üünecü nax yixĩxü̃, rü yemaca̱x nixĩ ga naétüwa nachogüxü̃. Rü yexguma Cuáü̃arü orexü̃ naxĩnügu ga Eróde, rü naxoegaãxẽ, natürü mea nüxü̃́ inarüxĩnü.

Nüxíraxü̃xü̃ ga popera ga Cuáü̃ ümatüxü̃ 2:19

Rü ngẽma Cristuarü uanügü rü tatanüwatama nangẽxmagüchire̱x, natürü tama aixcüma tatanüxü̃ nixĩgü, erü ngẽxguma chi tatanüxü̃ yixĩgügu rü tatanügu chitama narücho. Natürü marü tatanüwa ínachoxü̃ nax meama nangóxü̃ca̱x nax tama aixcüma tatanüxü̃ yixĩgüxü̃.

Ore i mexü̃ ga Luca ümatüxü̃ 8:12

Rü gumá triguchire ga namagu yixü̃nerüxü̃ nixĩ i duü̃xü̃gü i ngẽma orexü̃ ĩnüexü̃. Natürü Chataná rü ngẽma duü̃xü̃güxü̃ nüxü̃ inayarüngümaexẽxẽ i ngẽma ore, nax tama yaxõgüãxü̃ca̱x rü tama nayauxgüãxü̃ca̱x i maxü̃ i taguma gúxü̃.

Ore i mexü̃ ga Luca ümatüxü̃ 8:14

Rü gumá triguchire ga tuxunecügu yixü̃ne, rü ngẽma nixĩ i duü̃xü̃gü i Tupanaarü orexü̃ ĩnüexü̃ rü yaxõgüxü̃. Natürü norü ngẽmaxü̃güca̱x naxoegaãẽgü, rü norü diẽruguama narüxĩnüe rü tama nüxü̃ narüxoechaü̃ i ñoma i naanearü ngúchaü̃gü. Rü ngẽmagagu düxwa taxuxü̃ma Tupanaca̱x naxü.